អានអត្ថបទ
ផ្សាយ : ៣០ កក្តដា ឆ្នាំ២០១៩ (អាន: ៣៦,៥៥៩ ដង)
មុននឹងឈានទៅដល់ការយល់ព្រះធម៌
|
|
|
មុននឹងឈានទៅដល់ការយល់ព្រះធម៌
ដើម្បីងាយស្រួលចំពោះពុទ្ធបរិស័ទ ជាអ្នកសិក្សានូវធម៌ ឬក៏ងាយស្រួលដល់អ្នកស្រាវជ្រាវមួយចំនួន ដែលចង់ដឹងអំពីប្រវត្តិរបស់ព្រះពុទ្ធ មុននឹងអ្នកឈានទៅដល់ការជឿអ្វី ដែលអ្នកធ្លាប់តែស្ដាប់អំពី បរតោឃោសៈ (អ្នកដទៃ) និយាយយ៉ាងនេះថាជាពុទ្ធដីកា ទុកជាយ៉ាងនោះ ក្ដី ព្រះអង្គមិនឲ្យចេះតែជឿនោះឡើយ មុននឹងជឿសូមអ្នកអានទាំងអស់ ត្រូវយល់ដឹងអំពីដីកាព្រះអង្គដែលមានឈ្មោះថា កាលាមសូត្រ ឬហៅថា កង្ខានិយដ្ឋានទាំង ១០ គឺៈ (សុត្តន្តបិដក អង្គុត្តរនិកាយ តិកនិបាត បិដកលេខ ៤១ ទំព័រ ២២២ ) ១. មា អនុស្សវេន កុំជឿគ្រាន់ ព្រោះតែបានស្ដាប់បានឮតគ្នាមក ២. មា បរម្បរាយ កុំជឿដោយធ្វើតៗគ្នា ឬបដិបត្តិតាមគ្នាមក ៣. មា ឥតិកិរាយ កុំជឿដោយ (បានឮ) គេនិយាយតៗគ្នាមក ៤. មា បិដកសម្បទានេន កុំជឿដោយការពឹងផ្អែកលើតម្រា ឬគម្ពីរ។ ៥. មា តក្កហេតុ កុំជឿដោយហេតុផលរបស់តក្ក (ការគិតថាពិត) ៦. មា នយហេតុ កុំជឿដោយការអនុមានន័យ ៧. មា អាការបរិវិតក្កេន កុំជឿដោយត្រឹមតែការត្រិះរិះ ត្រូវតាមហេតុផល ៨. មា ទិដ្ឋិនិជ្ឍានក្ខន្តិយា កុំជឿដោយត្រឹមតែ (ហេតុផលនោះ) សមស្របជាមួយនឹងទ្រឹស្ដី ដែលបានពិនិត្យទុកហើយ ៩. មា អព្វរូបតាយ កុំជឿព្រោះយល់ថា លក្ខណៈនេះអាចប្រព្រឹត្តទៅបាន ១០. មា សមណោ នោ គរូតិ កុំជឿដោយគិតថា សមណអង្គនេះ (ឬថាបុគ្គលនេះ) ជាគ្រូរបស់យើង។ សរសេរខាងលើនេះ ចង់ឲ្យអ្នកអានបានយល់ដឹងអំពីពុទ្ធដីការមួយចំនួន ដែលអ្នកធ្លាប់តែឮតាមបរតោឃោសៈរបស់អ្នកដទៃ បានពោលថា ជាដីការបស់ព្រះពុទ្ធ ប៉ុន្តែមុននឹងជឿសូមវិនិច្ឆ័យផងចុះ ក្រែងមិនមែនជាពុទ្ធវចនៈរបស់ព្រះពុទ្ធ។ ដកស្រង់ចេញពីសៀវភៅ រស់ក្រោមម្លប់ព្រះធម៌ រៀបរៀងដោយ ភិក្ខុ ចិន្តកវី ទូច ចន្ថា ដោយ៥០០០ឆ្នាំ |
