Tueday, 07 Feb B.E.2566  
ស្តាប់ព្រះធម៌ (mp3)
ការអានព្រះត្រៃបិដក (mp3)
​ការអាន​សៀវ​ភៅ​ធម៌​ (mp3)
កម្រងធម៌​សូត្រនានា (mp3)
កម្រងបទធម៌ស្មូត្រនានា (mp3)
កម្រងកំណាព្យនានា (mp3)
កម្រងបទភ្លេងនិងចម្រៀង (mp3)
ព្រះពុទ្ធសាសនានិងសង្គម (mp3)
បណ្តុំសៀវភៅ (ebook)
បណ្តុំវីដេអូ (video)
Recently Listen / Read
Notification
Live Radio
Kalyanmet Radio
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
Metta Radio
ទីតាំងៈ ខេត្តបាត់ដំបង
ម៉ោងផ្សាយៈ ២៤ម៉ោង
Radio Koltoteng
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌ (ភ្នំពេញ)
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Radio RVD BTMC
ទីតាំងៈ ខេត្តបន្ទាយមានជ័យ
ម៉ោងផ្សាយៈ ២៤ម៉ោង
វិទ្យុរស្មីព្រះអង្គខ្មៅ
ទីតាំងៈ ខេត្តបាត់ដំបង
ម៉ោងផ្សាយៈ ២៤ម៉ោង
Punnareay Radio
ទីតាំងៈ ខេត្តកណ្តាល
ម៉ោងផ្សាយៈ ៤.០០ - ២២.០០
មើលច្រើនទៀត​
All Visitors
Today 241,307
Today
Yesterday 203,479
This Month 1,491,071
Total ២៩៩,៨៥៤,២៨២
Flag Counter
Online
Reading Article
Public date : 30, Jul 2019 (8,086 Read)

អ្វីដែល​​កើត​គឺត្រូវ​តែ​​មាន



 
អ្វីដែល​​កើត​គឺត្រូវ​តែ​​មាន

អ្វីដែលកើតគឺត្រូវតែមាន  នេះជាប្រធានបទនៃការសុខ ចិត្ត ។ យើងតែង​តែទាស់​ចិត្តនឹងរឿងនេះ រឿងនោះ ដោយគិតថា អ្នកដទៃជាអ្នកធ្វើ តែ​តាម​ពិត អ្វី​​ដែល​កើត​មាន​នោះ ព្រះ​​ស​​ម្មា​សម្ពុទ្ធ​ទ្រង់​ប្រឹង​ប្រែង​​សម្តែង​​អស់ ៤៥ ព្រះ​វស្សា ដើម្បី​​ឱ្យ​​ដឹង​ថា ជាធម៌​ពិត ។

ក្នុង​លោក​នេះ ជីវិតនេះ តើយើង​ធ្វើអ្វី​បាន ធ្វើ​ភ្នែក ធ្វើ​ត្រចៀក ធ្វើវិញ្ញាណ​ដឹង​អារម្មណ៍ ធ្វើសុខ ធ្វើទុក្ខ តើធ្វើបាន ទេ ? ម៉្យាង​ទៀត រហូតមកនេះ យើង​ទាមទារអ្វីបានខ្លះ អត់​ចាស់ អត់​ឈឺ អត់​​ស្លាប់ អត់​ព្រាត់​ពីអ្វី​ជាទី​ពេញ​ចិត្ត រស់​នៅ​មាន​តែ សេចក្តីសុខ ៘ តើ​ទាម​​ទារ​បាន​ទេ ? ព្រះ​ពុទ្ធ​​ត្រាស់​ដឹង​សម្តែង ព្រះ​ធម៌ តើយើង​នៅ​​មិន​ដឹង​ការ​ពិត​​នៃ​លោក​នេះដល់​ណាទៀត ទាម​ទារ​អ្វីពីលោក​នេះទៀត ។


រាល់ពេលដែលទាស់ចិត្ត សុទ្ធតែកើតអំពីការទាមទារ ការ ជាប់ជំពាក់ និង ការ​​សម្គាល់​ថាខ្លួន​ឯង​​គ្រាន់​បើ​ទាំង​អស់ ។ បុគ្គល ដែលស្គាល់​លោកនេះ​តាម​ពិត គឺមិន​ប្រកាន់​អ្វី​ថា​ជា​ខ្លួន ថា​ជា របស់​ខ្លួន ការ​មិនប្រកាន់​នេះជាទី​ពឹងនៃ​បុគ្គលនោះ ម៉្លោះ​ហើយ បុគ្គលនោះ រមែងជាបុគ្គលស្លូត មិនមាន​ពិស​កំណាច​គឺការប្រកាន់ មាន​តែ​ចិត្ត​អនុ​គ្រោះ សន្តោស​ប្រោសប្រណី ។

លោកនេះជាអនត្តា មិនស្តាប់បង្គាប់អ្នកណា មិនតាមអ្នក ណាទាម​ទារអ្វី​ទាំង​អស់ លោក​នេះ ប្រព្រឹត្ត​ទៅ​តាមតែបច្ច័យរបស់ ខ្លួនប៉ុណ្ណោះ។ បើយើង​មិន​ប្រកាន់​ជា​មួយ​នឹង​លោក​នេះ​ទេ លោក នេះក៏​អត់​មក​ធ្វើ​អ្វីយើង​ដែរ តែ​បើ​​យើង​​ប្រកាន់​​វា​ជាទុក្ខកង្វល់ ចង្អៀតចង្អល់ អផ្សុក ព្រោះតែការ​ប្រកាន់​ខ្លួន​ឯង លោក​នេះ​នៅ តែ​ប្រព្រឹត្ត​ទៅតាម​បច្ច័យ​​រ​​​​បស់ខ្លួន និង ជាសង្ខារ​លោក​ កើត ហើយ​​វិនាសបាត់ទៅវិញជាធម្មតា ។

