បួសលាលោកិយសិរីថ្កើងថ្កាន

សម្លឹងខ្លួនឯងដើម្បីកែខៃ

មើលអ្នកដទៃដើម្បីសិក្សា

សម្លឹងខ្លួនឯងនឹកដល់មរណា

មើលសត្វលោកាមេត្តាអភ័យ។

មនុស្សល្អខ្ពង់ខ្ពស់ព្រោះសច្ចធម៌

ចេះមើលឃើញល្អគុណអ្នកដទៃ

បើមើលឃើញខុសចេះឲ្យអភ័យ

សង្គ្រោះលកលៃឲ្យន័យខ្លឹមសារ។

បើមានចំណេះតែចេះប្រជែង

ចង់លើកខ្លួនឯងមិនក្រែងអ្នកណា

ចេះតែប្រកែកជជែកតវ៉ា

ចេះអត់ខ្លឹមសារមរណាគុណធម៌។

សិក្សាបានខ្ពស់តែព្រោះតណ្ហា

ប្រព្រឹត្តហីនាដូចស្វាជាប់ជ័រ

ខុសក្នុងកាមគុណទារុណវឹកវរ

ឧបមាក្នុងធម៌ដូចត្មាតទាំងឡាយ។

សត្វត្មាតហើរខ្ពស់តែព្រោះហេតុឃ្លាន

ចុះមកបំពានដណ្ដើមប្រញាយ

ចឹកសុីសាកសពមិនចេះជិនណាយ

ដូចពាលទាំងឡាយមិនឆ្អែតនឹងបាប។

ចំណេះចេះដឹងគូនឹងគុណធម៌

គូគាប់បវរល្អជាដរាប

យកការចេះដឹងមកប្រឹងលះបាប

ខ្ពស់ហើយមិនទាបសំណាបយោងដី។

សំណាបយោងដីថាស្រីយោងប្រុស

ពាក្យនេះមិនខុសតាមប្រជាប្រិយ

បើពោលតាមធម៌បវរសួស្ដី

បួសលាលោកិយសិរីថ្កើងថ្កាន៕៚

ប.ស.វ.

ដោយ៥០០០ឆ្នាំ

Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
                )

            [1] => Array
                (
                    [shortcode_id] => 2
                    [shortcode] => [ADS2]
                    [full_code] => c
                )

        )

)