30
ថ្ងៃ ព្រហស្បតិ៍ ទី ២៨ ខែ មីនា ឆ្នាំថោះ បញ្ច​ស័ក, ព.ស.​២៥៦៧  
ស្តាប់ព្រះធម៌ (mp3)
ការអានព្រះត្រៃបិដក (mp3)
ស្តាប់ជាតកនិងធម្មនិទាន (mp3)
​ការអាន​សៀវ​ភៅ​ធម៌​ (mp3)
កម្រងធម៌​សូធ្យនានា (mp3)
កម្រងបទធម៌ស្មូត្រនានា (mp3)
កម្រងកំណាព្យនានា (mp3)
កម្រងបទភ្លេងនិងចម្រៀង (mp3)
បណ្តុំសៀវភៅ (ebook)
បណ្តុំវីដេអូ (video)
ទើបស្តាប់/អានរួច






ការជូនដំណឹង
វិទ្យុផ្សាយផ្ទាល់
វិទ្យុកល្យាណមិត្ត
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
វិទ្យុមេត្តា
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុគល់ទទឹង
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុវត្តខ្ចាស់
ទីតាំងៈ ខេត្តបន្ទាយមានជ័យ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌ (ភ្នំពេញ)
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុមង្គលបញ្ញា
ទីតាំងៈ កំពង់ចាម
ម៉ោងផ្សាយៈ ៤.០០ - ២២.០០
មើលច្រើនទៀត​
ទិន្នន័យសរុបការចុចលើ៥០០០ឆ្នាំ
ថ្ងៃនេះ ១៥៦,១៦៥
Today
ថ្ងៃម្សិលមិញ ១៦៤,៥០៧
ខែនេះ ៦,១៥៣,៩៦៦
សរុប ៣៨៥,៤៤០,៦៥៩
អានអត្ថបទ
ផ្សាយ : ២៦ កក្តដា ឆ្នាំ២០១៩ (អាន: ១៤,៩៦២ ដង)

ចំណោទ​ទិដ្ឋិ



ស្តាប់សំឡេង
 

ថ្ងៃ​មួយ​ភិក្ខុ​មាលុក្យបុត្រ​ចេញ​ពី​ការ​បដិបត្តិ​កម្ម​ដ្ឋាន​ នា​វេលា​សាយ័ណ្ហ​សម័យ​ ។ បន្ទាប់​មក​ លោក​បាន​ចូល​ទៅ​គាល់​ព្រះ​ពុទ្ធ​ជាម្ចាស់​ថ្វាយ​នូវ​អភិ​វាទ​ន៍​ចំពោះ​ព្រះ​អង្គ​ រួ​ច​ហើយ​អង្គុយ​នៅ​ក្នុង​ទី​ដ៏​សម​គួរ​មួយ​ទើប​ក្រាប​បង្គំ​ទូល​ថា​ " មាន​បញ្ហា​មួយ​ចំនួន​ដែល​ព្រះ​អង្គ​ទ្រង់​មិន​ទាន់​បាន​អធិប្បាយ​ ទ្រង់​បដិសេធ​ហើយ​និង​ទ្រង់​លះ​បង់​ហើយ ។ បញ្ហា​ទាំងនោះ​គឺ៖

