Reading Article
Public date : 27, Jul 2019 (12,215 Read)
រឿងឧបសាឡ្ហកព្រាហ្មណ៍
|
|
|
រឿងឧបសាឡ្ហកព្រាហ្មណ៍
(ចាក ខុ ទុ) (សត្វលោក មានការកើតស្លាប់ញិកញាប់មិនអស់) ក្នុងកាលកន្លងទៅហើយ មានព្រាហ្មណ៍ម្នាក់ឈ្មោះឧបសាឡ្ហក នៅក្នុងនគររាជគ្រឹះ ជាអ្នកប្រកាន់ខ្លួន។ ថ្ងៃមួយគាត់បានប្រាប់ដល់កូនប្រុសរបស់គាត់ថា បើអញស្លាប់ទៅកូនឯងចូរចាត់ចែងបូជាសពវអញ ត្រង់កន្លែងណាដែលមនុស្សទាំងឡាយមិនដែលបូជា មិនចោលសាកសព មិនធ្លាប់កប់សាកសព្របស់មនុស្សដទៃៗ។
កូនឮដូច្នោះហើយនិយាយប្រាប់បិតាថា ខ្ញុំមិនអាចដឹងទីកន្លែងដែលបរិសុទ្ធស្អាត មិនដែលមានបុគ្គលណា យកសាកសពទៅបូជាទៅកប់ទៅចោលទេ ហេតុនេះសូមបិតាចង្អុលទៅប្រាប់ទីតាំងដែលបរិសុទ្ធនោះដល់កូន។ ឧបសាឡ្ហកព្រាហ្មណ៍បានចង្អុលទីលើកំពូលភ្នំគិជ្ឈកូដត្រង់ចន្លោះភ្នំ ៣ ហើយបាននាំកូនឡើងទៅលើកំពូលភ្នំចង្អុលប្រាប់ទីនោះដោយសព្វគ្រប់ ទើបនាំគ្នាចុះមកវិញ ដល់មកជើងភ្នំបានជួបនឹងឥសីមួយរូប ជាអ្នកបានសម្រេចអភិញ្ញា និងសមាបត្តិ។ ឥសីឃើញជនទំាងពីរនោះហើយ ក៏សួរថា ម្នាលព្រាហ្មណ៍អ្នកនាំគ្នាមកពីណា?។ ព្រាហ្មណ៍ជាកូនប្រាប់ថាឥសីថាខ្ញុំមកពីមើលទីដែលបរិសុទ្ធ មិនដែលបុគ្គលណាយកសាកសពទៅកប់ទៅបូជាទៅចោលក្នុងទីនោះ ព្រោះបិតាខ្ញុំប្រាប់ថា ដល់គាត់ធ្វើមរណកាលទៅ ឲ្យខ្ញុំយកទៅបូជាក្នុងទីដែលបរិសុទ្ធ មិនដែលបុគ្គលណា គេយកសាកសពទៅបូជាទៅកប់ទៅចោលក្នុងទីនោះ។ឥសីលោករព្ញកជាតិបាន ក៏បបួលព្រាហ្មណ៍ទំាងពីរនាក់ត្រឡប់ទៅលើកំពូលភ្នំនោះម្តងទៀត ទៅដល់ហើយឲ្យព្រាហ្មណ៍ជាកូនចង្អុលបង្ហាញទីនោះ។ ឥសីឃើញ ក៏រព្ញកជាតិរបស់ព្រាហ្មណ៍ដឹងដោយសព្វគ្រប់ ទើបនិយាយថា ម្នាលព្រាហ្មណ៍បិតារបស់អ្នកធ្លាប់កើតនៅក្នុងត្រកូលព្រាហ្មណ៍នាក្រុងរាជគ្រឹះនេះ មានឈ្មោះថាឧបសាឡ្ហកដូចកាលឥឡូវនេះជាច្រើនជាតិមកហើយ លុះស្លាប់ទៅបាននាំសពមកបូជាក្នុងទីនោះចំនួន ១ ហ្មីន ៤ ពាន់ជាតិហើយ ទើបលោកសំដែងគាថាប្រាប់ដល់ព្រាហ្មណ៍នោះថាៈ ឧបសាឡ្ហកនាមានំ សហស្សានិ ចតុទ្ទស អស្មីបទេសេ ទឌ្ឍានិ នត្ថិលោកេ អនាតំ។
យម្ហិ សច្ចព្វា ធម្មោច អហឹសា សញ្ញមោ ទមោ
ឯតទរិយា សេវន្តិ ឯតំ លោកេ អនាមតំ។
ព្រាហ្មណ៍ឈ្មោះឧបសាឡ្ហកៈ ត្រូវបូជាក្នុងទីនេះ ១៤ ពាន់ជាតិហើយ ទីស្ថានដែលសត្វមិនស្លាប់តៗ គ្នាឥតមានក្នុងលោកទេ។ សច្ចៈ ធម្មៈអហឹសាសញ្ញមៈ និងទមៈទាំង៥ នេះមានក្នុងទីណា ព្រះអរិយទាំងឡាយតែងសេពនូវទីនោះ ទីនោះឯងមានឈ្មោះថាអនាមតៈ ឥតមានសត្វស្លាប់តៗគ្នាឡើយ។ ព្រាហ្មណ៍ទំាងពីរនាក់ឮដូច្នោះហើយលែងខ្វល់ខ្វាយក្នុងទីបូជាសព ត្រឡប់ទៅផ្ទះរបស់ខ្លួនវិញ។ ដោយ៥០០០ឆ្នាំ |
Articles you may like
