ឃើញគេស្លូត កុំថាគេខ្លាចអន់ជាងខ្លួន

Audio

រឿងសីហៈនិងជ្រូក
(ចាក សុ. ទុ.)
(ឃើញគេស្លូត កុំថាគេខ្លាចអន់ជាងខ្លូន)

កាលពីព្រេងនាយមានសីហៈមួយចាប់សត្វស៊ីឆ្អែតហើយចុះទៅផឹកទឹកក្នុងត្រពាំង ត្រឡប់ឡើងមកវិញឃើញជ្រូកមួយរកស៊ីនៅមាត់ត្រពាំង។ សីហៈនោះនឹកថាថ្ងៃនេះអញស៊ីឆ្អែតហើយ ជ្រូកនេះទុកស៊ីនៅថ្ងៃស្អែក ទើបគេចទៅផ្លូវម្ខាង ជ្រូកឃើញដូច្នោះសំគាល់ថាសីហៈនោះខ្លាចខ្លួនក៏ស្រែកសួរថាៈ

ចតុប្បទោ អហំ សម្ម ត្វម្បិ សម្ម ចតុប្បទោ
ឯហិ សីហ និវត្តស្សុ កិន្មុ ភីតោ បលាយសិ ។

នែ! សំឡាញ់ យើងជាសត្វជើង៤ សំឡាញ់ឯងក៏ជាសត្វជើង ៤ ដែរ ម្នាលសីហៈ អ្នកចូរត្រឡប់មកវិញអ្នកខ្លាចខ្ញុំឬ? បានជារត់ទៅ។

សីហៈឮហើយនិយាយសន្យាថា ចាំថ្ងៃក្រោយចុះសឹមយើងជួបគ្នា ជ្រូកមានគំនិតខ្លីសំគាល់ថាគេខ្លាចខ្លួន ក៏មានសេចក្តីក្លៀវក្លាត្រឡប់មកទីលំនៅវិញ ដំណាលប្រាប់ជ្រូកដទៃៗ ដែលជាមិត្តសំឡាញ់របស់ខ្លួន។ ជ្រូកទាំងនោះបានស្តាប់ហើយភ័យស្លុតចិត្តទើបនាំគ្នាតិះដៀលជ្រូកនោះថា សំឡាញ់ឯងល្ងង់ណាស់ជាអ្នកដឹកនាំសេចក្តីវិនាសមកដល់មិត្តសំឡាញ់ព្រោះគ្មានគំនិតមិនដឹងឧបាយរបស់សត្វសីហៈ។

ជ្រូកនោះស្រាប់តែភ័យញ័រស្លុតស្មារតីស្រៀវខ្នងទើបខំនិយាយប្រឹក្សានឹងមិត្តសំឡាញ់ថាៈ នឹងគិតធ្វើយ៉ាងណាបានរួចខ្លួនពីសីហៈ។ ពួកជ្រួកជាមិត្តសំឡាញ់ទាំងឡាយប្រាប់ឧបាយថា ធម្មតាសីហៈជាសត្វស្អាតមិនចូលចិត្តនឹងវត្ថុស្មោកគ្រោកទេ អ្នកឯងចូរដើរទៅដេកននៀលក្នុងរណ្តៅលាមកឲប្រឡាក់ពេញខ្លូនទៅ ទើបមិនធ្វើអន្តរាយដល់អ្នក។ ជ្រូកនោះក៏ធ្វើតាមពាក្យគេពន្យល់ ដល់ថ្ងៃណាត់គ្នាក៏ទៅចាំសីហៈ មួយស្របក់សីហៈមកដល់ធុំខ្លិនស្អុយធន់មិនបានទើបនិយាយទៅជ្រូកថាៈ

អសុចិ បូតិលោមាសិ ទុត្តន្ធោ វាយសិ សូករ
សចេ យុជ្ឈិតុកាមោសិ ជយំ សម្ម ទទាមិ តេ ។

ម្នាល សូករៈ អ្នកឯងក្រខ្វក់មានរោមប្រលាក់ដោយសំអុយធុំក្លិនខ្មួរភាយៗ ម្នាលសំឡាញ់បើអ្នកចង់ច្បាំងនឹងយើងៗ ចាញ់មកហើយ ឲអ្នកឈ្នះចុះខ្ពើមណាស់ សីហៈថាហើយក៏ទៅកាន់ទីដទៃទៀត ។

បានស្រង់ចាកពីសៀវភៅ " ប្រជុំនិទានជាតក "
ដោយ៥០០០ឆ្នាំ

Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
                )

            [1] => Array
                (
                    [shortcode_id] => 2
                    [shortcode] => [ADS2]
                    [full_code] => c
                )

        )

)

ឃើញ​គេ​ស្លូត​ កុំ​ថា​គេ​ខ្លាច​អន់​ជាង​ខ្លួន

ឃើញគេស្លូត កុំថាគេខ្លាចអន់ជាងខ្លួន