30
ថ្ងៃ សុក្រ ទី ២៩ ខែ មីនា ឆ្នាំថោះ បញ្ច​ស័ក, ព.ស.​២៥៦៧  
ស្តាប់ព្រះធម៌ (mp3)
ការអានព្រះត្រៃបិដក (mp3)
ស្តាប់ជាតកនិងធម្មនិទាន (mp3)
​ការអាន​សៀវ​ភៅ​ធម៌​ (mp3)
កម្រងធម៌​សូធ្យនានា (mp3)
កម្រងបទធម៌ស្មូត្រនានា (mp3)
កម្រងកំណាព្យនានា (mp3)
កម្រងបទភ្លេងនិងចម្រៀង (mp3)
បណ្តុំសៀវភៅ (ebook)
បណ្តុំវីដេអូ (video)
ទើបស្តាប់/អានរួច






ការជូនដំណឹង
វិទ្យុផ្សាយផ្ទាល់
វិទ្យុកល្យាណមិត្ត
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
វិទ្យុមេត្តា
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុគល់ទទឹង
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុវត្តខ្ចាស់
ទីតាំងៈ ខេត្តបន្ទាយមានជ័យ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌ (ភ្នំពេញ)
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុមង្គលបញ្ញា
ទីតាំងៈ កំពង់ចាម
ម៉ោងផ្សាយៈ ៤.០០ - ២២.០០
មើលច្រើនទៀត​
ទិន្នន័យសរុបការចុចលើ៥០០០ឆ្នាំ
ថ្ងៃនេះ ១៦៦,៦៥៩
Today
ថ្ងៃម្សិលមិញ ១៨០,១៣៣
ខែនេះ ៦,៣៤៤,៥៩៣
សរុប ៣៨៥,៦៣១,២៨៦
អានអត្ថបទ
ផ្សាយ : ០៥ មិថុនា ឆ្នាំ២០២២ (អាន: ៣៥,៨៦២ ដង)

រឿងបល្លង្កអណ្តែត



ស្តាប់សំឡេង
 
រឿងបល្លង្កអណ្តែត
( ចាក វិ. ខុ. )
( សទ្ធាជាពូជ នៃសិរីក្នុងលោក )

 
ក្នុងពុទ្ធកាល​ ព្រះមហា​មោគ្គល្លានត្ថេរ​ បាននិមន្ត​ទៅស្ថាន​ត្រៃត្រឹង្ស​ទេវ​លោក ​ ​បានឃើញ​ពួក​ទេវតា​ទាំង​ឡាយ​ កំពុងនាំ​គ្នា​លេង​មហោ​ស្រប​ក្នុង​នន្ទវន​ឳទ្យាន ​មួយស្របក​ស្រាប់តែ​ឃើញ​បល្លង្កមាស​កំពស់ ​១ ​យោជន៍​ អណ្តែត​ព្ធ​ដ៏អាកាស ​មាន​ល្បឿន​លឿន​ច្រៀវច្រៃ​ សំដៅចុះ​មក​ក្នុង​នន្ទវ​ន​ឳទ្យាន ​។ ​

បល្លង្កនោះសណ្ឋាន​ជាបុស្បុក​ មាន​ស្រី​ទេពអប្សរ​មួយពាន់​ អង្គុយ​ចោម​រោម​នាងធីតា​ម្នាក់​លើ​បល្លង្កនោះ ​។ ​នាងធីតា​ជាម្ចាស់​បល្លង្កអណ្តែត​នោះ​ មាន​រូបឆោម​ល្អស្រស់​ប្រិមប្រិយ​ មានពន្លឺ​ចេញ​អំពី​កាយ​ដូចជា​ព្រះចន្ទ្រ​ពេញ​វង់​ នាង​ទ្រទ្រង់នូវ​គ្រឿង​អលង្ការ​ទម្ងន់ ​៦០ រទេះ​បាន​ឃើញ​ព្រះមោគ្គលាន​ហើយ​ នាងមាន​សេចក្តីជ្រះ​ថ្លារីករាយ​ឥត​ឧបមា​  បាននាំ​ស្រី​ទេព​អប្សរជាបរិវារ​ទាំង​មួយ​ពាន់​ ចុះពី​បល្លង្ក​ទៅ​ថ្វាយ​បង្គំ​នមស្សការ​ព្រះ​មោគ្គ​ល្លានត្ថេរ​។

