35
ថ្ងៃ សុក្រ ទី ២៤ ខែ ឧសភា ឆ្នាំរោង ឆស័ក, ព.ស.​២៥៦៨  
ស្តាប់ព្រះធម៌ (mp3)
ការអានព្រះត្រៃបិដក (mp3)
ស្តាប់ជាតកនិងធម្មនិទាន (mp3)
​ការអាន​សៀវ​ភៅ​ធម៌​ (mp3)
កម្រងធម៌​សូធ្យនានា (mp3)
កម្រងបទធម៌ស្មូត្រនានា (mp3)
កម្រងកំណាព្យនានា (mp3)
កម្រងបទភ្លេងនិងចម្រៀង (mp3)
បណ្តុំសៀវភៅ (ebook)
បណ្តុំវីដេអូ (video)
ទើបស្តាប់/អានរួច






ការជូនដំណឹង
វិទ្យុផ្សាយផ្ទាល់
វិទ្យុកល្យាណមិត្ត
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
វិទ្យុមេត្តា
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុគល់ទទឹង
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុវត្តខ្ចាស់
ទីតាំងៈ ខេត្តបន្ទាយមានជ័យ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌ (ភ្នំពេញ)
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុមង្គលបញ្ញា
ទីតាំងៈ កំពង់ចាម
ម៉ោងផ្សាយៈ ៤.០០ - ២២.០០
មើលច្រើនទៀត​
ទិន្នន័យសរុបការចុចលើ៥០០០ឆ្នាំ
ថ្ងៃនេះ ៦៥,៥៤៩
Today
ថ្ងៃម្សិលមិញ ២០២,៩២៥
ខែនេះ ៧,១៦៤,៤៨៨
សរុប ៣៩៩,៤២២,៩៣២
អានអត្ថបទ
ផ្សាយ : ០៦ វិច្ឆិកា ឆ្នាំ២០២១ (អាន: ២៥,០៣៦ ដង)

មិត្តប្លម ៤ ពួក



 
មិត្តប្លម ៤ ពួក

ម្នាលគហបតិបុត្ត អ្នកត្រូវស្គាល់​ពួក​មនុស្សដែល​មិនមែនជាមិត្ត គ្រាន់តែជាមិត្តប្លម ៤ ពួកនេះ គឺអ្នកត្រូវស្គាល់ អញ្ញទត្ថុហរោ (មនុស្សដែល​គិត​តែ​ប្រយោជន៍​ខ្លួន) ថា​មិនមែន​ជាមិត្ត គ្រាន់​តែជាមិត្តប្លម ១, អ្នកត្រូវស្គាល់ វចីបរមោ (មនុស្សល្អតែសំដី) ថាមិន​មែនជាមិត្ត គ្រាន់តែជាមិត្ត​ប្លម ១, អ្នកត្រូវស្គាល់ អនុប្បិយភាណី (មនុស្ស​ដែល​និយាយ​ចាក់បណ្ដោយ​ឲ្យគាប់ចិត្ត) ថាមិនមែនជាមិត្ត គ្រាន់តែជាមិត្តប្លម ១, អ្នកត្រូវស្គាល់ អបាយសហាយោ (មនុស្ស​ជាសម្លាញ់​ក្នុងការដឹកនាំ​ឲ្យវិនាស​ភោគៈទាំងឡាយ) ថា​មិនមែន​ជាមិត្ត​គ្រាន់តែជាមិត្តប្លន់ ១។

ម្នាលគហបតិបុត្ត មនុស្ស​គិតយកតែប្រយោជន៍​ខ្លួនមិនមែនជាមិត្ត គ្រាន់តែជាមិត្តប្លម(នោះ) អ្នកត្រូវស្គាល់​ដោយស្ថាន ៤ យ៉ាងគឺ មិត្តគិតតែប្រយោជន៍ខ្លួន ១ មិត្តប្រាថ្នាយករបស់ច្រើន ដោយ(ឲ្យ)របស់តិចតួច ១ ទាល់តែមាន​ភ័យ​ទើប​ជួយ​ធ្វើកិច្ចរបស់មិត្ត ១ សេពគប់មិត្ត ព្រោះហេតុតែ​ប្រយោជន៍ ១។ ម្នាល​គហបតិបុត្ត មិត្តគិតយកតែ​ប្រយោជន៍ខ្លួន មិនមែនជាមិត្តទេ គ្រាន់តែជាមិត្តប្លម អ្នកត្រូវស្គាល់​ដោយស្ថាន ៤ យ៉ាងនេះឯង។

