30
ថ្ងៃ សុក្រ ទី ២៩ ខែ មីនា ឆ្នាំថោះ បញ្ច​ស័ក, ព.ស.​២៥៦៧  
ស្តាប់ព្រះធម៌ (mp3)
ការអានព្រះត្រៃបិដក (mp3)
ស្តាប់ជាតកនិងធម្មនិទាន (mp3)
​ការអាន​សៀវ​ភៅ​ធម៌​ (mp3)
កម្រងធម៌​សូធ្យនានា (mp3)
កម្រងបទធម៌ស្មូត្រនានា (mp3)
កម្រងកំណាព្យនានា (mp3)
កម្រងបទភ្លេងនិងចម្រៀង (mp3)
បណ្តុំសៀវភៅ (ebook)
បណ្តុំវីដេអូ (video)
ទើបស្តាប់/អានរួច






ការជូនដំណឹង
វិទ្យុផ្សាយផ្ទាល់
វិទ្យុកល្យាណមិត្ត
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
វិទ្យុមេត្តា
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុគល់ទទឹង
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុវត្តខ្ចាស់
ទីតាំងៈ ខេត្តបន្ទាយមានជ័យ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌ (ភ្នំពេញ)
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុមង្គលបញ្ញា
ទីតាំងៈ កំពង់ចាម
ម៉ោងផ្សាយៈ ៤.០០ - ២២.០០
មើលច្រើនទៀត​
ទិន្នន័យសរុបការចុចលើ៥០០០ឆ្នាំ
ថ្ងៃនេះ ៨២,១៩១
Today
ថ្ងៃម្សិលមិញ ១៨០,១៣៣
ខែនេះ ៦,២៦០,១២៥
សរុប ៣៨៥,៥៤៦,៨១៨
អានអត្ថបទ
ផ្សាយ : ២៤ កក្តដា ឆ្នាំ២០១៩ (អាន: ៣៦,៦៦០ ដង)

បុនព្វសុសូត្រ



 
បុនព្វសុសូត្រ
បិដកលេខ ៣០ ទំព័រ ២១៨

សម័យ ព្រះ​មាន​ព្រះ​ភាគ ទ្រង់​គង់​នៅ​ក្នុង​វត្ត​ជេត​ពន​របស់​អនាថបិណ្ឌិក​សេដ្ឋី ទៀប​ក្រុង​សាវត្ថី ។ សម័យ​នោះ​ឯង​ព្រះ​មាន​ព្រះ​ភាគ​ទ្រង់​ពន្យល់​ណែ​នាំ​ពួក​ភិក្ខុ​ឲ្យ​ឃើញ​ច្បាស់ ឲ្យកាន់​យក ឲ្យ​អាច​ហាន ឲ្យ​រីក​រាយ ដោយ​ធម្មិកថា ប្រកប​ដោយ​ព្រះ​និព្វាន ។ ពួក​ភិក្ខុ​នោះ ក៏​ធ្វើ​ឲ្យ​ជា​ប្រយោជន៍ ធ្វើ​ទុកក្នុង​ចិត្ត​ប្រមូឡ​មកនូវ​ចិត្ត​ទាំង​ពួង ផ្ទៀង​សោតប្បសាទ​ប្រុង​ស្តាប់​ធម៌ ។

គ្រានោះ​ឯង យក្ខិនី​ឈ្មោះ បុនព្វសុមាតា លួង​កូន​តូច​យ៉ាង​នេះ​ថា

តុណ្ហី ឧត្តរិកេ ហោហិ តុណ្ហី ហោហិ បុនព្វសុ
យាវាហំ ពុទ្ធសេដ្ឋស្ស ធម្មំ សោស្សាមិ សត្ថុនោ ។

ម្នាល​នាង​ឧត្តរា ចូរ​កូន​ស្ងៀម​ទៅ ម្នាល​បុនព្វសុ ចូរ​កូន​ស្ងៀម​ទៅ ម៉ែ​នឹង​ស្តាប់​នូវ​ព្រះ​ធម៌ របស់​ព្រះ​សាស្តា​ជា​ព្រះ​ពុទ្ធ ដ៏​ប្រសើរ​សិន ។

