អានអត្ថបទ
ផ្សាយ : ០៥ តុលា ឆ្នាំ២០១៣ (អាន: ១៤,៨០៥ ដង)
ប្រាសាទរូងភ្នំបង្កប់សាសនា នៅប្រទេសឥណ្ឌា
|
|
|
ប្រាសាទរូងភ្នំបង្កប់សាសនា នៅប្រទេសឥណ្ឌា
ឥណ្ឌា ៖ អាចាន់តា (Ajanta Caves) គឺជារូងភ្នំមួយដែលមានទីតាំងស្ថិតនៅក្នុងស្រុក អូរ៉ាន់ហ្គាបាដ នៃខេត្ត ម៉ាហារ៉ាស្ត្រា ប្រទេសឥណ្ឌា។ ទីនោះឃើញមានការកាត់យកផ្ទាំងថ្មមកឆ្លាក់ធ្វើជាពុទ្ធរូបចំនួន ៣០ អង្គ។ រូងភ្នំនេះមានអាយុកាលប្រហែលនៅក្នុងសតវត្សរ៍ទី២ មុនគ្រិស្តសករាជ។ វាប្រហែលជាមានអាយុ ៤៨០ឆ្នាំ ឬ ៦៥០ឆ្នាំផងដែរ បន្ទាប់ពីកំណើតគ្រិស្តសករាជ។ តាមរយៈរូងភ្នំនេះគេសង្កេតឃើញថា សិល្បៈគំនូរ និងចម្លាក់របស់ប្រទេសឥណ្ឌា នាសម័យកាលនោះ គឺឈានដល់ចំណុចកំពូលតែម្តង។ ជាពិសេសគេសង្កេតឃើញថា សិល្បៈគំនូរដែលស្តីពីព្រះពុទ្ធសាសនាដោយគេបានដាប់ថ្មឆ្លាក់រូបព្រះពុទ្ធដែលមានរឿងតំណាលផងដែរ។ វាជារូងភ្នំកែច្នៃដោយមនុស្សដែលមានពីរក្រុម។ ក្រុមទីមួយ វាមានប្រវត្តិប្រហែលជានៅក្នុងសតវត្សរ៍ទី២ មុនគ្រិស្តសករាជ និងមួយទៀតប្រហែលជាកសាងនៅចន្លោះ ៤០០ឆ្នាំ ទៅ ៦៥០ឆ្នាំ។ នេះបើយោងទិន្នន័យចាស់ ខណៈទិន្នន័យរបស់លោក វ៉ុលទ័រ អ៊ិម ស្ពីង ថាវាមានប្រវត្តិប្រមាណជា ៤៦០ឆ្នាំ ទៅ ៤៨០ឆ្នាំ។ តំបន់រូងភ្នំនេះត្រូវក្រុមការងារផ្នែកបុរាណវិទ្យាឥណ្ឌា (ASI) អភិរក្សនៅឆ្នាំ១៩៨៣ ហើយវាក្លាយជាបេតិកភណ្ឌពិភពលោករបស់អង្គការយូណេស្កូផងដែរ។ រូងភ្នំនេះស្ថិតនៅខេត្ត ម៉ាហារ៉ាស្ត្រា ក្បែរភូមិ ចាល់ហ្គាអុន និងភូមិ អាជីនថា ដោយមានចម្ងាយ ៥៩ គីឡូម៉ែត្រ ពីផ្លូវរថភ្លើងភូមិ ចាល់ហ្គាអុន ដែលជាបណ្តាញខ្សែរថភ្លើងចេញដំណើរពីក្រុង ញូវដែលី មកក្រុងបុមបៃ នោះ។ វាមានចម្ងាយ ១០៤គីឡូម៉ែត្រពីទីក្រុង អូរ៉ាន់ហ្គាបាដ។ វាមានចម្ងាយ ១០០ គីឡូម៉ែត្រ ពីរូងភ្នំមួយទៀតឈ្មោះថា រូងភ្នំអេឡូរ៉ា (Ellora Caves) ដែលមានប្រាសាទសាសនាហិណ្ឌូ(Hindu) និងប្រាសាទសាសនាចែន (Jain) ដោយមានលក្ខណៈល្អប្រណីតដូចជា សាសនាព្រះពុទ្ធនៃរូងភ្នំអាចាន់តា នេះដែរ។ គេឃើញរូងភ្នំអាចាន់តា នៅភាគខាងត្បូងគឺជាតំបន់ជ្រលងភ្នំ មានរាងដូចជាអក្សរអ៊ុយ (U) មានទន្លេតូចមួយឈ្មោះ វ៉ាហ្គូរ៉ា (Waghora)ហូរកាត់។ បច្ចុប្បន្នទីនេះគេបានធ្វើផ្លូវដើរឆ្លងកាត់ជ្រលងភ្នំនោះ ខណៈពីដើមគ្រាន់តែមានជណ្តើរបុរាណដើរប៉ុណ្ណោះ។ ជ្រលងភ្នំនោះមានជម្រៅចាប់ពីជាង ១០ ម៉ែត្រទៅដល់ ៣៣,៥ ម៉ែត្រ៕ រូបភាពរូងភ្នំ អាចាន់តា (Ajanta Caves):          រូបភាពរបស់ប្រាសាទ Kailasanatha នៅរូងភ្នំ Ellora:         ប្រភព ទស្សនាវីដេអូ ដោយ៥០០០ឆ្នាំ |
