Monday, 04 Dec B.E.2567  
ស្តាប់ព្រះធម៌ (mp3)
ការអានព្រះត្រៃបិដក (mp3)
ស្តាប់ជាតកនិងធម្មនិទាន (mp3)
​ការអាន​សៀវ​ភៅ​ធម៌​ (mp3)
កម្រងធម៌​សូធ្យនានា (mp3)
កម្រងបទធម៌ស្មូត្រនានា (mp3)
កម្រងកំណាព្យនានា (mp3)
កម្រងបទភ្លេងនិងចម្រៀង (mp3)
បណ្តុំសៀវភៅ (ebook)
បណ្តុំវីដេអូ (video)
Recently Listen / Read
Notification
Live Radio
Kalyanmet Radio
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
Metta Radio
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Radio Koltoteng
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌ (ភ្នំពេញ)
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Radio Morodok
ទីតាំងៈ ក្រុងសៀមរាប
ម៉ោងផ្សាយៈ ១៦.០០ - ២៣.០០
WatMrom Radio
ទីតាំងៈ ខេត្តកំពត
ម៉ោងផ្សាយៈ ៤.០០ - ២២.០០
Solida Radio 104.30
ទីតាំងៈ ក្រុងសៀមរាប
ម៉ោងផ្សាយៈ ៤.០០ - ២២.០០
មើលច្រើនទៀត​
All Visitors
Today 36,401
Today
Yesterday 170,805
This Month 686,916
Total ៣៥៧,៥៣០,៨៩០
Flag Counter
Reading Article
Public date : 22, May 2020 (24,440 Read)

អធិប្បាយពាក្យថាគុណ



 
អធិប្បាយពាក្យថាគុណ

ពាក្យថា​គុណ​នេះ​ សំដៅ​យក​សេចក្ដីល្អ សេចក្ដី​សុខ សេចក្ដីចម្រើន​គ្រប់ប្រការ គឺជាគុណ​ជាតិ​ជាទីប្រាថ្នា នៃសព្វ​សត្វ​ក្នុងលោក ព្រោះ​ថា​សេចក្ដីសុខ​ក្សេមក្សាន្ត ដែល​អាច​សម្រេច​ទៅ​បាន លុះ​តែ​មនុស្ស​ទាំង​អស់​គ្នា ជាអ្នក​រស់​នៅ​ប្រកប​ដោយ​គុណ ជាអ្នក​មាន​គុណ បរិបូរណ៌ដោយ​គុណ ស្មើ​ដូចគ្នា​ជាសមធម៌។

គុណ​ធម៌ បាន​ដល់​សេចក្ដី​ល្អ ជាសភាវៈ​ប្រាសចាក​ទុក្ខ​ទោស​ភ័យ​ពៀរ​វេរា​ទាំងពួង ដូចជា​សុចរិតធម៌ ការប្រព្រឹត្ត​ល្អ​ដោយកាយ វាចា ចិត្ត ដោយ​ឥត​មានការ​បៀតបៀន​គ្នា​ដោយ​ កាយ វាចា ចិត្ត ប្រព្រឹត្ត​ទៅ​ជាសុខ​ក្នុងសង្គម​គ្រួសារ សង្គមជាតិ សង្គម​លោក ឬ​ក៏​ដូច​ជាទាន ភាវនា ទាំងបីនេះ ជាគុណជាតិ​ដែល​មនុស្ស​គ្រប់រូប ត្រូវហាត់​រៀន​ខំសន្សំ​ធ្វើ​បដិបត្តិឲ្យ​បាន​ជាឧបនិស្ស័យប្បច្ច័យ ជាប់​ក្នុង​សន្ដាន​ចិត្ត​ជាប្រចាំ ដូចជាការ​ចេះជួយ​គ្នា ដោយកម្លាំង​កាយ វាចាចិត្ត កម្លាំង​ទ្រព្យ​ជួយ​ដល់​គ្នា​ក្នុងពេល​ដែល​មាន​សេចក្ដីខ្វះខាត ក្រខ្សត់​អត់ឃ្លាន ឬជួយបំពេញ​នូវតម្រូវការអ្វីមួយ ដែលកើតមានឡើង។ ការ​គោរព​សិទ្ធិ ការឲ្យអភ័យ ការមិនបៀតបៀន ជីវិត​សត្វ​ដទៃ កុំ​ថា​ឡើយ​ដល់​ទៅសម្លាប់ បំបាត់​បង់ជីវិតគេនោះ សូម្បី​តែបៀតបៀន ឲ្យ​ដល់​នូវ​សេចក្ដី​ទុក្ខសោក​ដោយ​ប្រការ​ណាៗ ក៏​ទេដែរ។

