ព្រះមហាថេរពីរព្រះអង្គ ដែលជាអតីតក្រុមជំនុំព្រះត្រៃបិដក

សម្ដេច ព្រះមហាថេរ ពីរព្រះអង្គ ដែលជាអតីតក្រុមជំនុំ ព្រះត្រៃបិដក នាទសវត្ស៦០ ដែលមានសមណស័ក្តិ ទី ថ្នាក់ទោ និង ថ្នាក់ត្រី ហើ្យមានភ័ព្វសំណាង បានរួចរស់​ជីវិត ក្រោយរបបខ្មែរក្រហម ។ ជាអតីតសិស្សបញ្ចប់សញ្ញាបត្រសាលាបាលីជាន់ខ្ពស់ ក្រុងភ្នំពេញនៅទសវត្ស៤០ ជាអាចារ្យ​សាលាបាលី នៅ ទសវត្ស៥០, ៦០ និង៧០ និងក្រោយ៧៩ បានដឹកនាំ វិស័យពុទ្ធិកសិក្សា បើកសាលាបាលី បណ្ដុះបណ្ដាល ធន​ធាន​បញ្ញវន្តសង្ឃនៅក្រុងភ្នំពេញ និងទូទាំងប្រទេសឡើងវិញ រហូតដល់ថ្ងៃអស់ព្រះជន្ម ។

-នៅឆ្នាំ១៩៧០ ព្រះតេជព្រះគុណ អ៊ុម ស៊ុម សង្ឃត្ថេរោ ងារដើមជា ព្រះញាណវង្ស ទីរាជ​គណ:​ថ្នាក់ត្រី ព្រះជន្ម ៥២ឆ្នាំ បួសបាន ៣២វស្សា ឡើងជា ព្រះសាសនមុនី ទី​រាជគណ: ថ្នាក់ទោ នៃ​គណ:​មហានិកាយ តទៅ ។ គង់នៅ វត្តសារ៉ាវន្តតេជោ ក្រុងភ្នំពេញ។ ឆ្នាំ១៩៩១ ឡើងជា ព្រះមង្គលទេព្វា​ចារ្យ​ ទីរាជាគណ: ថ្នាក់ឯក គណៈ:មហានិកាយ ចៅអធិការវត្តមហាមន្ត្រី ក្រុងភ្នំពេញ នៅឆ្នាំ១៩៩២ ទទួល​គោរមងារ ជា សម្ដេច ព្រះមង្គលទេព្វាចារ្យ សម្ដេចព្រះសង្ឃនាយករង គណៈមហានិកាយ និងជា អធិការពុទ្ធិកសិក្សាជាតិ។

-នៅឆ្នាំ១៩៧០ ព្រះតេជព្រះគុណ ហេង លាងហោ ងារដើម ជា ព្រះញាណសំវរ ទីរាជគណ:ថ្នាក់ចត្វា ព្រះជន្ម ៤៨ឆ្នាំ បួសបាន ២៨វស្សា ឡើងជា ព្រះឧបាលិវង្ស ទីរាជគណ: ថ្នាក់ត្រី នៃគណ:​មហា​និកាយ តទៅ ។ចៅអធិការ វត្តកែវព្រះភ្លើង ក្រុងភ្នំពេញ។ ឆ្នាំ១៩៩៣ ឡើងជា ព្រះពុទ្ធ​ឃោសា​ចារ្យ​ ទីរាជាគណ: ថ្នាក់ទោ មហានិកាយ ចៅអធិការវត្តព្រះពុទ្ធមានបុណ្យក្រុងភ្នំពេញ នៅឆ្នាំ​២០០១​ ទទួលគោ​រមងារ ជាសម្ដេច ព្រះឧត្ដមមុនី ទីសម្ដេចកិត្តិយស មហានិកាយ អគ្គាធិការរងពុទ្ធិក​សិក្សាជាតិ និងជាចាងហ្វាងសាលា ពុទ្ធិកវិទ្យាល័យ ព្រះសុរាម្រឹត (ក្រុងភ្នំពេញ) ។



ប្រភពៈ ហ្វេសប៊ុក មាតុភូមិខ្មែរ ក្រុងកម្ពុជាធិបតី
ដោយ៥០០០ឆ្នាំ