Reading Article
Public date : 30, Nov 2022 (4,399 Read)
នេមិរាជចរិយា
|
|
|
នេមិរាជចរិយា
កាលដែលតថាគតកើតជចាស្តេចធំឈ្មោះនេមិ ជាបណ្ឌិត អ្នកត្រូវការដោយកុសល នៅ ក្នុងក្រុងដ៏ប្រសើរឈ្មោះមិថិលា ។ កាលនោះតថាគតបានឲ្យគេ ស្ថាបនាសាលាបួនខ្នង មានមុខ ៤ ហើយញុំាងទានឲ្យប្រព្រឹត្តទៅដល់ពួកម្រឹគបក្សីនិងមនុស្សជាដើម ក្នុងសាសនានោះ ។ តថាគតបានធ្វើនូវសម្ពត់សម្រាប់ស្លៀកដណ្តប់ ទីដេក បាយ ទឹកនិងភោជន ឲ្យជារបស់ប្រព្រឹត្តទៅមិនដាច់ ហើយញុំាងមហាទាន ឲ្យប្រព្រឹត្តទៅ ។ សេវកាមាត្យ ចូលទៅរកចៅហ្វាយនាយ ព្រោះហេតុចង់បានទ្រព្យ ហើយស្វែងរកហេតុ ដែលគួររីករាយ ដោយកាយឬវាចាចិត្ត ( ផ្គាប់ចិត្តចៅហ្វាយនាយ ) យ៉ាងណា ។ តថាគតនឹងស្វែងរកពូជនៃពោធិញ្ញាណក្នុងភពទាំងពួង ញុំាងសត្វឲ្យស្កប់ស្កល់ដោយទាន ហើយប្រាថ្នានូវពោធិញ្ញាណដ៏ឧត្តម យ៉ាងនោះឯង ។ ដកស្រង់ចេញពីសៀវភៅ បារមីកថា ពុទ្ធបទាន រៀបរៀងដោយៈ មុនីកោសល្យ នៅ ហៃឡុង វាយអត្ថបទដោយៈ ឧបាសក សូត្រ តុលា ដោយ៥០០០ឆ្នាំ |