១. លោក​ស្ថិត​នៅ​ទៀង​ទាត់​ឬ ? Is the universe eternal?
២. លោក​មិន​ស្ថិត​នៅ​ទៀង​ទាត់​ឬ? Is it not eternal?
៣. លោក​មាន​ទី​បំផុត​ឬ? Is the universe finite or
៤. ឬ​ថា​លោក​គ្មាន​ទី​បំផុត? Is it infinite?
៥. ជីវៈគឺ​តែ​មួយ​ជា​មួយ​នឹង​សរី​រៈ​ឬ? (ស្លាប់​ហើយ​សូន្យឬ?) Is soul the as body or
៦. ជីវៈ​និង​សរីរៈ​គឺ​ដាច់​ចេញ​ពី​គ្នា​ឬ​? (ផ្សេង​ពី​គ្នា​ឬ?) Is sould one thing and body another thing?
៧. ព្រះ​អរហន្ត​ទាំង​ឡាយ​នៅ​មាន​ បន្ទាប់​អំពី​ការ​បរិ​និព្វាន​ហើយ​ឬ? Does the Arahanta exist after death or
៨. ឬ​ថា​ព្រះ​អរហន្ត​ទាំង​ឡាយ​មិន​មាន​ បន្ទាប់​អំពី​ការ​បរិ​និព្វាន​ហើយ​នោះ​? Does the Arahanta not exist after death or
៩. ព្រះអរហន្ត​ទាំង​ឡាយ​ ទាំង​មាន​នៅ​ផង​ និង​មិន​មាន​នៅ​ផង​ ក្នុង​ពេល​ជា​មួយ​គ្នា​ បន្ទាប់​អំពី​បរិ​និព្វាន​ហើយ​ឬ? Does the Arahanta both  (at the same time) exist and not exist after death or
១០. ឬ​ថា​ព្រះ​អរហន្ត​ទាំង​មាន​នៅ​ក៏​មិន​មែន​ ទាំង​មិន​មាន​នៅ​ក៏​មិន​មែន​ ក្នុង​ពេល​ជា​មួយ​គ្នា​ឬ? Does the Arahanta both (at the same time) not exist and not exist after death? "

បញ្ហា​ទាំង​នេះ​ ព្រះ​ពុទ្ធ​ជា​ម្ចាស់​មិន​បាន​ទ្រង់​អធិប្បាយ​ដល់​យើង​ ។ អា​ការ​បែប​នេះ​មិន​ធ្វើ​ឲ្យ​យើង​ពេញ​ចិត្ត​ឡើយ ។ យើង​មិន​ជ្រួត​ជ្រាប​ច្បាស់​នូវ​គោល​ជំហរ​របស់​ព្រះ​អង្គ​ ។ យើង​នឹង​ចូល​ទៅ​គាល់​ព្រះ​ពុទ្ធ​អង្គ​ ហើយ​ទូ​ល​សួរ​ព្រះ​អង្គ​ទាក់​ទង​ជា​មួយ​នឹង​បញ្ហា​ទាំង​នេះ​ ។

ប្រសិន​បើ​ព្រះ​ដ៏​មាន​ព្រះ​ភាគ​ទ្រង់​អ​ធិប្បាយ​នូវ​បញ្ហា​ទាំង​នេះ​ដល់​យើង​នោះ​ យើង​ក៏​នឹង​ប្រ​ព្រឹត្ត​នូវ​ព្រហ្ម​ចរិយ​ធម៌ ជា​មួយ​ព្រះ​អង្គ​បន្ត​ទៅ​ទៀត​ ។

ផ្ទុយ​ទៅ​វិញ​ ប្រ​សិន​បើ​ព្រះ​អង្គ​មិន​ទ្រង់​អធិប្បាយ​នូវ​បញ្ហា​ទាំង​នេះ​ដល់​យើង​ទេ​នោះ​ យើង​ក៏​នឹង​សឹក​ហើយ​ចាក​ចេញ​ទៅ​ ។

បើ​ព្រះ​ដ៏​មាន​ព្រះ​ភាគ​ទ្រង់​ជ្រាប​ថា​លោក​នេះ​ទៀង​ ឬ​មិន​ទៀង​ ក៏​សូម​ឲ្យ​ព្រះ​អង្គ​ទ្រង់​អធិប្បាយ​ដល់​យើង​ទៅ​តាម​សេច​ក្តី​ពិត​នោះ ។

ប៉ុន្តែ​បើ​ព្រះ​​អង្គ​មិន​ទ្រង់​ជ្រាប​ថា​ លោក​នេះ​ទៀង​ឬ​មិន​ទៀង​ជា​ដើម​នោះ ក៏​ជា​ការ​ស្មោះ​ត្រង់​សម្រាប់​អ្នក​ដែល​មិន​ដឹង​ ក្នុង​ការ​និយាយ​ថា " ខ្ញុំ​មិន​ដឹង​! ខ្ញុំ​មិន​ឃើញ​! " ។

