Sunday, 23 Jun B.E.2568  
ស្តាប់ព្រះធម៌ (mp3)
ការអានព្រះត្រៃបិដក (mp3)
ស្តាប់ជាតកនិងធម្មនិទាន (mp3)
​ការអាន​សៀវ​ភៅ​ធម៌​ (mp3)
កម្រងធម៌​សូធ្យនានា (mp3)
កម្រងបទធម៌ស្មូត្រនានា (mp3)
កម្រងកំណាព្យនានា (mp3)
កម្រងបទភ្លេងនិងចម្រៀង (mp3)
បណ្តុំសៀវភៅ (ebook)
បណ្តុំវីដេអូ (video)
Recently Listen / Read






Notification
Live Radio
Kalyanmet Radio
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
Metta Radio
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Radio Koltoteng
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Radio RVD BTMC
ទីតាំងៈ ខេត្តបន្ទាយមានជ័យ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌ (ភ្នំពេញ)
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Mongkol Panha Radio
ទីតាំងៈ កំពង់ចាម
ម៉ោងផ្សាយៈ ៤.០០ - ២២.០០
មើលច្រើនទៀត​
All Counter Clicks
Today 40,323
Today
Yesterday 158,009
This Month 4,295,803
Total ៤០៥,០៧៨,៥២៨
Reading Article
Public date : 05, Jun 2022 (21,358 Read)

រឿងរុក្ខទេវតា



 
រឿងរុក្ខទេវតា
( ចាក ព្យ. តិ. )
( អ្នកមានទ្រព្យ មានយសស័ក្តិ គួរក្សាអ្នកក្រឥតយសស័ក្តិ )

 
 
ក្នុងកាល​កន្លង​ទៅហើយ​ ព្រះបាទ​ព្រហ្មទត្ត​សោយរាជ​សម្បត្តិ​ក្នុង​ក្រុង ពារាណសី ​កាលនោះ​ព្រះពោធិ​សត្វ​ទ្រង់​សោយ​ព្រះជាតិ​ជា​រុក្ខទេវតា​ គង់​នៅ​ដើម​ឈើមួយ​ក្បែរព្រៃ​ធំ ។​ មានរុក្ខ​ទេវតា​មួយ​អង្គទៀត​អាស្រ័យ​នៅនឹង​ដើមឈើ​ធំ​បំផុត​ ក្នុង​ព្រៃជិត​លំនៅ​របស់ព្រះពោធិសត្វ ។

ក្នុងព្រៃនោះមាន​រាជសីហ៍​និងខ្លា​អាស្រ័យ​នៅ ​មនុស្ស​ទាំងឡាយ​ មិនហ៊ាន​ទៅធ្វើ​ស្រែ​ចម្ការក្នុងទី​ជិតព្រៃ​នោះ ​ឬកាប់ដើម​ឈើក្នុង​ព្រៃនោះ​ឡើយ​ ព្រោះ​ខ្លាច​សត្វ​ទាំងពីរបៀតបៀន ​។ សីហៈ​និងខ្លា​តែង​ចាប់ម្រឹគ​ផ្សេងៗ​ ស៊ីជា​អាហារ ​ចោលសាច់​និងឆ្អឹងគរ​ពាស​ពេញ​ព្រៃនោះ ​សាច់​និងឆ្អឹង​សំណល់​ទាំងឡាយ​នោះ​ ក៏រលួយរ​លិច​ មាន​ក្លិន​ឆ្អេះ​ឆ្អាប​ ស្អុយ​ផ្សាយ​ទៅ​ពេញ​ព្រៃ​ទាំងមូល ​។ ​

ឯរុក្ខទេវតា​​ដែលនៅនឹង​ដើមឈើធំ ​ជាអ្នក​ល្ងង់ខ្លៅ​  មិនយល់ផ​ល​ជ្រៅ​ឆ្ងាយ​ បាន​និយាយ​នឹង​ព្រះ​ពោធិ​សត្វ​ថា នែ ! ​សំឡាញ់​ ព្រៃនេះ​មានក្លិន​ស្អុយ​អសោចិ៍​ពេក​ណាស់ ​ព្រោះតែ​សត្វសីហៈ​និងខ្លា​ ដែលជា​សត្វចង្រៃ​ យើង​ត្រូវ​​ដេញវា​រត់ចេញទៅ ​កុំឳ្យនៅ​តទៅ​ទៀត ។

ព្រះពោធិសត្វនិយាយ​ឃាត់ថា​ នែ ! សំឡាញ់​អ្នកមិន​ដឹងទេ​ឬ ?​ វិមាន​របស់យើង​ដែលតាំង​នៅបាន ​ព្រោះអាស្រ័យ​សត្វទាំង​ពីរនោះ​ឯង​ បើ​យើង​ដេញ​​វា​ទៅ  ​មនុស្សទាំងឡាយ​ កាល​មិនឃើញ​ដាន​ជើង​សីហៈ​និងខ្លា​ធំ​ហើយ ​ក៏នឹងនាំគ្នាមកកាប់ឈើ រើព្រៃ ជីកគាស់ឳ្យស្រឡះ យកទីដី​ទាំងមូល​នេះ ធ្វើ​ជាស្រែចម្ការ វិ​មាន​របស់យើងមុខ​ជាវិនាស​ជាមិនខាន​ ព្រោះ​ហេតុ​នោះអ្នក​កុំចូលចិត្ត​ចង់ដេញ​សត្វទាំងពីរ​នោះឡើយ ។​

