Reading Article
Public date : 30, Jul 2019 (31,550 Read)
ព្រះនិព្វានពីរយ៉ាង

|
ព្រះនិព្វានពីរយ៉ាង
ធម៌វិសេសម្យ៉ាង ដែលអាចលត់ភ្លើងកិលេសនិងភ្លើងទុក្ខបាន លោកហៅថា " និព្វាន " ។ ព្រះនិព្វាននោះលោកសម្ដែងថាមាន ២ យ៉ាង តាមពុទ្ធភាសិតថា ៖ ទ្វេ ភិក្ខវេ និព្វានធាតុយោ ម្នាលភិក្ខុទាំងឡាយ ! និព្វានធាតុមាន ២ យ៉ាងគឺ៖ សឧបាទិសេសនិព្វាន ១, អនុបាទិសេសនិព្វាន ១។ អធិប្បាយថា កិលេសទាំងឡាយរលត់អស់មិនមានសេសសល់ នៅសល់តែខន្ធដែលជាចំណែកបរិសុទ្ធហៅថា " សឧបាទិសេសនិព្វាន " កិលេសព្រមទាំងកងទុក្ខរលត់អស់មិនមានសេសសល់ សូម្បីតែខន្ធដែលជាចំណែកបរិសុទ្ធក៏រលត់អស់ ហៅថា " អនុបាទិសេសនិព្វាន " ។ និព្វានស័ព្ទនេះប្រើបានច្រើនយ៉ាង តែក្នុងនេះ សូមប្រែតែត្រឹម ៣ យ៉ាងគឺ៖ ១. ប្រែថា " មិនមាន " គឺមិនមានតណ្ហា; ២. ប្រែថា " អស់ទៅ " គឺអស់កិលេស; ៣. ប្រែថា " រលត់មិនសល់ " គឺរលត់កិលេសនិងកងទុក្ខ។ ដែលប្រែថា " មិនមាន និង អស់ទៅ " សំដៅយកសឧបាទិសេសនិព្វានតែម្យ៉ាង។ ដែលហៅថា " រលត់មិនសល់ " សំដៅយកទាំងសឧបាទិសេសនិព្វាន ទាំងអនុបាទិសេសនិព្វាន។ ដកស្រង់ចេញពីសៀវភៅ ឱវាទបាតិមោក្ខ ដោយ៥០០០ឆ្នាំ |