ចម្លើយ​របស់​ព្រះ​ពុទ្ធ​ជា​ម្ចាស់​ចំពោះ​មាលុក្យបុត្រ​ គួរ​នឹង​បាន​ជា​ប្រយោជន៍​ឲ្យ​ដល់​មនុស្ស​ទាំង​ឡាយ​ជា​ច្រើន​លាន​ក្នុង​លោក​បច្ចុប្បន្ន​នេះ​ ដែល​កំពុង​តែ​ប្រើ​នូវ​ពេល​វេ​លា​ដ៏​មាន​តម្លៃ​របស់​ខ្លួន​ ឲ្យ​អស់​ទៅ​ដោយ​ឥ​ត​ប្រយោ​ជន៍​ ជា​មួយ​នឹង​បញ្ហា​អភិ​ទស្ស​ន​វិជ្ជា​យ៉ាង​ដូច្នេះ​ ហើយក៏​កំពុង​តែ​រំខាន​ដល់​សេច​ក្តី​ស្ងប់​ផ្លូវ​ចិត្ត​របស់​ខ្លួន​ដោយ​មិន​ចាំ​បាច់​ ។

" ម្នាល​មាលុក្យបុត្រ​! តថា​គត​ធ្លាប់​ប្រាប់​ដល់​អ្នក​ខ្លះ​ទេ​ថា៖ មក​ចុះ​ មាលុក្យបុត្រ​! មក​ប្រ​ព្រឹត្ត​ព្រហ្ម​ចរិយ​ធម៌​ជា​មួយ​តថា​គត​ តថាគត​នឹង​អ​ធិប្បាយ​បញ្ហា​ទាំង​នេះ​ដល់​អ្នក​ "
ភិក្ខុ​មាលុក្យ​បុត្រ​ក្រាប​ទូល​ថា " មិន​ធ្លាប់​ទេ​ក្រាប​ទូល​ " ។ ​គ្រា​នោះ​ឯង​ ព្រះ​ពុទ្ធ​អង្គ​ត្រាស់​បន្ត​ថា " សូម្បី​ខ្លួន​អ្នក​ផ្ទាល់​ក៏​ដោយ តើ​អ្នកធ្លាប់​ប្រាប់​តថា​គត​ខ្លះ​ទេ​ថា៖ បពិត្រ​ព្រះ​អង្គ​ដ៏​ចម្រើន​! ខ្ញុំ​ព្រះ​អង្គ​នឹង​ប្រ​ព្រឹត្ត​នូវ​ព្រហ្ម​ចរិយ​ធម៌​ជា​មួយ​ព្រះ​អង្គ​ ហើយ​ព្រះ​អង្គ​នឹង​ទ្រង់​អ​ធិប្បាយ​នូវ​បញ្ហា​ទាំង​នេះ​ដល់​ខ្ញុំ​ព្រះ​អង្គ​ " ។ លោក​ក្រាប​ទូល​ថា​ " មិន​ធ្លាប់​ឡើយ​ក្រាប​ទូល " ។

" ម្នាល​មាលុក្យ​បុត្រ​! សូម្បី​ក្នុង​ខណៈ​នេះ​ តថា​គត​ក៏​មិន​ប្រាប់​អ្នក​ថា​៖ មក​ចុះ​ មាលុក្យ​បុត្រ​!​ មកប្រ​ព្រឹត្ត​នូវ​ព្រហ្ម​ចរិយ​ធម៌​ជា​មួយ​តថា​គត​ តថា​គត​នឹង​អធិប្បាយ​នូវ​បញ្ហា​នេះ​ដល់​អ្នក​​ " ហើយ​ខ្លួន​អ្នក​ផ្ទាល់​ក៏​មិន​បាន​ប្រាប់​តថាគត​ដូច​គ្នា​ថា " បពិត្រ​ព្រះ​អង្គ​ដ៏​ចម្រើន​!​ ខ្ញុំ​ព្រះ​អង្គ​នឹង​ប្រ​ព្រឹត្ត​នូវ​ព្រហ្ម​ចរិយ​ធម៌​ជា​មួយ​ព្រះអង្គ​ ហើយ​ព្រះ​អង្គ​នឹង​ទ្រង់​អ​ធិប្បាយ​នូវ​បញ្ហា​ទាំង​នេះ​ដល់​ខ្ញុំ​ព្រះ​អង្គ​ " ដោយ​ហេតុ​ទាំង​នេះ​ គឺ​ខ្លួន​អ្នក​ផ្ទាល់​ជា​មនុស្ស​ល្ងង់​ ។ តើ​ន​រណា​បដិសេធ​នរណា​?