ទេវតាឆោតល្ងង់នោះ ​ទោះបីព្រោះពោធិ​សត្វនិយាយប្រាប់​យ៉ាងណា​  ក៏មិន​ធ្វើតាម​ឡើយ ​។ ថ្ងៃមួយ​បាននិម្មិត​ខ្លួនធំ​សំបើមអស្ចារ្យ​ លងបន្លាច​គ្រហឹមគម្រាម​ ដេញរាជសីហ៍​និង​ខ្លាធំឳ្យរត់​បាត់​អស់ទៅ ។​


មនុស្សទាំងឡាយ​ កាលបើមិនឃើញ​ដានជើង​  របស់​សត្វទាំង​ពីរនោះ​ ហើយ ​ក៏សំគាល់ថា ​រាជសីហ៍និង​ខ្លាមិននៅក្នុង​ទីនោះទេ​ ទើបនាំគ្នា​កាប់គាស់​ដើមឈើក្នុងព្រៃ​អស់ជាច្រើន ។ ​

រុក្ខទេវតានោះ​ លុះឃើញដូច្នោះក៏ចូលទៅ​រកព្រះពោធិសត្វ​ ហើយ​និយាយថា​ សំឡាញ់ ​ខ្ញុំមិនបានធ្វើតាម​ពាក្យរបស់អ្នក​ ខ្ញុំដេញ​សត្វទាំងពីរ​នោះឳ្យ​រត់អស់ទៅ ​ឥឡូវពួក​មនុស្សដឹងថា ​សត្វទាំងពីរនោះ​មិននៅ​ ទើប​នាំគ្នា​ចូលទៅកាប់​គាស់ឈើក្នុងព្រៃអស់​ជាច្រើន ​បើយ៉ាងនេះ​ តើយើង​គិតដូចម្តេច​ទើបស្រួល ។ ​ព្រះពោធិសត្វ ​បានពន្យល់ដឹកនាំ​ប្រាប់ឧបាយ​ថា ឥឡូវ​​សត្វទាំងពីរនោះ​ ទៅនៅក្នុង​ព្រៃឯ​ណោះ  ​ អ្នកត្រូវ​ទៅបបួលវា​ឳ្យត្រឡប់​មកវិញ ​។ ​រុក្ខទេវតាឆោត​ល្ងង់​ ក៏ចូលទៅ​ក្នុងព្រៃនោះ​តាមព្រះ​ពោធិសត្វ ​អង្គុយផ្គង​អញ្ជលី​ខាងមុខសត្វ​ទាំងពីរហើយ​ អង្វរឳ្យ​ត្រឡប់​ទៅនៅ​ព្រៃដដែល​វិញ ។ ​

សត្វទាំងពីរនោះ ទោះបីទេវតាអង្វរយ៉ាងណា ក៏បដិសេដយ៉ាង​ដាច់ខាត​ថាអ្នក​ចូរ​ទៅចុះ យើងមិនទៅទេ ។ រុក្ខទេវតាបានទាល់គំនិត ក៏ត្រឡប់​ទៅលំនៅ​របស់ខ្លួនវិញ ។ មនុស្សទាំង​ឡាយ បាននាំគ្នា​ជីកគាស់កាប់​រំលើង​ដើមឈើ​រហូតអស់ព្រៃធំ​នោះ​ទៅ ។ ​ឯទេវតា​ឆោតល្ងង់​ ក៏ខានបាន​នៅក្នុងទីនោះ​តទៅ​ទៀត ។


វាយអត្ថបទដោយ ខ្ញុំព្រះករុណា ខ្ញុំបាទ យ៉ែម ភិរុណ ដកស្រង់ចេញប្រជុំ​និទានជាតកភាគ​១ របស់ព្រះបាឡាត់ឧត្តម​លិខិត សុង ស៊ីវ សិទ្ធត្ថោ គ្រូបង្រៀនបាលីនៅវត្ត​លង្កា រាជធានីភ្នំពេញ ។ អរព្រះគុណព្រះភិក្ខុ សិរីបញ្ញោ ហ៊ុល សុខារ៉ា ព្រះគ្រូចៅអធិការ វត្តកល្យាណ​មិត្តខ្សាច់​ពោយនិង​លោកអាចារ្យ ចយ ធិន ដែលបានផ្តល់សៀវភៅប្រជុំនិទានជាតកនេះ។



ដោយ៥០០០ឆ្នាំ
 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
Articles you may like
Public date : 06, Jun 2024 (26,599 Read)
សេច​ក្តី​ជ្រះ​ថ្លា​ជា​មេ​បណ្តុះ​សម្បត្តិ​លោកិយ​និង​លោក​កុត្តរ
Public date : 25, Jul 2019 (17,230 Read)
រឿង​ព្រះ​បាទ​នន្ទរាជ
Public date : 12, Mar 2024 (8,799 Read)
រឿងខន្តីតាបស
Public date : 27, Jul 2019 (14,884 Read)
រឿង​នាង​កាញ្ច​ន​​ទេ​វី
Public date : 27, Jul 2019 (12,701 Read)
រឿង​ចណ្ឌាល​បណ្ឌិត
Public date : 19, Jan 2020 (17,529 Read)
រឿង​អសោក​មហារាជ​
Public date : 06, Nov 2020 (24,832 Read)
រឿង​នាង​កាញ្ចនទេវី
Public date : 05, Jan 2023 (42,967 Read)
រឿងកែវមក៌ត​
Public date : 05, Jan 2023 (19,648 Read)
រឿងនាងសេសវតី
© Founded in June B.E.2555 by 5000-years.org (Khmer Buddhist).
CPU Usage: 1.27