សេចក្ដីល្មោភនាំឲ្យថោកទាប ខាតលាភទ្រព្យសម្បត្តិ អាយុជីវិត

រឿងចចកល្មោភ
(ចាក គ. ម.)
(សេចក្ដីល្មោភនាំឲ្យថោកទាប ខាតលាភទ្រព្យសម្បត្តិ អាយុជីវិត)

ពីព្រេងនាយ មានព្រានព្រៃម្នាក់ឈ្មោះ ភៃរវៈ ក្នុងស្រុកកល្យាណកដកៈ បានចូលទៅក្នុងព្រៃជ្រៅ បាញ់បានប្រើសមួយ ហើយលីយកប្រើសនោះត្រឡប់មកផ្ទះវិញស្រាប់តែជួបនឹងជ្រូកព្រៃធំមួយ ក្នុងទីពាក់កណ្ដាលផ្លូវ មានចិត្តត្រេកអរណាស់ ក៏ទម្លាក់ប្រើសទុក ចាប់ធ្នូបាញ់ជ្រូកនោះភ្លាម។ ជ្រូកដែលត្រូវព្រួញនោះ ស្រែកយ៉ាងខ្លាំង រត់សំដៅមករកព្រាន ហើយខ្វេះស្លាប់ទៅ ក្នុងពេលព្រានដួលទៅនោះ បានវាត់ជើងទៅពស់ធំមួយស្លាប់ទៀត។

ពេលនោះ មានចចកមួយឈ្មោះ ទីឃរាវៈ កំពុងដើរស្វះស្វែងរកចំណីអាហារ ក៏បានទៅឃើញប្រើសព្រានព្រៃនិងពស់ស្លាប់ស្រាប់ដូច្នោះ ក៏គិតថា អើថ្ងៃនេះ អញពេញជាមានលាភធំសម្បើមអស្ចារ្យ អញគិតស៊ីអ្វីមុន បើចំណីច្រើនយ៉ាងនេះ សេចក្ដីលោភធំក៏កើតឡើង គិតថា កុំអាលស៊ីចំណីដ៏សម្បើមនេះ ទុកចាំស៊ីពេលក្រោយ កុំឲ្យឆាប់អស់ អញត្រូវស៊ីខ្សែធ្នូឥតរស់ជាតិនេះមុនជាបឋមបរិភោគ គិតដូច្នេះហើយ ក៏អោនកកេរខ្សែធ្នូហៀរទឹកមាត់កក្លាក់ កំពុងតែខំកកេរខ្សែរធ្នូនោះ ក៏ដាច់មាត់ វាត់ខ្វាប់មុខខ្លួនធ្លុះដល់បេះដូង ដួលស្លាប់បង់ចំណីក្នុងទីនោះហោង។

អ្នកអានកាលបានអានរឿងនេះចប់ហើយ គួរជ្រាបដល់ភាសិតមួយបទថា ទ្រព្យណាដែលខ្លួនបានបរិភោកប្រើប្រាស់រាល់ៗ ថ្ងៃហើយ ទ្រព្យនោះឯងជាសម្បត្តិរបស់ខ្លួនពិតប្រាកដ តើខ្លួនគួរឆ្កួតវង្វេង រក្សាទ្រព្យទុកឲ្យអ្នកដទៃរឺ? ម៉េចមិនធ្វើបុណ្យ មិនស៊ីចាយប្រើប្រាស់តាមការគួរទៅ!

ក្នុងលោកនេះ មានមនុស្សច្រើនណាស់ ដែលជាញាតិសន្ដានរបស់ចចកល្មោភ គឺអ្នកដែលមានទ្រព្យសម្បត្តិហើយ មិនហ៊ានធ្វើបុណ្យទាន ស៊ីចាយប្រើប្រាស់ ចេះតែកំណាញ់សន្សំទុក សុខចិត្តបរិភោគតែចំណីអាហារថោកទាបឥតរស់ជាតិ ដូចជាចំណីអាហារអ្នកសុំទាន ឃើញគេស៊ីចំណីឆ្ងាញ់ ទ្រាំបង្ហូរទឹកមាត់កក្លាក ដូចចចកល្មោភកកេរខ្សែធ្នូ។

ស្រង់ចេញពីសៀវភៅប្រជុំនិទានជាតក
ដោយ៥០០០ឆ្នាំ

Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
                )

            [1] => Array
                (
                    [shortcode_id] => 2
                    [shortcode] => [ADS2]
                    [full_code] => c
                )

        )

)

សេចក្ដី​ល្មោភ​នាំ​ឲ្យ​ថោក​ទាប ខាត​លាភ​ទ្រព្យ​សម្បត្តិ អាយុ​ជីវិត

សេចក្ដីល្មោភនាំឲ្យថោកទាប ខាតលាភទ្រព្យសម្បត្តិ អាយុជីវិត