" ម្នាល​មាលុក្យ​បុត្រ​!​ ប្រសិន​បើ​មាន​បុគ្គល​ណា​ម្នាក់​ពោល​ថា៖ ខ្ញុំនឹង​មិន​ប្រ​ព្រឹត្ត​ព្រហ្ម​ចរិ​ធម៌​ជា​មួយ​នឹង​ព្រះ​ដ៏​មាន​ព្រះ​ភាគ លុះ​ណា​តែ​ព្រះ​អង្គ​ទ្រង់​អធិប្បាយ​នូវ​បញ្ហា​ទាំង​នេះ​ដល់​ខ្ញុំ​ជា​មុន​សិន​ " ។ បុគ្គល​នោះ​ក៏​ប្រ​ហែល​ជា​នឹង​ស្លាប់​ ទាំង​ដែល​តថា​គត​នៅ​មិន​ទាន់​ឆ្លើយ​បញ្ហា​ទាំង​នេះ​នៅ​ឡើយ ។

" ម្នាល​មាលុក្យ​បុត្រ​!​ ឧ​បមា​ថា​ បុរស​ម្នាក់​ត្រូវ​គេ​បាញ់​ឲ្យ​របួស​ដោយ​សារ​ព្រួញ​ ដែល​លាប​ទៅ​ដោយ​ថ្នាំ​ពិស​ ។ ខណៈ​នោះ​ឯង​ ញាតិ​មិត្ត​សាលោហិត​ទាំង​ឡាយ​របស់​គេ​ បាន​នាំ​គេ​ទៅ​រក​ពេទ្យ​ ។ ឧ​ទាហរណ៍​ថា​ គ្រានោះ​បុរស​នោះ​ពោល​ថា៖ ខ្ញុំ​នឹង​មិន​ព្រម​ឲ្យ​ពេ​ទ្យ​ដក​ព្រួញ​នេះ​ចេញ​ ដរាប​ណា​ខ្ញុំ​មិន​ទាន់​បាន​ដឹង​មុន​ថា​ នរណា​ជា​អ្នក​បាញ់​ខ្ញុំ​ ជា​ក្សត្រ (​អ្នក​គ្រប់​គ្រងរដ្ឋ​) ឬ​ព្រាហ្ម​ណ៍​ (​អ្ន​ក​បួស​) ឬ​វេស្សៈ (​ពាណិ​ជ្ជករ​ឬ​កសិករ​) ឬ​ពួក​សូទ្រៈ​ (​កម្ម​ករ​ឬ​ទាស​ករ​) ។

