Reading Article
Public date : 01, Jun 2022 (50,814 Read)
ឲ្យអ្វីជាទានឈ្មោះថាឲ្យព្រះនិព្វាន?
|
|
|
នៅក្នុងគម្ពីរសំយុត្តនិកាយ ត្រង់ទេវតាសំយុត្ត មានសំដែងថា កាលព្រះបរមគ្រូទ្រង់គង់ធរមាននៅឡើយ មានទេវតាចូលទៅទូលសួរព្រះអង្គថា «បពិត្រព្រះអង្គដ៏ចម្រើន! ឲ្យរបស់អ្វីជាទាន ទើបបានឈ្មោះថាឲ្យកម្លាំង? ឲ្យរបស់អ្វីជាទានទើបបានឈ្មោះថាឲ្យពណ៌សម្បុរ? ឲ្យរបស់អ្វីជាទានទើបបានឈ្មោះថាឲ្យសេចក្តីសុខ? ឲ្យរបស់អ្វីជាទានទើបបានឈ្មោះថាឲ្យចក្ខុ? ខ្ញុំព្រះអង្គក្រាបទូលសួរ សូមព្រះអង្គទ្រង់ព្រះមេត្តាប្រោសទេសនាប្រាប់នូវការឲ្យរបស់អ្វីជាទានទើបបានឈ្មោះថា ឲ្យគ្រប់មុខ?»
 ព្រះសាស្តាទ្រង់ត្រាស់ថា
អន្នទោ ពលទោ ហោតិ វត្ថទោ ហោតិ វណ្ណទោ
យានទោ សុខទោ ហោតិ ទីបទោ ហោតិ ចក្ខុទោ
សោ ច សព្វទោ ហោតិ យោ ទទាតិ ឧបស្សយំ
អមតន្ទទោ ច យោ ហោតិ យោ ធម្មមនុសាសតីតិ។
«ម្នាលទេវតា! ការឲ្យបាយជាទាន បានឈ្មោះថាឲ្យកម្លាំង, ការឲ្យសំពត់ជាទាន បានឈ្មោះថាឲ្យពណ៌សម្បុរ, ការឲ្យយានជាទាន បានឈ្មោះថាឲ្យសេចក្តីសុខ, ការឲ្យប្រទីបជាទាន បានឈ្មោះថាឲ្យចក្ខុ គឺភ្នែក, ចំណែកអ្នកដែលឲ្យទីលំនៅជាទាន បានឈ្មោះថាឲ្យគ្រប់មុខ, ជាពិសេស អ្នកណាបានប្រដៅធម៌ (ដល់អ្នកដទៃ) ជននោះ បានឈ្មោះថា ឲ្យអម្រឹត គឺព្រះនិព្វាន។»
ដោយ ៥០០០ឆ្នាំ |
