35
ថ្ងៃ សុក្រ ទី ២៤ ខែ ឧសភា ឆ្នាំរោង ឆស័ក, ព.ស.​២៥៦៨  
ស្តាប់ព្រះធម៌ (mp3)
ការអានព្រះត្រៃបិដក (mp3)
ស្តាប់ជាតកនិងធម្មនិទាន (mp3)
​ការអាន​សៀវ​ភៅ​ធម៌​ (mp3)
កម្រងធម៌​សូធ្យនានា (mp3)
កម្រងបទធម៌ស្មូត្រនានា (mp3)
កម្រងកំណាព្យនានា (mp3)
កម្រងបទភ្លេងនិងចម្រៀង (mp3)
បណ្តុំសៀវភៅ (ebook)
បណ្តុំវីដេអូ (video)
ទើបស្តាប់/អានរួច






ការជូនដំណឹង
វិទ្យុផ្សាយផ្ទាល់
វិទ្យុកល្យាណមិត្ត
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
វិទ្យុមេត្តា
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុគល់ទទឹង
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុវត្តខ្ចាស់
ទីតាំងៈ ខេត្តបន្ទាយមានជ័យ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌ (ភ្នំពេញ)
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុមង្គលបញ្ញា
ទីតាំងៈ កំពង់ចាម
ម៉ោងផ្សាយៈ ៤.០០ - ២២.០០
មើលច្រើនទៀត​
ទិន្នន័យសរុបការចុចលើ៥០០០ឆ្នាំ
ថ្ងៃនេះ ៧៦,៤៨៣
Today
ថ្ងៃម្សិលមិញ ២០២,៩២៥
ខែនេះ ៧,១៧៥,៤២២
សរុប ៣៩៩,៤៣៣,៨៦៦
អានអត្ថបទ
ផ្សាយ : ២៧ កក្តដា ឆ្នាំ២០១៩ (អាន: ៣៤,២៥៥ ដង)

រឿង​មណិ​កណ្ឋនាគរាជ



ស្តាប់សំឡេង
 
រឿង​មណិ​កណ្ឋនាគរាជ
( ចាក​ ម. តិ. )
( ការ​សូម​គេ​ហួស​ប្រ​មាណ ទុក​ជា​អំ​ពើ​រឹប​ជាប់​ខ្លួន )

 
កាល​ព្រះ​សម្ពុទ្ធ​បរម​គ្រូ គង់​នៅ​អគ្គា​ឡវ​ចេតិយ ទ្រង់​ប្រ​ជុំ​ភិក្ខុ​ទាំង​ឡាយ​ប្រារព្ធ​បញ្ញត្តិ នូវកុដិ​ការសិក្ខាបទ ដោយ​ហេតុ​អ្នក​នៅ​ក្នុង​ដែន​អាឡា​វី ដើរ​អង្គាស​ឃោស​នាចតុ​ប្បច្ច័យ បង្ខំ​ដាក់​កំរិត​អ្នក​នគរ​យក​ទៅ​ធ្វើ​កុដិនៅ ។ មនុស្ស​​ទាំង​ឡាយ​ ធុញ​ទ្រាន់​ភ័យ​តក់​ស្លុត​នឹង​ឃោស​នា​បង្ខំ មាន​សេចក្តី​ទើស​​ទាល់​ ក៏​គេច​ខ្លួន​ចេញ​មិន​ឲ្យ​ជួប​នឹង​ភិក្ខុ​ទាំង​នោះ ។

ថ្ងៃមួយ​ ព្រះ​មហា​កស្ស​បត្ថេរ លោក​និមន្ត​ទៅ​បិណ្ឌ​បាត្រ ក្នុង​ទី​ក្រុង​អាឡវី​នោះ ​ពួក​មហា​ជន​ឃើញ​ពណ៌​លឿង​ៗ ក៏​នាំ​គ្នា​រត់​គ្មាន​អ្នក​ណា​ដាក់​បាត្រ​ដូច​​មុន ទើប​លោក​សូរ​ភិក្ខុ​ទាំង​ឡាយ​ថា ហេតុ​អ្វី​ក៏​សាប​សូន្យ​បែប​នេះ ភិក្ខុ​ទាំង​នោះ​ទូល​ថា ពួក​ភិក្ខុ​អាឡវី​ដើរ​សុំ​បង្ខំ​យក​លុយ​ទៅ​ធ្វើ​កុដិ​នៅ របស់​ខ្លួន​ហួស​កំ​លាំង​​សទ្ធា ទើប​​អ្នក​​នគរ​​ភិត​​ភ័យ​​ចេះ​តែរត់​ពួន​ទៅ ។ ព្រះមហា​កស្សប​​​​ត្ថេរ នាំរឿង​នោះ​ទៅ​ក្រាប​បង្គំ​ទូល​ព្រះ​សម្ពុទ្ធ ព្រះ​អង្គ​ទ្រង់​ប្រ​ជុំសង្ឃ ហើយ​​​ស្តី​បន្ទោស​ដល់​ភិក្ខុ​អ្នកធ្វើ​កុដិ ទាំង​នោះ​ជា​អនេក​ហើយ​បញ្ញត្ត​សិក្ខា​បទ ទើប​ប្រារព្វ​សំ​ដែង​នូវ​អតីតនិទាន​ថា ការ​សុំ​គេ​ហួស​ហេតុ​រឿយៗ ដូច្នេះ​កុំ​ថា​តែ​មនុស្ស​ ទោះ​ជា​សត្វ​តិរច្ឆាន ក៏​ធុញ​ទ្រាន់មិន​ឲ្យ​ជួប​មុខ​ដែរ ។