ឈ្មោះ​និង​គោត្ត​(ត្រកូល​) របស់​គេ​យ៉ាង​ដូចម្តេច​ ។ គេ​ជា​មនុស្ស​ខ្ពស់​ឬ​ទាប​ ធាត់​ឬ​ស្គម​ ពណ៌​សម្បុរ​របស់​គេ​ ខ្មៅឬ​ត្នោត​ ឬ​ពណ៌​មាស​ បុរស​នោះ​មក​ពី​ភូមិ​ស្រុក​ឬ​និគម​ណា​ ។ ខ្ញុំ​និង​មិន​​ព្រម​ឲ្យ​គេ​ដកសរ​(គ្រាប់​ពួ្រញ)​នេះ​ចេញ​ជា​ដាច់​ខាត​ ដរាប​ណា​ខ្ញុំ​មិន​ទាន់​ដឹង​ច្បាស់​អំពី​ប្រ​ភេទ​របស់​ធ្នូ​ដែល​ប្រើ​បាញ់​ខ្ញុំ​ ប្រ​ភេទ​របស់​ខ្សែ​ធ្នូ ប្រ​ភេទ​របស់​គ្រាប់​ព្រួញ​ ប្រភេ​ទ​របស់​រោម​សត្វ​ ដែល​ជាប់​នៅ​នឹង​កន្ទុយ​របស់​ព្រួញ​នោះ​ ឬ​ថា​ក្បាល​ព្រួ​ញ​នោះ​ធ្វើ​អំពី​វត្ថុ​អ្វី​ជា​ដើម​ " ។

ម្នាល​មាលុក្យ​បុត្រ​ ! បុរស​នោះ​ក៏​ប្រហែល​ជា​នឹង​ស្លាប់​ ទាំង​ដែល​មិនទាន់​បាន​ដឹង​នូវ​រឿង​ទាំង​នេះ ។ ក្នុង​ន័យ​ដូច​គ្នា​នេះ​ឯង​ ប្រសិន​បើ​បុគ្គល​ណា​ម្នាក់​ពោល​ថា​ " ខ្ញុំ​នឹង​មិន​ប្រ​ព្រឹត្ត​ព្រហ្ម​ចរិយ​ធម៌​ជា​មួយ​នឹង​ព្រះ​ដ៏​មាន​ព្រះ​ភាគ​ ដរាប​នា​ព្រះ​អង្គ​មិន​ទ្រង់​តប​នូ​វ​បញ្ហា​ទាំង​នេះ​ដូច​ជា​ថា​ លោក​ទៀង​ឬ​មិន​ទៀង​ជា​ដើម​ គេ​ក៏​ប្រហែល​ជា​នឹង​ស្លាប់​ ទាំង​ដែល​តថា​គត​នៅ​មិន​បាន​អ​ធិប្បាយ​នូវ​បញ្ហា​ទាំងនេះ "

លំដាប់​នោះ​ឯង​ព្រះ​សក្យ​មុនី​ ទ្រង់​បាន​អ​ធិប្បាយ​ដល់​មាលុក្យ​បុត្រ​នោះ​យ៉ាង​ដូច្នេះ​ថា " ជីវិត​ព្រហ្ម​ចរិយ​ធម៌​ មិន​អាស្រ័យ​ទៅ​លើ​ទិដ្ឋិ​ទាំង​នោះ​ឡើយ ។ មិន​ថា​បុគ្គល​នឹង​មាន​ទិដ្ឋិ​យ៉ាង​ដូចម្តេច​ក៏​ដោយ​ចុះ​ទាក់​ទងទៅ​នឹង​បញ្ហា​ទាំង​នេះ​ គេ​ក៏​នៅ​តែ​មាន​ការ​កើត​ ចាស់​ ឈឺ​ ស្លាប់ មាន​សេច​ក្តី​សោក​ សេច​ក្តី​ខ្សឹប​ខ្សួល​ សេច​ក្តី​ទុក្ខ​ ភាព​ទោ​មនស្ស​ និង​សេចក្តី​ចង្អៀត​ចង្អល់​ចិត្ត​ជា​ដើម​ (​ជាតិ​ ជរា​ ព្យា​ធិ​ មរណៈ​ សោកៈ​ បរិ​ទេវៈ ទុក្ខៈ ទោមនស្ស​ និង​ឧបាយា​សៈ ...) ។