​ព្រះមោគ្គល្លានត្ថេរមានថេរដីការ​សួរ​ថា ម្នាលនាង​ទេពធីតា​ អ្នកមាន​កាយ​រុងរឿង​ដូចជាព្រះចន្ទ្រពេញ​វង់ ទ្រទ្រង់នូវ​គ្រឿងអលង្ការ​ទិព្វ​​ទម្ងន់ ៦០ រទេះ មានកេ​សា​ព័ទ្ធព័ន្ធ​ប្រទាក់​ឆ្វាក់ដោយភួងផ្កា ​កាល​ពីជាតិ​មុន​ នាង​បាន​ធ្វើបុណ្យ​ដូចម្តេច ​? ។ ​

នាងទេពធីតា ថ្លែងរៀបរាប់​ប្រវត្តិ​របស់​នាង​ ប្រាប់ដល់​មហា​មោគ្គល្លាន​ត្ថេរ​ថា ​បពិត្រលោកម្ចាស់ដ៏​ចំរើន​ កាលព្រះសម្ពុទ្ធ​បរមគ្រូគង់​នៅវត្តជេតពន​សម័យ​នោះ​មានភិក្ខុ​មួយរូប​ ជាអ្នក​រក្សា​ធុតង្គ​ បាននិមន្ត​ចូល​ទៅបិណ្ឌ​បាត​ក្នុង​ក្រុង​សាវត្ថី ។

កាលនោះខ្ញុំ​ព្រះករុណា​កើតជាធីតា​ក្នុងត្រកូល​មួយ​ នៅ​ក្នុង​ក្រុងសាវត្ថី​នោះដែរ​ ​បានឃើញ​ភិក្ខុនោះ​កំពុង​និមន្ត​បិ​ណ្ឌបាត​ ក៏មាន​ចិត្ត​ត្រេកអរ​ឥត​ឧបមា ​បាននិមន្តលោក​ចូល​ទៅក្នុង​គេហដ្ឋាន​ ហើយ​ចាត់​ចែង​រៀប​គ្រែតូច​មួយជាអាសនៈ  ​បានយកសំពត់​ក​ម្ពល​ពណ៌លឿង​ ទៅក្រាល​លើ​គ្រែ​នោះ​ជា​គ្រឿងលំអរ​​ លុះក្រាល​ហើយ និមន្តភិក្ខុនោះ​ឳ្យគង់​ខ្ញុំព្រះករុណា​ក៏ម្នី​ម្នា​ទៅ​ចាត់ចែងភោជនាហារ  យក​ទៅប្រគេន​លោកឆាន់ ​ហើយ​​បានកាន់​ផ្លឹត​ចូល​ទៅ​អង្គុយបក់ប្រគេន​លោក​ទៀត ​លុះភិក្ខុ​នោះឆាន់​ហើយ​ សំដែង​នូវ​ភត្តានុមោទនា​ចប់ ​ក៏និមន្ត​ទៅវត្ត​ជេតពន​ទៅ  ។​

ខ្ញុំព្រះករុណាបាន​រំពឹងពិចារណា​នូវទានដែល​បានធ្វើ​ហើយ​ សទ្ធាគឺ​សេចក្តី​ជ្រះថ្លា ​ក៏កាន់តែ​កើតឡើងជា​ភិយ្យោភាព​ ខ្ញុំព្រះករុណា​ជ្រះថ្លា​ខ្លាំងពេក​ បាន​យកគ្រែ​ដែលរៀប​តាក់តែង​ដោយសំពត់​កម្ពល​នោះ​ ទៅតាម​ប្រគេន​លោក​ដល់វត្ត​ទៀត ​។ ​

