ទិដ្ឋិ ប្រែថា សេចក្តីយល់ឃើញ

ទិដ្ឋិចេតសិក 
ទិដ្ឋិ ប្រែថា សេចក្តីយល់ឃើញ ប៉ុន្តែនៅក្នុងទីនេះ សំដៅលើ មិច្ឆាទិដ្ឋិ (សេចក្តីយល់ខុស - យល់វង្វេងពីការពិត) ។

ទិដ្ឋិ មាន ២ យ៉ាង
ប្រភេទទិដ្ឋិ
ការពន្យល់ងាយយល់
១. សាមញ្ញទិដ្ឋិ សេចក្តីយល់ខុសទូទៅ (សក្កាយទិដ្ឋិ)៖ គឺការប្រកាន់យល់ថា រូប​,ខន្ធនេះជា មនុស្ស, សត្វ, ខ្លួន (អត្តា)។ យល់ខុសប្រភេទនេះមាននៅលើបុថុជ្ជនទូទៅទាំង​អស់ (លើកលែងតែព្រះអរិយបុគ្គល)។
២. ទិដ្ឋិវិសេស សេចក្តីយល់ខុសពិសេស-ធ្ងន់ធ្ងរ ៖ ដូចជា ទិដ្ឋិ ៦២ ឬ និយតមិច្ឆាទិដ្ឋិ (ការមិនជឿលើបុណ្យ បាប កម្ម-ផល ជាដើម)។ យល់ខុសប្រភេទនេះកើតមាន​តែ​លើ​មនុស្ស​មួយចំនួន ឬក្នុងកាលៈទេសៈខ្លះប៉ុណ្ណោះ។

លក្ខណចតុក្កៈរបស់ ទិដ្ឋិ (លក្ខណៈ ៤ ប្រការ)
១. លក្ខណៈ៖ មានការប្រកាន់យក, យល់ឃើញមិនត្រូវតាមការពិត ឬខុសទំនង។
២. កិច្ច (តួនាទី)៖ ស្ទាបស្ទង់ និងសន្និដ្ឋានស្វែងយល់ខុសអំពីសភាវធម៌ (យល់បញ្ច្រាសពីការពិត)។
៣. ផលលេចឡើង៖ ការប្រកាន់ជំហរយ៉ាងម៉ឺងម៉ាត់ ឬជាប់មាំក្នុងផ្លូវខុស។
៤. ហេតុជិត៖ ការមិនចង់ជួបប្រសប់ មិនចង់ស្តាប់ ឬមិនចង់ឃើញព្រះអរិយបុគ្គល និងធម៌ពិត ជាហេតុនាំឱ្យកើតសេចក្តីយល់ខុសនេះឡើង។

សរុបន័យរួម៖ ទិដ្ឋិចេតសិក គឺជាធម្មជាតិដែលកើតជាមួយចិត្តដែលធ្វើឲ្យ យល់ខុស ប្រកាន់ខុស ពីសភាវៈពិតនៃធម្មជាតិ ដោយប្រកាន់ថាមាន ខ្លួន ឬមិនជឿលើ បុណ្យ-បាប និងផលនៃកម្ម ឡើយ ។

ប្រភពៈ ហ្វេសប៊ុក សារិ រដ្ឋា
ដោយ៥០០០ឆ្នាំ