តថា​គត​ប្រកាស​នូវ​ការ​រំលត់ទៅ​នៃ​សភាវៈ​ទាំង​នេះ​ (​គឺ​ព្រះ​និព្វាន​) ក្នុង​ជាតិ​បច្ចុប្បន្ន​នេះ​តែ​ម្តង​ ។ ព្រោះ​ហេតុ​ដូច្នេះ​ មាលុក្យ​បុត្រ​ចូរ​ចាំ​ទុក​ថា​ រឿង​ដែល​តថា​គត​បាន​អ​ធិប្បាយ​ហើយ​​ ក៏​ជា​រឿង​ដែល​តថា​គត​បាន​អធិប្បាយ​ហើយ ។ ដោយ​ឡែក​អ្វី​ដែល​តថា​គត​នៅ​មិន​ទាន់​បាន​អធិប្បាយ​ ក៏​នឹង​នៅ​តែ​ជា​អ្វី​ដែល​តថា​គត​មិន​អ​ធិប្បាយ​ ។ ចុះ​តើ​អ្វី​ទៅ​ជា​រឿង​ដែល​តថា​គត​នៅ​មិន​ទាន់​បាន​អ​ធិប្បាយ​? នោះ​ក៏​គឺ​លោក​នេះ​ទៀង​ឬ​ទេ​ជា​ដើម​ (​បាន​ដល់​ទិដ្ឋិ​ទាំង​១០​ប្រការ​) ។

ហេតុ​អ្វី​ទៅ​មាលុក្យ​បុត្រ​ ទើប​តថា​គត​មិន​អ​ធិប្បាយ​នូវ​បញ្ហា​ទាំង​នេះ​? ព្រោះ​ថា​វា​មិន​មាន​ប្រយោជន៍​ វា​មិន​ពាក់​ព័ន្ធ​គ្នា​ជា​មូល​ដ្ឋាន​ ទៅ​នឹង​ជីវិត​ព្រហ្ម​ចរិយ​ធម៌​ ទាំង​មិន​ប្រ​ព្រឹត្ត​ទៅ​ដើម្បី​ការ​រំលត់​ទុក្ខ​ ដើម្បី​ការ​កម្ចាត់​បង់​នូវ​កិលេស​ ដើម្បី​ការ​ដឹង​ដ៏​ក្រៃ​លែង​និង​ដើម្បី​សេច​ក្តី​ស្ងប់​ ។ នេះ​ហើយ​គឺ​ជា​ហេតុ​ផល​ដែល​ថា​ ហេតុ​អ្វី​ទើ​ប​តថា​គត​មិន​អ​ធិប្បាយ​ដល់​ពួក​អ្នក​ ទាក់​ទិន​ជា​មួយ​នឹង​បញ្ហា​ទាំង​នេះ​ " ។

" ម្នាល​មាលុក្យ​បុត្រ​!​ ក៏​អ្វី​ទៅ​ដែល​តថា​គត​បាន​អ​ធិប្បាយ​ហើយ​? តថាគត​បាន​អ​ធិប្បាយ​ដល់​រឿង​ទុក្ខ​ ហេតុ​ដែល​នាំ​ឲ្យ​កើត​ទុក្ខ​ និង​ផ្លូវ​ដែល​នាំ​ឆ្ពោះ​ទៅ​កាន់​ការ​រំលត់​ទុក្ខ​ ។ ម្នាល​មាលុក្យ​បុត្រ​!​ ហេតុ​អ្វី​ទើប​តថា​គត​អធិប្បាយ​នូវ​បញ្ហា​ទាំង​នេះ ព្រោះ​ថា​វា​មាន​ប្រយោជន៍​ មាន​មូល​ដ្ឋាន​ទាក់​ទង​គ្នា​ទៅ​នឹង​ជីវិត​ព្រហ្ម​ចរិ​យ​ធម៌​ ប្រ​ព្រឹត្ត​ទៅ​ដើម្បី​រលាស់​ខ្លួន​ចេញ​ចា​ក​ទុក្ខ​ ដើម្បី​ការ​កម្ចាត់​បង់​នូវ​កិលេស​ ដើម្បី​ការ​ដឹង​ដ៏​ក្រៃ​លែង​ និង​ដើម្បី​សេច​ក្តី​ស្ងប់​ (​ព្រះ​និព្វាន​) ហេតុ​នេះ​ឯង​ ទើប​តថា​គត​អធិប្បាយ​នូវ​បញ្ហា​ទាំង​នេះ "

