ឈ្មោះរបស់ មាតាបិតា

ឈ្មោះរបស់ មាតាបិតា

សុត្តន្តបិដក អង្គុតរនិកាយ តិកនិបាត ទេវទូតវគ្គ ( បិ. ៤១ ទំ ៧៧ )

ម្នាលភិក្ខុទាំងឡាយ កូនរបស់ត្រកូលទាំងឡាយណា បានបូជា ( គោតរពប្រណិប័តន៍ ) មាតាបិតាក្នុងផ្ទះរបស់ខ្លួន ត្រកូលនោះ ឈ្មោះថា ប្រកបដោយព្រហ្ម ។

ម្នាលភិក្ខុទាំងឡាយ កូនរបស់ត្រកូលទាំងឡាយណា បានបូជា ( គោតរពប្រណិប័តន៍ ) មាតាបិតាក្នុងផ្ទះរបស់ខ្លួន ត្រកូលនោះ ឈ្មោះថា ប្រកបដោយបុព្វាចារ្យ ( អាចារ្យដើម ) ។

ម្នាលភិក្ខុទាំងឡាយ កូនរបស់ត្រកូលទាំងឡាយណា បានបូជា ( គោតរពប្រណិប័តន៍ ) មាតាបិតាក្នុងផ្ទះរបស់ខ្លួន ត្រកូលនោះ ឈ្មោះថាប្រកបដោយអាហុនេយ្យ ( អ្នកទទូលរបស់ដែលកូនប្រុសស្រីបូជា ) ។

ម្នាលភិក្ខុទាំងឡាយ ពាក្យថា ព្រហ្ម នុ៎ះ ជាឈ្មោះ មាតាបិតា
ម្នាលភិក្ខុទាំងឡាយ ពាក្យថា បុព្វាចារ្យ នុ៎ះ ជាឈ្មោះ មាតាបិតា

ម្នាលភិក្ខុទាំងឡាយ ពាក្យថា អាហុនេយ្យ នុ៎ះ ជាឈ្មោះ មាតាបិតា ។ ដំណើរនោះ ព្រោះហេតុអ្វី? ម្នាលភិក្ខុទាំងឡាយ ព្រោះមាតាបិតា ជាអ្នកមានឧបការៈច្រើន ជាអ្នកបីបាច់រក្សាចិញ្ចឹមកូន ជាអ្នកឲ្យកូនបានឃើញលោកនេះ ។

មាតាបិតា លោកហៅថា ព្រហ្មផង ជាបុព្វាចារ្យផង ថាអាហុនេយ្យផង របស់កូនទាំងឡាយ ព្រោះជាអ្នកអនុគ្រោះនូវពពួកសត្វ ។ ព្រោះហេតុនោះ បណ្ឌិត ត្រូវតែនមស្ការ ធ្វើសក្ការៈមាតាបិតាទាំងនោះដោយបាយ ទឹក ទីដេក គ្រឿងដុសខាត់ ទឹកងូត និង ទឹកលាងជើង, បណ្ឌិត រមែងសរសើរកូននោះ ព្រោះការបម្រើមាតាបិតានោះ ក្នុងលោកនេះ ( កូននោះ ) លុះលះលោកនេះទៅកាន់បរលោក រមែងរីករាយក្នុងស្ថានសួគ៌ ។

ដកស្រង់ចេញពីសៀវភៅ ព្រហ្មចរិយធម៌
រៀបរៀងដោយៈ ព្រហ្ម មេត្តា (គតិបណ្ឌិតោ) ហៅ ជយវរិន្ទ
វាយអត្ថបទដោយៈ ឧបាសក សូត្រ តុលា

ដោយ៥០០០ឆ្នាំ

Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
                )

            [1] => Array
                (
                    [shortcode_id] => 2
                    [shortcode] => [ADS2]
                    [full_code] => c
                )

        )

)

ឈ្មោះ​របស់​ មា​តា​បិ​តា

ឈ្មោះរបស់ មាតាបិតា