អានអត្ថបទ
ផ្សាយ : ០៩ មករា ឆ្នាំ២០២២ (អាន: ៧១,៤៦៣ ដង)
ឥរិយាបថល្អក្នុងទីវត្តអារាម
|
|
|
ឥរិយាបថល្អក្នុងទីវត្តអារាម
នៅក្នុងទីវត្តអារាម គឺជាកន្លែងសម្រាប់គោរពបូជា ក្នុងគោលបំណង កសាងនូវកុសលផលបុណ្យ និងជាកន្លែងអប់រំនូវមនុស្សទូទៅមិនថាសាសន៍ខ្មែរ ឬ សាសន៍ដទៃឡើយ។ ពេលចូលមកដល់ទីវត្តអារាមត្រូវធ្វើនូវឥរិយាបថថ្លៃថ្នូរ សុភាពរាបសារ រម្យទម ទន់ភ្លន់ និងមិនត្រូវនិយាយគ្នាលឺៗ នាំឲ្យខុសសីលធម៌។ ពេលស្លៀកពាក់ចូល ក្នុងទីវត្តអារាម ត្រូវស្លៀកពាក់ឲ្យបានសមរម្យ មិនឆើតឆាយ ដោះមួកមុនពេលចូល មកដល់ ហើយនិងចេះថែរក្សា សម្បត្តិក្នុងវត្តគោរពប្រតិបត្តិ ការអប់រំរបស់ព្រះសង្ឃ។ ជាពិសេសកុំប្រលែងគ្នាលេងឡេះឡោះ ពេលមានកម្មវិធីបុណ្យក្នុងទីអារាម។ ការប្រព្រឹត្តនូវឥរិយាបថល្អក្នុងទីវត្តអារាម គឺជាសកម្មភាពដែលសំដែង ប្រាប់ដល់ជនជាតិដទៃឲ្យយល់ដឹងពី វប្បធម៌ អរិយធម៌និងព្រះពុទ្ធសាសនារបស់ខ្មែរយើងផងដែរហើយក៏ស្របទៅនឹងពាក្យស្លោករបស់ អ្នកប្រាជ្ញខ្មែរយើងបានចងក្រងមកថា "វប្បធម៌រលត់ ជាតិរលាយ សាសនាពណ្ណរាយ ជាតិថ្កើនថ្កាន" ពាក្យស្លោកទាំងអស់នេះ គឺមានអត្ថន័យជ្រាលជ្រៅណាស់ ហើយក៏ពន្យល់ដល់មនុស្ស គ្រប់ស្រទាប់វណ្ណៈផងដែរ។ ដកស្រង់ចេញពីសៀវភៅ ខំសាងកុសល រៀបរៀងដោយ ភិក្ខុ ថិរសំវរោ សក់ ស៊ីថន ដោយ៥០០០ឆ្នាំ |
អត្ថបទអ្នកអាចអានបន្ត