សូម​ឲ្យ​យើង​ទាំង​អស់​គ្នា​​ មក​ពិ​ចារ​ណា​ដល់​អរិយសច្ចៈ ៤​ ដែល​ព្រះពុទ្ធ​អង្គ​ទ្រង់​ត្រាស់​អធិប្បាយ​ដល់​ ភិក្ខុ​មាលុក្យ​បុត្រ​ ។ (អាន​បន្ថែម)

ដក​ស្រង់​ចេញ​ពី​សៀវ​ភៅ​ " ព្រះ​ពុទ្ធ​ទ្រង់​បង្រៀន​អ្វី​ " បែ្រ​សម្រួល​ដោយ លីន​ កុសល

ដោយ​៥០០០​ឆ្នាំ​

 

 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
អត្ថបទអ្នកអាចអានបន្ត
ផ្សាយ : ២៨ កក្តដា ឆ្នាំ២០១៩ (អាន: ១០,៨៣១ ដង)
បុគ្គុល​ជា​មិត្ត​គិត​យក​តែ​ប្រយោជន៍​ខ្លួន
ផ្សាយ : ៣០ កក្តដា ឆ្នាំ២០១៩ (អាន: ១១,១៦០ ដង)
បុគ្គលពាល​និងលក្ខណៈ​របស់​បុគ្គល​ពាល
ផ្សាយ : ១៨ មីនា ឆ្នាំ២០២៤ (អាន: ៣,៣៣៤ ដង)
អាការរោគរបស់លោភៈមហារីកចិត្ត
ផ្សាយ : ០៦ មិថុនា ឆ្នាំ២០២២ (អាន: ១៧,៦៥៣ ដង)
កា​រសាក​សួរ​អំពី​ព្រះ​ចន្ទ​​ និង​ព្រះ​អា​ទិត្យ
ផ្សាយ : ២២ កក្តដា ឆ្នាំ២០២០ (អាន: ៥៩,៩០៩ ដង)
ពាក្យពិចារណាសម្រាប់កម្លាំងចិត្ត
ផ្សាយ : ២៨ កក្តដា ឆ្នាំ២០១៩ (អាន: ១០,០១៧ ដង)
មិន​ត្រេកអរ​នៅ​ពេល​មិត្ត​មាន​សេចក្ដីវិនាស
ផ្សាយ : ០៦ កក្តដា ឆ្នាំ២០២១ (អាន: ៤៨,៧៧៩ ដង)
ផលប៉ះពាល់​នៃ​គ្រឿង​ញៀន​ចំពោះ​ផ្នែក​ផ្លូវ​ចិត្ត និង​ផ្លូវ​កាយ
៥០០០ឆ្នាំ បង្កើតក្នុងខែពិសាខ ព.ស.២៥៥៥ ។ ផ្សាយជាធម្មទាន ៕
CPU Usage: 2.46
បិទ
ទ្រទ្រង់ការផ្សាយ៥០០០ឆ្នាំ ABA 000 185 807
   ✿ សម្រាប់ឆ្នាំ២០២៤ ✿  សូមលោកអ្នកករុណាជួយទ្រទ្រង់ដំណើរការផ្សាយ៥០០០ឆ្នាំជាប្រចាំឆ្នាំ ឬប្រចាំខែ  ដើម្បីគេហទំព័រ៥០០០ឆ្នាំយើងខ្ញុំមានលទ្ធភាពពង្រីកនិងរក្សាបន្តការផ្សាយតទៅ ។  សូមបរិច្ចាគទានមក ឧបាសក ស្រុង ចាន់ណា Srong Channa ( 012 887 987 | 081 81 5000 )  ជាម្ចាស់គេហទំព័រ៥០០០ឆ្នាំ   តាមរយ ៖ ១. ផ្ញើតាម វីង acc: 0012 68 69  ឬផ្ញើមកលេខ 081 815 000 ២. គណនី ABA 000 185 807 Acleda 0001 01 222863 13 ឬ Acleda Unity 012 887 987  ✿✿✿