Reading Article
Public date : 06, Nov 2021 (18,368 Read)
តើអ្វីគឺជាការយកព្រះរតនត្រ័យជាទីពឹងទីរលឹក?
|
|
|
តើអ្វីគឺជាការយកព្រះរតនត្រ័យជាទីពឹងទីរលឹក?
ការយកជាទីពឹងគឺជាកន្លែងមួយ ដែលមនុស្សដើរទៅរកពេលពួកគេកង្វល់ទុក្ខព្រួយ ឬពេលពួកគេត្រូវការភាពជាសុខ និងប្រាសចាកការភិតភ័យ ។ មានការយកជាទីពឹងទីរលឹកច្រើនយ៉ាងណាស់ ។ ពេលមនុស្សមិនសប្បាយចិត្ត ពួកគេយកមិត្តភក្តិជាទីពឹងទីរលឹក ពេលពួកគេព្រួយកង្វល់នឹងភ័យខ្លាច ពួកគេអាចនឹងយកទីពឹងទីរលឹកក្នុងក្តីសង្ឃឹម និងជំនឿមិនពិត ។ ពេលគេចូលដល់ទីអវសាន ពួកគេអាចនឹងយកជំនឿនៅក្នុងឋានសួគ៌អមតៈជាទីពឹងទីរលឹក ។ តែតាមដែលព្រះពុទ្ធអង្គបរមគ្រូបានត្រាស់វត្ថុទាំងអស់នោះ មិនមែនជាទីពឹងទីរលឹកពិតប្រាកដឡើយ ពីព្រោះពួកគេមិនបានផ្តល់ឲ្យនូវភាពសុខស្រួលនិងទីជ្រកភ័យ ដែលអាស្រ័យលើសភាវៈពិត ។ ដោយពិត ទាំងអស់នេះ មិនមែនជាទីពឹង ទីរលឹកដ៏ប្រសើរឡើយ មិនមែនជាទីពឹងដ៏ឧត្តុង្គឧត្តមជាទីពឹងទីរលឹក ដែលគ្មាននរណាម្នាក់អាចចេញចាកផុតពីសេចក្តីទុក្ខបានតែយកទីពឹងទីរលឹកក្នុង ព្រះពុទ្ធ ព្រះធម៌ និងព្រះសង្ឃហើយចាក់ធ្លុះនូវធម៌ពិតប្រាកដ, នូវអរិយសច្ច ៤ នូវទុក្ខ, នូវហេតុនៃទុក្ខនូវការរលត់ទុក្ខនិងអរិយមគ្គប្រកបដោយអង្គ ៨ ដែលនាំទៅរកការរលត់នូវទុក្ខនេះគឺពិតជាទីពឹងដ៏ប្រសើរបំផុត វាជាទីពឹងដ៏ឧត្តុង្គឧត្តម វាជាទីពឹងដែលមនុស្សម្នាក់អាចចេញចាកទុក្ខបាន ។ ការយកព្រះពុទ្ធជាទីពឹង គឺជាការទទួលយកដោយជឿទុកចិត្តនូវហេតុការណ៍ដែលមនុស្សម្នាក់អាចក្លាយជាអ្នកត្រាស់ដឹងនិងសុក្រឹតភាពយ៉ាងពេញលេញបានដូចគ្នា ដែលព្រះពុទ្ធបរមគ្រូធ្លាប់បានទទួល ។ ការយកព្រះធម៌ជាទីពឹងទីរលឹកមានន័យថាយល់នូវអរិសច្ច ៤ ហើយអាស្រ័យលើជីវិតមនុស្សម្នាក់ ដែលស្ថិតលើអរិយមគ្គប្រកបដោយអង្គ ៨ ។ ការយកព្រះសង្ឃជាទីពឹងទីរលឹក មានន័យថា សម្លឹងការជួយណែនាំការទាក់ទាញ និងការដឹងនាំរបស់ព្រះសង្ឃទាំងឡាយ ដែលបដិបត្តិទៅតាមមាគ៌ាអរិយមគ្គប្រកបដោយអង្គ ៨ ។ ការធ្វើ ដូច្នេះ មនុស្សម្នាក់ ៗ អាចក្លាយជាពុទ្ធសាសនិកជន ហើយបដិបត្តិតាមជំហានដម្បូងនៅលើមាគ៌ាឈានទៅរកព្រះនិព្វាន ។ ដកស្រង់ចេញពីសៀវភៅ បុញ្ញបទីប រៀបរៀងដោយៈ ព្រះសង្ឃវត្តរាជនិវេសនារាព្រះពន្លា វាយអត្ថបទដោយៈ ឧបាសក សូត្រ តុលា ដោយ៥០០០ឆ្នាំ |