ដូច​កាល​កន្លង​ទៅ​ហើយ​ ព្រះ​ពោធិ​សត្វ​កើត​ក្នុង​ត្រ​កូល​ព្រាហ្មណ៍​មហា​សាល​ ​មាន​សម្បត្តិ​ច្រើន​ មាន​ប្អូន​ប្រុស​មួយ​ លុះ​ឥត​អំពី​មាតា​បិតា​អនិច្ចកម្ម​ទៅ​ នាំ​គ្នា​​ទៅ​បួស​ជា​តាបស នៅ​ក្បែរ​ស្ទឹង​គង្គា​ បងធ្វើ​អា​ស្រម​នៅ​ខាង​លើ​ស្ទឹង​ ប្អូនធ្វើ​នៅ​ខាង​ក្រោម ។

សម័យ​នោះ​ មាន​នាគរាជ​មួយ​ឈ្មោះ​ មណិកណ្ឋៈ មក​អំពី​ភព​នាគ ក្លែង​ភេទ​ជា​មាណព ដើរ​តាម​ឆ្នេរ​ស្ទឹង​មក​បាន​ជួប​នឹង​តាបស​ជា​ប្អូន​ព្រះ​ពោធិ​សត្វ​​នោះ ក៏​មាន​សេចក្តី​ស្រ​ឡាញ់​រាប់​អាន​គ្នា​ក្រៃ​ពេក​ ដល់​ពេល​លា​តាបស​ទៅ​ពិភព​នាគវិញ ក៏​ក្លាយ​ខ្លួន​ជា​នាគ​ឪប​រឹត​តាបស​ដោយ​ក្តី​ស្រ​ឡាញ់​រាប់​អាន​ទើប​ចេញទៅ ។ ចេះ​តែ​មក​លេង​នឹង​តាបស​យ៉ាង​នេះ​ជា​រៀង​រាល់​ថ្ងៃ តា​បស​មាន​សេចក្តី​ភិត​ភ័យ​ឡើង​ស្គម​អស់​ទាំង​ខ្លួន​ ក៏​ប្រាប់​ទៅ​តាបស​ គឺ​ជា​ព្រះ​បរម​ពោធិសត្វជា​បង​ថា មាន​នាគរាជ​មួយ​ចេះ​តែ​មក​លេង​ជាញឹក​ញាប់​ ខ្ញុំ​មាន​​សេច​ក្តី​​ភ័យ​​ខ្លាច​មិន​ចង់​ឲ្យ​មក​សោះ​ ប៉ុន្តែ​ពុំ​ដឹង​ធ្វើ​ដូចម្តេច ។ ព្រះ​ពោធិ​​​សត្វ​សួរ​ថា នាគរាជ​នោះ​កាល​មក​មាន​ពាក់​អ្វី​មក​? តាបស​ជា​ប្អូន​ មាន​ពាក់​កែវ​មណី​មក ។ ព្រះ​ពោធិសត្វ​ប្រាប់​ឧបាយ​ថា បើ​ដូច្នោះ​ប្អូន​ឯង​​ត្រូវ​សុំ​កែវ​មណី​នោះ​ពីនាគរាជ ៗ មិន​ឲ្យ​ក៏​នៅតែ​សុំ​បើ​អ្នក​បាន​ធ្វើ​ដូច្នេះ​ នាគរាជ​នោះ​នឹង​លែង​មក​កាន់​សំណាក់​អ្នក​ទៀត​ហើយ ។

