តួនាទីរបស់មិត្ត

ក្នុងសិង្គាលសូត្រ ព្រះអង្គត្រាស់ពីតួនាទីរបស់មិត្តចំពោះសិង្គាលកមាណព ថា " ម្នាលគហបតិបុត្ត មិត្តអមាត្រជាទិសខាងជើង កុលបុត្តត្រូវប្រតិបត្តិដោយស្ថានទាំងឡាយ ៥ យ៉ាង គឺ

១ ទានេន ដោយការឲ្យរបស់
២ បិយវជ្ជេន ដោយការនិយាយតែពាក្យគាប់ចិត្ត
៣ អត្តចរិយាយ ដោយការប្រព្រឹត្តជាប្រយោជន៍
៤ សមានត្តតាយ ដោយការប្រព្រឹត្តិខ្លួនស្មើ
៥ អវិសំវាទនតាយ ដោយការមិនកុហកបញ្ឆោត។

ម្នាលគហបតិបុត្ត មិត្តអមាត្យ ជាទិសខាងជើង កុលបុត្តត្រូវប្រតិបត្តិដោយស្ថានទាំងឡាយ ៥ នេះឯងហើយរមែងអនុគ្រោះកុលបុត្តដោយស្ថាន ៥ យ៉ាងគឺ

១- បមត្តំ រក្ខន្តិ រក្សាមិត្តដែលធ្វេសប្រហែស
២- បមត្តស្ស សាបតេយ្យំ រក្ខន្តិ ជួយថែទាំទ្រព្យសម្បត្តិរបស់មិត្ត ដែលធ្វេសប្រហែស
៣- ភីតស្ស សរណំ ហោន្តិ ជាទីពឹងរបស់មិត្តដែលមានភ័យ
៤- អាបទាសុនវិជហន្តិ មិនបោះបង់គ្នាក្នុងគ្រាវិបត្តិ
៥- អបរបជំបិស្ស បដិបូជេន្តិ រាប់អានរហូតដល់ផៅពង្សរបស់មិត្ត។

ម្នាលគហបតិបុត្ត មិត្តអមាត្យ ជាទិសខាងជើង ដែលកុលបុត្តត្រូវប្រតិបត្តិដោយស្ថាន ៥ នេះឯងហើយ រមែងអនុគ្រោះកុលបុត្តដោយស្ថាន ៥ យ៉ាងនេះ ទិសខាងជើងនុ៎ះ ដែលកុលបុត្តបានបិទបាំងហើយ ជាទិសមានសេចក្ដីក្សេមឥតមានភយន្តរាយយ៉ាងនេះ។

នៅក្នុងមិត្តាមិត្តជាតក ព្រះសាស្ដាត្រាស់ថា "អ្នកដែលមិនមែនមិត្ត និងអ្នកដែលជាមិត្ត គប្បីដឹងបានដោយអាការ ៣២ ប្រការ"។

ដកស្រង់ចេញពីសៀវភៅ មិត្តល្អ
រៀបរៀងដោយ សុវណ្ណជោតោ ភួង សុវណ្ណ

ដោយ៥០០០ឆ្នាំ

Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
                )

            [1] => Array
                (
                    [shortcode_id] => 2
                    [shortcode] => [ADS2]
                    [full_code] => c
                )

        )

)