និព្វានំ ភគវា អាហ សព្វគន្ថប្បមោបនំ
អតិវេលា ច មេ ហោតិ អស្មី ធម្មេ បិយាយនា ។

ព្រះ​មាន​ព្រះ​ភាគ បាន​សម្តែង​នូវ​ព្រះ​និព្វាន ថា ជា​គ្រឿង​រួច​ចាក​គន្ថធម៌​ទាំង​ពួង ម្យ៉ាង​ទៀត សេចក្តី​ប្រាថ្នា ក្នុង​ធម៌ នោះ​របស់​ម៉ែ​ខ្លាំង​ហួស​ប្រមាណ ។

បិយោ លោកេ សកោ បុត្តោ បិយោ លោកេ សកោ បតិ
តតោ បិយតរំ អស្ស ធម្មស្ស មគ្គនា ។

កូន​របស់​ខ្លួន ក៏​ជា​ទី​ស្រឡាញ់​ក្នុង​លោក ប្តី​របស់​ខ្លួណ​ក៏​ជា​ទី​ស្រឡាញ់​ក្នុង​លោក តែ​សេចក្តី​ប្រាថ្នា​ក្នុង​ធម៌នោះ ជា​ទី​ស្រឡាញ់​របស់​ម៉ែ​ក្រៃ​លែង​ជាង​នោះ​ទៅ​ទៀត ។

ន ហិ បុត្តោ បតិ វាបិ បិយោ ទុក្ខា បមោចយេ
យថា សទ្ធម្មស្សវនំ ទុក្ខា មោចេតិ បាណិនំ ។

កូន​ក្តី ប្តី​ក្តី ដែល​ជា​ទី​ស្រឡាញ់ មិន​មែន​រំដោះ​ម៉ែ​ឲ្យ​រួច​ចាក​ទុក្ខ​បាន​ទេ មាន​តែ​ការ​ស្តាប់​នូវ​ព្រះ​ធម៌ ទើប​រំដោះ​សត្វ​ទាំង​ឡាយ​ឲ្យ​រួច​ចាក​ទុក្ខ​បាន ។

លោកេ ទុក្ខបរេតស្មី ជរាមរណសំយុត្តេ
ជរាមរណមោក្ខាយ យំ ធម្មំ អតិសម្ពុធំ
តំ ធម្មំ សោតុមិច្ឆាមិ តុណ្ហី ហោហិ បុនព្វសូតិ ។

កាល​បើ​សត្វ​លោក​ត្រូវ​សេចក្តី​ទុក្ខ​គ្រប​សង្កត់ ប្រកប​ដោយ​ជា​រានិង​ មរណៈ​ហើយ ព្រះ​មាន​ព្រះ​ភាគ ទ្រង់​ត្រាស់ ដឹងហើយ​នូវ​ធម៌​ណា ម៉ែ​ចង់​ស្តាប់​ធម៌​នោះ ដើម្បី​រួច​ចាក​ជរានិង​មរណៈ ម្នាល​បុនព្វសុ ចូរ​កូនស្ងៀម​ទៅ ។

បុនព្វសុកុមារ តបថាៈ

អម្ម ន​ ព្យាហរិស្សាមិ តុណ្ហីតូតាយមុត្តរា
ធម្មមេវ និសាមេហិ សទ្ធម្មស្សវនំ សុខំ ។

បពិត្រ​អ្នក​ម៉ែស្តាប់​ធម៌ចុះ ការ​ស្តាប់​ព្រះ​សទ្ធម្ម នាំ​មក​នូវ​សេចក្តី​សុខ ។

សទ្ធម្មស្ស អនញ្ញាយ អម្ម ទុក្ខំ ចរាមសេ
ឯស ទេវមនុស្សានំ សម្មូឡានំ បភង្ករោ
ពុទ្ធោ អន្តិមសារីរោ ធម្មំ ទេសេតិ ចក្ខុមាតិ ។

បពិត្រ​អ្នក​ម៉ែ យើង​ដើរ​ទាំង​ទុក្ខ ព្រោះ​មិន​បាន​ដឹង​នូវ​ព្រះ​សទ្ធម្ម ព្រះ​ពុទ្ធ​អង្គ​នោះ ជា​អ្នក​ធ្វើ​នូវ​ពន្លឺ​ដល់​ទេវតា​និង​មនុស្ស​ទាំង​ឡាយ​ដែល​វង្វេង ព្រះ​អង្គ​មាន​ព្រះ​សរីរៈ​ជា​ទី​បំផុត មាន​បញ្ញាចក្ខុ ទ្រង់​កំពុង​សម្តែង​ធម៌ ។ (ម៉ែ​និង​កូន​ប្រុស​បាន​សម្រេច​សោតាបត្តិផល ឯ​នាង​ឧត្តរា ជា​កូណ​ស្រី​ក៏​មាន​ឧបនិស្ស័យ​ដែរ តែ​មិន​ទាន់​បាន​សម្រេច ព្រោះ​នៅ​តូច​ពេក ទទួល​ធម្មទេសនា​មិន​បាន ។ អដ្ឋកថា ។

