អានអត្ថបទ
ផ្សាយ : ០៦ វិច្ឆិកា ឆ្នាំ២០២១ (អាន: ៣៣,៧៤៩ ដង)
វត្ថុដែលគួរបូជា មាន ៤ ប្រភេទ
|
|
|
វត្ថុដែលគួរបូជា មាន ៤ ប្រភេទ
១. បូជនីយបុគ្គល អ្នកដែលគួរដល់ការសំពះ ថ្វាយបង្គំបានដល់ព្រះពុទ្ធ ព្រះបច្ចេកពុទ្ធ ព្រះអរិយសាវ័ក មាតាបិតា គ្រូ ឧបជ្ឈាយាចារ្យ អ្នកមានឧបការៈ អ្នកមានគុណផ្សេង ៗ ដែលបែងចែកតាមលំដាប់គុណដូច្នេះ ការបូជាដោយរឭកដល់បដិបទារបស់បុគ្គលខ្ពង់ខ្ពស់ គឺ ព្រះពុទ្ធ ព្រះបច្ចេកពុទ្ធ និងព្រះអរិយសាវ័ក ជាហេតុនៃការដល់នូវសុគតិ និងព្រះនិព្វាន ចំណែកការបូជា បុគ្គលធម្មតា គឺមាតាបិតា គ្រូឧបជ្ឈាយាចារ្យ អ្នកមានឧបការៈ និងអ្នកមានគុណ នាំឲ្យទទួលបាននូវសេចក្តីសុខក្នុងមនុស្សលោក និងទេវលោក ។
២. បូជនីយធម៌ ពាក្យប្រៀនប្រដៅរបស់ព្រះសម្មាសម្ពុទ្ធគឺព្រះត្រៃបិដក ។ ៣. បូជនីយដ្ឋាន ស្ថានទីដែលគួរបូជា ដូចព្រះស្តូប ចេតិយ ជាដើម ។ ៤. បូជនីយវត្ថុ វត្ថុដែលគួរបូជា ដូចព្រះពុទ្ធបដិមា និងព្រះបរមសារីរិកធាតុ ។ ដកស្រង់ចេញពីសៀវភៅ បុញ្ញបទីប រៀបរៀងដោយៈ ព្រះសង្ឃវត្តរាជនិវេសនារាព្រះពន្លា វាយអត្ថបទដោយៈ ឧបាសក សូត្រ តុលា ដោយ៥០០០ឆ្នាំ |