ម្នាលគហបតិបុត្ត មិត្តល្អតែសំដី មិនមែនជាមិត្ត​ទេ គ្រាន់តែជាមិត្តប្លម អ្នកត្រូវស្គាល់​ដោយស្ថាន ៤ គឺ មិត្តទទួល​រាក់ទាក់ដោយរបស់ដែលកន្លងហើយ ១ ទទួលរាក់ទាក់ដោយរបស់ដែលមិនទាន់មានមក ១ សង្គ្រោះ​ដោយអំពើឥតប្រយោជន៍ ១ កាលកិច្ចទាំងឡាយកើតឡើងភ្លាមៗ ក៏សម្ដែង​អាងរបស់ខូចខាត ១ ម្នាល​គហបតិបុត្ត មិត្តល្អតែសំដី មិនមែនជាមិត្តទេ គ្រាន់តែជាមិត្តប្លម អ្នកត្រូវស្គាល់​ដោយស្ថាន ៤ យ៉ាងនេះឯង។

ម្នាលគហបតិបុត្ត មិត្តនិយាយចាក់បណ្ដោយ​ឲ្យគាប់​ចិត្ត មិនមែនជាមិត្តទេ គ្រាន់តែ​ជាមិត្តប្លម អ្នកត្រូវស្គាល់​ដោយស្ថាន ៤ យ៉ាងគឺ បើមិត្ត​ធ្វើអំពើអាក្រក់ ក៏យល់ព្រម​តាម ១ មិត្ត​ធ្វើអំពើ​ល្អក៏យល់ព្រមតាម ១ ពណ៌នាគុណមិត្តតែក្នុងចំពោះមុខ ១ ពោលទោសមិត្ត​ក្នុងទីកំបាំងមុខ ១។ ម្នាល​គហបតិបុត្ត មិត្តនិយាយ​ចាក់បណ្ដោយ​ឲ្យគាប់ចិត្ត មិន​មែនជាមិត្ត​ទេ គ្រាន់តែ​ជាប្លម អ្នកត្រូវស្គាល់​ដោយ​ស្ថាន ៤ យ៉ាងនេះឯង។

ម្នាលគហបតិបុត្ត មនុស្សជាសម្លាញ់​ក្នុងផ្លូវវិនាស មិនមែនជាមិត្ត​ទេ គ្រាន់តែជាមិត្ត​ប្លម អ្នកត្រូវស្គាល់​ដោយស្ថាន ៤ យ៉ាងគឺ ជាសម្លាញ់ក្នុងកិរិយាប្រកបរឿយៗ នូវការផឹកទឹកស្រវឹងគឺសុរាមេរ័យ ដែលជាទីតាំងនៃសេចក្ដីប្រមាទ ១ ជាសម្លាញ់​ក្នុងកិរិយា​ប្រកប​រឿយៗ នូវការត្រាច់ទៅតាមច្រកល្ហកខុសកាល ១ ជាសម្លាញ់​ក្នុងកិរិយា​ដើរមើលល្បែង​មហោស្រព ១ ជាសម្លាញ់​ក្នុងកិរិយា​ប្រកប​រឿយៗ នូវល្បែងភ្នាល់​ដែល​ជាហេតុ ជាទីតាំងសេចក្ដីប្រមាទ ១។ ម្នាលគហបតិបុត្ត មនុស្សជាសម្លាញ់ ក្នុងផ្លូវវិនាស​មិនមែនជាមិត្តទេ គ្រាន់តែជាមិត្តប្លម អ្នកត្រូវស្គាល់​ដោយស្ថាន ៤ យ៉ាងនេះឯង។ ព្រះមានព្រះភាគ ទ្រង់​បានសម្ដែង​សេចក្ដីនេះ លុះព្រះសុគតសាស្ដាសម្ដែង​នេះ​ហើយ ទើបទ្រង់សម្ដែងពាក្យគាថាព័ន្ធតទៅទៀតថា
បុគ្គល​ដែលជាមិត្តគិតតែប្រយោជន៍ខ្លួន ១ បុគ្គលដែល​ជាមិត្តល្អតែសំដី ១ បុគ្គល​ដែលនិយាយ​ចាក់បណ្ដោយឲ្យគាប់ចិត្ត ១ បុគ្គល​ដែល​ជាសម្លាញ់​ក្នុងផ្លូវវិនាស ១ បណ្ឌិត​ដឹងថា បុគ្គល​ទាំង ៤ ពួកនុ៎ះ មិនមែនជាមិត្ត ហើយគប្បី​ចៀសវាងឲ្យឆ្ងាយ ដូចជាអ្នកដំណើរ ចៀសវាងផ្លូវដែលប្រកប​ដោយភ័យ​ដូច្នោះ។

