អានអត្ថបទ
ផ្សាយ : ២០ តុលា ឆ្នាំ២០២១ (អាន: ៧៥,៧៨៥ ដង)
ការច្រណែនអ្នកដទៃ គឺជាការសម្លាប់ខ្លួនឯង
|
|
|
ហេតុអ្វីបានជាសត្វលោកយើង ឃើញគេមានសេចក្តីសុខមានយសជាដើមហើយក៏ច្រណែននឹងអ្នកដទៃនោះ ៗ មកអំពីក្នុងចិត្តមិនមានមេត្តាគឺសេចក្តីរាប់អាន កមិនមានមុទិតា គឺសេចក្តីត្រេកអរតាមនៅពេលដែលអ្នកដទៃមានសេចក្តីសុខជាដើម គួរពិចារណាតាមព្រះពុទ្ធដីកាថា អ្នកណា ៗ ក៏ធ្លាប់ជាមាតាបិតា ជាញាតិរបស់ខ្លួនដែរក្នុងសង្សារវដ្តកន្លងមកអស់កាលដ៏យូរអង្វែង រាប់ជាតិប្រមាណមិនបាន ដូច្នេះហើយបើយើងច្រណែនស្អប់ខ្ពើមនឹងអ្នកដទៃ ហាក់ដូចជាស្អប់ច្រណែននិង មាតាបិតាបង្កើត បងប្អូនបង្កើត របស់ខ្លួន ដូច្នោះ សូមមេត្តាពិចារណា នូវទោស កំហុសនៃសេចក្តីច្រណែនមានច្រើនណាស់ដូចជា
-សេចក្តីច្រណែន អាចនាំឲ្យបែកបាក់ញាតិមិត្ត -សេចក្តីច្រណែន អាចធ្វើឲ្យខ្លួនសាងកម្មពៀរវេរាដ៏ច្រើន -សេចក្តីច្រណែន អាចធ្វើឲ្យខ្លួនវិកលចរិត (ឆ្កួត) -សេចក្តីច្រណែនអាចធ្វើឲ្យខ្លួនអស់សតិបញ្ញា -សេចក្តីច្រណែនអាចធ្វើឲ្យខ្លួនចេះរមិលគុណអ្នកដទៃ -សេចក្តីច្រណែនអាចធ្វើឲ្យខ្លួនចេះនិយាយញុះញង់ -សេចក្តីច្រណែន អាចធ្វើឲ្យខ្លួនហ៊ានសម្លាប់គ្នា និងសម្លាប់ខ្លួនឯង បាន -សេចក្តីច្រណែន អាចធ្វើឲ្យខ្លួនស្អប់មនុស្សល្អ -សេចក្តីច្រណែនអាចធ្វើឲ្យខ្លួនអស់ញាតិមិត្ត -សេចក្តីច្រណែនអាចធ្វើឲ្យខ្លួនអស់កិត្តិយស -សេចក្តីច្រណែនមិនអាចធ្វើឲ្យខ្លួនញញឹមបានទេ -សេចក្តីច្រណែនអាចធ្វើឲ្យខ្លួនទៅកាន់អបាយភូមិ -សេចក្តីច្រណែនអាចធ្វើឲ្យខ្លួនកើតក្នុងត្រកូលថោកទាបសេចក្តីច្រណែន អ្នកដទៃជាចំណុចខ្សោយរបស់ខ្លួន -សេចក្តីច្រណែនគឺ ជា អកុសលប្រចាំជីវិត -សេចក្តីច្រណែនគឺជាអកុសលប្រចាំជីវិត -សេចក្តីច្រណែនធ្វើឲ្យវិនាសចាកសីលគុណជាដើម -សេចក្តីច្រណែនមិនអាចឃើញសច្ចធម៌បាន -សេចក្តីច្រណែនអាចធ្វើឲ្យខ្លួនវិនាសដូចភិក្ខុទេវទត្ត មុទិតាជាធម៌សម្លាប់សេចក្តីច្រណែននបាន អត្តបទនេះដកស្រង់ចេញពីសៀវភៅៈ មេត្តាចិត្ត វាយអត្តបទដោយៈ កញ្ញា ជា ម៉ានិត ដោយ៥០០០ឆ្នាំ |