ក្នុងកាលជាខាងក្រោយ​មក ខ្ញុំ​ព្រះករុណា​អ​ស់អាយុ​ ក៏​បាន​ម​ក​កើតក្នុង​វិមាន​​មាស​កំពស់ ១២ ​យោជន៍​ មានស្រីទេព​អប្សរ​មួយ​ពាន់​ជា​បរិវារ ​មាន​បល្លង្កមាស​មួយកំពស់ ​១ យោជន៍​ កើតឡើងក្នុង​វិមាន​នោះ​សំរាប់​​ជា​យាន​របស់​ខ្ញុំព្រះករុណា​ បល្លង្ក​នោះមាន​សន្ទុះលឿន​ស្មើនឹងចិត្ត​ បើចិត្ត​របស់​ខ្ញុំព្រះករុណា​នឹក​ចង់ទៅទីណា​ ក៏អណ្តែត​ទៅដល់​ទីនោះមួយ​រំពេច ។ ព្រះមោគ្គល្លានបានស្តាប់របស់​នាងទេពធីតានោះ​ចប់​ហើយ ក៏និមន្ត​ហួស​ទៅ​កាន់ទីដ​ទៃ​ទៀតទៅ ​៕​


វាយអត្ថបទដោយ ខ្ញុំព្រះករុណា ខ្ញុំបាទ យ៉ែម ភិរុណ ដកស្រង់ចេញប្រជុំ​និទានជាតកភាគ​១ របស់ព្រះបាឡាត់ឧត្តម​លិខិត សុង ស៊ីវ សិទ្ធត្ថោ គ្រូបង្រៀនបាលីនៅវត្ត​លង្កា រាជធានីភ្នំពេញ ។ អព្រះគុណព្រះភិក្ខុ សិរីបញ្ញោ ហ៊ុល សុខារ៉ា ព្រះគ្រូចៅអធិការ វត្តកល្យាណ​មិត្តខ្សាច់​ពោយនិង​លោកអាចារ្យ ចយ ធិន ដែលបានផ្តល់សៀវភៅប្រជុំនិទានជាតកនេះ។

ដោយ៥០០០ឆ្នាំ



 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
អត្ថបទអ្នកអាចអានបន្ត
ផ្សាយ : ០៥ វិច្ឆិកា ឆ្នាំ២០២០ (អាន: ២១,៩០១ ដង)
បណ្ឌិត(ភិក្ខុ)អ្នក​មាន​ព្យាយាម​ជា​គ្រឿង​ដុត​កម្ដៅ​កិលេស
ផ្សាយ : ២៦ កក្តដា ឆ្នាំ២០១៩ (អាន: ៥៦,៤១៣ ដង)
កុំ​ធ្វើ​បាប​មនុស្ស​មាន​ខន្តី​ ប្រយ័ត្ន​ផែន​ដី​ស្រូប
៥០០០ឆ្នាំ បង្កើតក្នុងខែពិសាខ ព.ស.២៥៥៥ ។ ផ្សាយជាធម្មទាន ៕
CPU Usage: 1.33
បិទ
ទ្រទ្រង់ការផ្សាយ៥០០០ឆ្នាំ ABA 000 185 807
   ✿ សម្រាប់ឆ្នាំ២០២៤ ✿  សូមលោកអ្នកករុណាជួយទ្រទ្រង់ដំណើរការផ្សាយ៥០០០ឆ្នាំជាប្រចាំឆ្នាំ ឬប្រចាំខែ  ដើម្បីគេហទំព័រ៥០០០ឆ្នាំយើងខ្ញុំមានលទ្ធភាពពង្រីកនិងរក្សាបន្តការផ្សាយតទៅ ។  សូមបរិច្ចាគទានមក ឧបាសក ស្រុង ចាន់ណា Srong Channa ( 012 887 987 | 081 81 5000 )  ជាម្ចាស់គេហទំព័រ៥០០០ឆ្នាំ   តាមរយ ៖ ១. ផ្ញើតាម វីង acc: 0012 68 69  ឬផ្ញើមកលេខ 081 815 000 ២. គណនី ABA 000 185 807 Acleda 0001 01 222863 13 ឬ Acleda Unity 012 887 987  ✿✿✿