ការវៀរចាកទ្រព្យសម្បត្តិ មិនប្រព្រឹត្ត​ឆ្គាំឆ្គង​ជាមួយ​កូន​ ប្រពន្ធអ្នក​ដទៃ មិនភូតភរកុហក​បោកប្រាស់ ដោយសម្ដី​មិនពិតជា​អ្នក​មាន​ស្មារតី យប់​ថ្ងៃ​មិនប្រមាទ ដោយអំណាច​នៃទឹក​ស្រវឹង។ ការ​ចម្រើន​ភាវនាឲ្យ​កើតបញ្ញា យល់​ច្បាស់​នូវហេតុ​ការណ៌ពិត ឃើញច្បាស់​ពីជីវិត សព្វ​សត្វ​រមែង​ឋិត​ក្នុងរង្វង់​នៃសេចក្ដីទុកសោកស្មើ​ដូចគ្នា។ ចម្រើន​មេត្តា​ចិត្តគិតអាណិត​ករុណា ប្រណី​ដល់សព្វសត្វលោក រួម​រស់​នៅ​ក្នុង​ភាពមេត្រី ស្រឡាញ់ ប្រកប​ដោយចិន្តា​ថ្លា​បរិសុទ្ធ អាចរួមរស់​នៅ​ក្នុងសង្គម​គ្រួសារ សង្គមជាតិ សង្គមលោក ដោយសមធម៌ មិនប្រកាន់រើសអើង តម្កើងខ្លួន មិនមើលងាយដល់អ្នកដទៃ។


ពាក្យ​ថា​គុណធម៌ គឺសេចក្ដី​ល្អ​នេះ មានច្រើន​ប្រការណាស់ តាមព្រះពុទ្ធសម្រាស់​នៃ​ព្រះបរមសាស្ដាសម្មាសម្ពុទ្ធ​ជាម្ចាស់ គឺ​ជា​សភាវធម៌ ជានាមធម៌​សុទ្ធសាធ តែជាគុណជាតិ​មានតម្លៃ​ក្រៃពេកណាស់ ដែលមនុស្សគ្រប់រូប ត្រូវព្យាយាម​ខំសន្សំ ឲ្យកើតមានក្នុងសន្ធសន្តាន ដើម្បី​ឲ្យ​បាន​ជាមនុស្ស នាម​ពីរោះ ឈ្មោះ​ថា​ជាអ្នកមានគុណ មានសេចក្ដីល្អ មានតម្លៃដោយពិត។

សមដូចពាក្យ​ថា វត្ថុ សម្ភារៈ​ដែល​ឈ្មោះ​ថាល្អ សំដៅ​យកត្រង់គុណភាព របស់​ឬ​វត្ថុ​ណាដែលមានគុណភាពល្អ វត្ថុឬ​របស់​នោះ រមែងជាទីពេញនិយម​នៃអ្នកផងទាំងពួង និងជារបស់​ដែល​មានតម្លៃខ្ពស់ ផ្ទុយ​អំពីវត្ថុ​ដែលខ្វះគុណភាព ទោះបី​ជា​ល្អដោយពណ៌ សណ្ឋាន​រាងរៅ​យ៉ាងណា ក៏គ្រាន់​តែបានបង្ហាញ បង្អួតសម្រស់ខាងក្រៅ មួយពេល មួយខណៈ​ប៉ុណ្ណោះ ពុំអាច​ប្រើប្រាស់ ឬរក្សា​សម្រាប់ពណ៌នោះឲ្យ​ឋិតថេរ​ចិរកាល​បានយូរ​នោះ​ទេ។

ចំណែក​ឯមនុស្ស ក៏មិនខុស​គ្នាដែរ ដែលអាច​កំណត់​កត់សម្គាល់​បានថាជាមនុស្សល្អជាមនុស្សគួរ​គោរព​កោតក្រែង​ជាមនុស្សប្រកប​ដោយកិត្តិយស​ខ្ពស់ខ្ពស់ប្រសើរ គឺសំដៅ​យក​មនុស្ស​ដែលមានគុណធម៌ ទើបធ្វើឲ្យមានការគោរព​កោតក្រែង លើកកម្ពស់​ឲ្យតម្លៃ ទាំងក្នុងទីជិត​ទីឆ្ងាយ ទាំងនៅចំពោះ​មុខ និងកំបាំងមុខ​បានដោយពិត។

ដកស្រង់ចេញពីសៀវភៅ គុណមាតាបិតា
រៀប​រៀង​ដោយ ឧបាសក ម៉ិញ សាវ៉ាន

ដោយ​៥០០០​ឆ្នាំ
 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
Articles you may like
Public date : 20, Oct 2021 (76,298 Read)
មាន​សម្បត្តិ​តែ​ក្របុណ្យ
Public date : 29, Jul 2019 (21,717 Read)
រាត្រី​ទឹក​ភ្នែក​ហូរ​ជ្រែក​ភ័ក្ត្រ​ម៉ែ
Public date : 08, Dec 2022 (56,209 Read)
សូមឲ្យមានធម៌​ទាំង ៤ យ៉ាងនេះគ្រប់ៗគ្នា
Public date : 29, Jul 2019 (19,791 Read)
បុណ្យចូលឆ្នាំថ្មី
Public date : 27, Jul 2019 (21,514 Read)
អំពី​ការ​បក​សករាជ
Public date : 28, Jul 2019 (75,857 Read)
លក្ខណៈ​ទិស​ដៅ
© Founded in June B.E.2555 by 5000-years.org (Khmer Buddhist).