តាបស​ប្អូន​ត្រលប់​ទៅ​អាស្រម​វិញ ដល់​នាគរាជ​មក​ក៏​សុំ​កែវ​មណី​ភ្លាម នាគ​រាជ​ទើស​ទាល់​មិន​ដឹង​ធ្វើ​ដូច​ម្តេច​ក៏​ត្រលប់​ទៅវិញ បន្តិច​វិល​មក​ទៀត​ដោយ​សេចក្តី​រឭក​តាបស ឯ​តាបស​ចេះ​តែសុំ​ដល់​គំរប់​៣ដង នាគរាជ​ស្ថិត​នៅ​ខ្នង​ទឹក​និយាយ​ប្រាប់​តា​បស​ថា ខ្ញុំ​សព្វ​ថ្ងៃ​រស់​នៅ​បាន​ដោយ​អំ​ណាច​កែវ​មណី​នេះ​ ខ្ញុំ​ឲ្យ​អ្នក​ដូច​ម្តេច​កើត​ ពី​ថ្ងៃនេះ​ទៅ​ខ្ញុំ​លែង​មក​ជួប​នឹង​អ្នក​ទៀត​ហើយ ព្រោះ​ការ​ដែល​អ្នក​សុំ​កែវ​មណី​ខ្ញុំ​នោះ​ ដូច​ជា​បុរស​មាន​កំលាំង​កាន់​ដាវ​យ៉ាង​​មុត​ គម្រាម​កាប់​ខ្ញុំ​ឲ្យ​ដាច់​ជា​កំណាត់​តូច​ធំ​នោះ​ឯង ប្រាប់​តាបស​នោះ​ហើយ​ក៏បាត់​អំ​ពី​ទី​នោះ​​ លែង​មក​ជួប​​នឹង​តាបស​ទៀត ។

តាបស​ទាំង​ពីរ​ក៏​ខំ​ចំរើន​ឈាន​ ដល់​ទី​​បំផុត​អាយុ​សង្ខារ​បាន​ទៅ​កើតក្នុង​ព្រហ្មណ៍​​លោក​ទាំង​ពីរ​នាក់ ។

អត្តបទ​នេះ​វាយ​បញ្ចូល​ដោយ​កញ្ញា ហេង​ សំដា​ណែត ។
អត្តបទនេះ​ដក​ស្រង់​ចេញ​ពី​សៀវភៅ​ ប្រ​ជុំ​និទាន​ជាតក ។

ដោយ៥០០០ឆ្នាំ


 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
អត្ថបទអ្នកអាចអានបន្ត
ផ្សាយ : ២៧ កក្តដា ឆ្នាំ២០១៩ (អាន: ២៤,០៣៥ ដង)
រឿង​ព្រះ​ឥន្ទ​និ​ម្មិត​ជា​យក្ខ​
ផ្សាយ : ០៦ ឧសភា ឆ្នាំ២០២៣ (អាន: ១៩,៣២៤ ដង)
ពៀរវេរា​ទាំង​ឡាយ​មាន​សភាព​ផ្សេង​ៗ​គ្នា​តាម​អំពើ​កម្ម​
ផ្សាយ : ២៧ កក្តដា ឆ្នាំ២០១៩ (អាន: ១៩,៧៣៧ ដង)
គុណ​នៃការ​បូជា​បាត្រ ព្រះ​សម្ពុទ្ធ​និង​អា​និសង្ឃ​​ស្តាប់ទេសនា
៥០០០ឆ្នាំ បង្កើតក្នុងខែពិសាខ ព.ស.២៥៥៥ ។ ផ្សាយជាធម្មទាន ៕
CPU Usage: 1.84
បិទ
ទ្រទ្រង់ការផ្សាយ៥០០០ឆ្នាំ ABA 000 185 807
   ✿ សម្រាប់ឆ្នាំ២០២៤ ✿  សូមលោកអ្នកករុណាជួយទ្រទ្រង់ដំណើរការផ្សាយ៥០០០ឆ្នាំជាប្រចាំឆ្នាំ ឬប្រចាំខែ  ដើម្បីគេហទំព័រ៥០០០ឆ្នាំយើងខ្ញុំមានលទ្ធភាពពង្រីកនិងរក្សាបន្តការផ្សាយតទៅ ។  សូមបរិច្ចាគទានមក ឧបាសក ស្រុង ចាន់ណា Srong Channa ( 012 887 987 | 081 81 5000 )  ជាម្ចាស់គេហទំព័រ៥០០០ឆ្នាំ   តាមរយ ៖ ១. ផ្ញើតាម វីង acc: 0012 68 69  ឬផ្ញើមកលេខ 081 815 000 ២. គណនី ABA 000 185 807 Acleda 0001 01 222863 13 ឬ Acleda Unity 012 887 987  ✿✿✿