បុនព្វ​សុមាតាពោល​ថាៈ

សាធុ ខោ បណ្ឌិតោ នាម បុត្តោ ជា​តោ ឧរេ សយោ
បុត្តោ មេ ពុទ្ធសេដ្ឋស្ស ធម្មសុទ្ធំ បិយាយតិ ។

ប្រពៃ​ណាស់​ហ្ន៎ កូន​កើត​ហើយ​ដោយ​នៅ​នា​ទ្រូង​ម៉ែ គឺ​ជា​បណ្ឌិត កូន​របស់​ម៉ែ​ស្រឡាញ់​ធម៌​ដ៏​បរិសុទ្ធ​របស់​ព្រះ​ពុទ្ធ​ដ៏​ប្រសើរ ។

បុនព្វសុ សុខី ហោហិ អាជ្ជាហម្ហិ សុមគ្គតា
ទិដ្ឋានិ អរិយសច្ចានិ ឧត្តរាបិ សុណាតុ មេតិ ។

ម្នាល​បុនព្វសុ ចូរ​កូន​បាន​សុខ​ស្រួល ម៉ែ​បាន​ខ្ពង់​ខ្ពស់​( ក្នុង​សាសនា) តាំង​ពី​ថ្ងៃ​នេះ​ហើយ ទាំង​នាង​ឧត្តរា ក៏​ចូរ​ស្តាប់​អរិយ​សច្ច ទាំង​ឡាយ ដែល​ម៉ែ​នឹង​កូន​បាន​ឃើញ​ហើយ​ចុះ។

អត្តបទ​នេះ​ដក​ស្រង់​ចេញ​ពី​សៀវភៅៈ ជំនួយ​សតិ
រៀបរៀង​ដោយៈ អគ្គបណ្ឌិត ធម្មាចារ្យ ប៊ុត សាវង្ស
វាយ​អត្តបទ​ដោយៈ កញ្ញា ជា ម៉ានិត

ដោយ​៥០០០​ឆ្នាំ
 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
អត្ថបទអ្នកអាចអានបន្ត
ផ្សាយ : ០៦ កក្តដា ឆ្នាំ២០២១ (អាន: ៤៨,៧៩១ ដង)
ផលប៉ះពាល់​នៃ​គ្រឿង​ញៀន​ចំពោះ​ផ្នែក​ផ្លូវ​ចិត្ត និង​ផ្លូវ​កាយ
ផ្សាយ : ០៣ មីនា ឆ្នាំ២០២៤ (អាន: ៤៧,៨២១ ដង)
បានជាមនុស្សល្អព្រោះចិត្តប្រសើរ
ផ្សាយ : ២៥ មីនា ឆ្នាំ២០២៤ (អាន: ៤,២៤៦ ដង)
សក្កទេវរាជថ្វាយបង្គំអ្នកមានសីល
៥០០០ឆ្នាំ បង្កើតក្នុងខែពិសាខ ព.ស.២៥៥៥ ។ ផ្សាយជាធម្មទាន ៕
CPU Usage: 3.28
បិទ
ទ្រទ្រង់ការផ្សាយ៥០០០ឆ្នាំ ABA 000 185 807
   ✿ សម្រាប់ឆ្នាំ២០២៤ ✿  សូមលោកអ្នកករុណាជួយទ្រទ្រង់ដំណើរការផ្សាយ៥០០០ឆ្នាំជាប្រចាំឆ្នាំ ឬប្រចាំខែ  ដើម្បីគេហទំព័រ៥០០០ឆ្នាំយើងខ្ញុំមានលទ្ធភាពពង្រីកនិងរក្សាបន្តការផ្សាយតទៅ ។  សូមបរិច្ចាគទានមក ឧបាសក ស្រុង ចាន់ណា Srong Channa ( 012 887 987 | 081 81 5000 )  ជាម្ចាស់គេហទំព័រ៥០០០ឆ្នាំ   តាមរយ ៖ ១. ផ្ញើតាម វីង acc: 0012 68 69  ឬផ្ញើមកលេខ 081 815 000 ២. គណនី ABA 000 185 807 Acleda 0001 01 222863 13 ឬ Acleda Unity 012 887 987  ✿✿✿