ដកស្រង់ចេញពីសៀវភៅ មិត្តល្អ
រៀប​រៀង​ដោយ សុវណ្ណជោតោ ភួង សុវណ្ណ

ដោយ​៥០០០​ឆ្នាំ
 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
អត្ថបទអ្នកអាចអានបន្ត
ផ្សាយ : ២៤ សីហា ឆ្នាំ២០២០ (អាន: ៣៨,៧៩៧ ដង)
ការ​ភ្លេច​ស្មារតី​ និង​អសម្បជញ្ញៈ
ផ្សាយ : ០៦ មិថុនា ឆ្នាំ២០២២ (អាន: ១៣,០៦៥ ដង)
មាន​ដំបៅ​ចិត្ត​ ត្រូវ​​បិទ​ថ្នាំ
ផ្សាយ : ១៨ មីនា ឆ្នាំ២០២៤ (អាន: ១២,៧៤៣ ដង)
ចៅ​ស្រី​​ជា​ទី​ស្រ​ឡាញ់​របស់​នាង​វិ​សា​ខា​ធ្វើ​មរ​ណ​ភាព
ផ្សាយ : ២២ កក្តដា ឆ្នាំ២០២០ (អាន: ៣៧,០១៦ ដង)
ធម៌សូត្រដាក់ទង់ និងលើកទង់ ព្រះពុទ្ធសាសនា
៥០០០ឆ្នាំ បង្កើតក្នុងខែពិសាខ ព.ស.២៥៥៥ ។ ផ្សាយជាធម្មទាន ៕
CPU Usage: 1.76
បិទ
ទ្រទ្រង់ការផ្សាយ៥០០០ឆ្នាំ ABA 000 185 807
   ✿ សម្រាប់ឆ្នាំ២០២៤ ✿  សូមលោកអ្នកករុណាជួយទ្រទ្រង់ដំណើរការផ្សាយ៥០០០ឆ្នាំជាប្រចាំឆ្នាំ ឬប្រចាំខែ  ដើម្បីគេហទំព័រ៥០០០ឆ្នាំយើងខ្ញុំមានលទ្ធភាពពង្រីកនិងរក្សាបន្តការផ្សាយតទៅ ។  សូមបរិច្ចាគទានមក ឧបាសក ស្រុង ចាន់ណា Srong Channa ( 012 887 987 | 081 81 5000 )  ជាម្ចាស់គេហទំព័រ៥០០០ឆ្នាំ   តាមរយ ៖ ១. ផ្ញើតាម វីង acc: 0012 68 69  ឬផ្ញើមកលេខ 081 815 000 ២. គណនី ABA 000 185 807 Acleda 0001 01 222863 13 ឬ Acleda Unity 012 887 987  ✿✿✿