Reading Article
Public date : 31, Jul 2019 (4,647 Read)
ក្នុងខ្លួនគ្មានមេត្តា ដូចស្រុកគ្មានភ្លៀង
|
|
|
ក្នុងខ្លួនគ្មានមេត្តា ដូចស្រុកគ្មានភ្លៀង
ស្រុក ឬ ជនបទមួយដែលគ្មានទឹកភ្លៀងស្រុកនោះក៏ ហួតហែងក្រៀមស្រពោនមិនមានសម្រស់ស្រស់បំព្រងគួរជាទីពិចពិលរមិលមើលឡើយ មនុស្សសត្វទាំងឡាយ នៅក្នុងស្រុកនោះ ក៏ភៀសខ្លួនចេញទៅស្រុកដទៃដែលមានភ្លៀងធ្លាក់ ដើម្បីចិញ្ចឹមជីវិតរបស់ខ្លួនបន្តទៀត នេះជាសេចក្ដីប្រៀបធៀបឲ្យឃើញថា បើក្នុងខ្លួនយើងគ្មានចិត្តមេត្តាដល់សត្វទាំងឡាយទេ សត្វទាំងឡាយមិនអាចនៅជិតខ្លួនឬនៅជាមួយខ្លួនបានទេ ពួកគេទាំងអស់នឹងទៅឲ្យឆ្ងាយពីខ្លួនយើងព្រោះយើងជាមនុស្សក្ដៅហួតហែងគ្មានមេត្តា។ ដូច្នេះមេត្តាតាមផ្លូវវាចាចិត្តរបស់យើង ដូចជាទឹកដ៏ត្រជាក់សម្រាប់ស្រោចស្រពលើខ្លួនឯង និងអ្នកដទៃ ឲ្យបានសេចក្ដីសុខ ឲ្យបាននូវប្រយោជន៍គ្រប់បែបយ៉ាង អំពីខ្លួនដែលជាអ្នកមានមេត្តា។ - អ្នកមានមេត្តាចិត្ត គឺមានសេចក្ដីសុខគ្រប់ឥរិយាបថទាំង៤ - អ្នកមានមេត្តាចិត្ត ដូចជាស្រុកដែលមិនខ្វះដោយទឹក - អ្នកមានមេត្តាចិត្ត ត្រជាក់ដូចជាកូននៅជិតម្ដាយ - អ្នកមានមេត្តាចិត្ត ដូចត្រីដែលនៅក្នុងទឹកត្រជាក់ល្អ - អ្នកមានមេត្តាចិត្ត ក្រអូបដូចជាក្លិនផ្កាឈូកជាដើម - អ្នកមានមេត្តាចិត្ត ប្រសើរជាងមាសប្រាក់ទ្រព្យសម្បត្តិ - អ្នកមានមេត្តាចិត្ត ដូចព្រះរាជាទ្រង់គ្រឿងដ៏ល្អអស្ចារ្យ - អ្នកមានមេត្តាចិត្ត ដូចជានាវាដ៏ធំសម្រាប់ចម្លងសត្វ - អ្នកមានមេត្តាចិត្ត ដូចស្រុកគ្មានចោរ ឬសត្រូវបៀតបៀន - អ្នកមានមេត្តាចិត្ត អាចគេចរួចផុតអំពីគ្រោះថ្នាក់ផ្សេងៗ - អ្នកមានមេត្តាចិត្ត គឺជាអ្នកមានសីលសមាធិជាដើម - អ្នកមានមេត្តាចិត្ត គឺនៅជិតស្ថានសួគ៌ានិងព្រះនិព្វាន ការចម្រើនមេត្តាចិត្ត គឺការលះបង់នូវសេចក្ដីក្រោធឲ្យបានរឿយៗ។ ដកស្រង់ចេញពីសៀវភៅ មេត្តាចិត្ត រៀបរៀងដោយ កែវ វិមុត្ត ដោយ៥០០០ឆ្នាំ |