បើលោក​នេះ ប្រព្រឹត្តទៅតាមតែបច្ច័យដូច្នេះ តើត្រូវ ទាមទារ​រក​យុត្តិ​ធម៌​យ៉ាង​ដូច​ម្តេច​ទៀត ? លោកនេះ មិន​ដែល លំអៀង​ពីការពិតឡើយ ។

ធម៌ពិតទាំងអស់មានប្រាកដក្នុងលោក ៦ ដាច់ដោយឡែក អំពីគ្នា ជា​បរមត្ថ​ផ្សេង​គ្នា សូន្យចាកសត្វបុគ្គលតួខ្លួន ។ ក្នុងបិដក លេខ ៥៤,ទំព័រ ៥៦ ហេម​វត​​យក្ស ទូលសួរ​ធម៌ព្រះដ៏មានព្រះភាគ ថា ព្រោះអ្វីកើតឡើង ទើប​លោក​កើត លោកធ្វើសេចក្តីស្និទ្ធស្នាល ក្នុងអ្វី លោកប្រកាន់នូវអ្វី ព្រោះមាន​អ្វីទើប​លោក​លំបាក ។ ព្រះដ៏មាន​ព្រះភាគទ្រង់​ត្រាស់តបថា៖

ឆសុ លោកោ សមុប្បន្នោ ឆសុ កុព្វតិ សន្ថវំ
ឆន្នមេវ ឧបាទាយ ឆសុ លោកោ វិហញ្ញតិ។

ព្រោះអាយតនៈ ៦ កើតឡើង ទើបលោកកើត លោកធ្វើ សេចក្តី​ស្និទ្ធ​​ស្នាល​ក្នុង​អាយ​តនៈ ៦ លោក​ប្រកាន់​នូវ​អាយតនៈ ៦ ព្រោះអាយតនៈ ៦ មាន ទើប​លោក​លំបាក ។

ទោះជាពោលថា សត្វលោក ឬសម្បត្តិទាំងពួង ផ្ទះសំបែង ដីធ្លីស្រែចម្ការ មាន​​លាភ មានយសជា​ដើមយ៉ាងណា កាល​បើ រលឹក​ដល់អ្វីដែលមានពិត គឺអ្វីដែល​​កើត​ក្នុង​អាយតនៈ ៦ ប៉ុណ្ណោះ ទោះជាសប្បាយនឹងសម្បត្តិ លាភ​យស​​យ៉ាង​ណា មិនផុតពីការ ឃើញរូប ឮសំឡេងជាដើមឡើយ ទោះជា​ប្រកាន់​​ក្នុង​រឿងអ្វី ក្នុង បុគ្គលណា ពេលនោះ ភ្លេចចោលធម៌ពិត មិនមាន​សតិរលឹក មិន បានសិក្សា ទើបលំបាកចិត្ត ក្តៅក្រហាយ ទុក្ខព្រួយ ។

បដិបត្តិធម៌ គឺសតិរលឹកដឹងបាននូវធម៌ដែលមានពិត កំពុង ប្រាកដ​ក្នុង​លោក​​ ៦ ។ ធម៌ពិតក្នុងលោក ៦ នេះ ត្រូវបានបិទបាំង ដោយ​អវិជ្ជា​អស់​មួយ​សង្សារវដ្តមកហើយ គឺចក្ខុវិញ្ញាណកើតឡើង យើងឃើញ សោត​វិញ្ញាណ​កើត​ឡើង យើងឮ ឃានវញ្ញិណាកើត ឡើង យើងធុំក្លិន ជីវវិ​ញ្ញាណ​កើត​ឡើង ​យើងដឹងរស កាយ​ វិញ្ញាណ​កើតឡើង យើង​ដឹងផោដ្ឋព្វៈ មនោ​វិញ្ញាណ​​កើតឡើង យើង​ដឹង យើងគិត យើងយល់ ម៉្លោះហើយ មានតែ​ការ​វង្វេង​ក្នុង លោកប៉ុណ្ណោះ វង្វេង​ស្រឡាញ់ វង្វេងស្អប់ ចោល​ធម៌ពិតដែល ព្រះពុទ្ធទ្រង់​ត្រាស់សម្តែង ៤៥ ព្រះវស្សា ។

ដកស្រង់​ចេញ​ពី​សៀវភៅ ជំនួយ​សតិ​ភាគ១៦ 
រៀប​រៀង​​ដោយ​ អគ្គ​បណ្ឌិត ធម្មាចារ្យ​ ប៊ុត-សាវង្ស​ ។

ដោយ​៥០០០​ឆ្នាំ
 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
Articles you may like
Public date : 21, Jul 2021 (20,177 Read)
ជីវិត​ដែល​ផ្ញើ​ទុកចាំមួយធម៌ មាន​សភាព​ជា​អមតៈ
Public date : 06, Nov 2021 (48,274 Read)
យោនិសោមនសិការជាអ្វី?
Public date : 06, Jul 2021 (20,614 Read)
ការ​កសាង​កម្លាំង​ចិត្ត​រឹង​មាំ
Public date : 03, Oct 2013 (11,856 Read)
ចូរ​សម្គាល់​កាយ​នេះ ថា​ដូច​ជា​រថ
Public date : 27, Jul 2019 (15,975 Read)
ភ័យ​ ៤​​ យ៉ាង​
Public date : 28, Jul 2019 (9,173 Read)
ផ្លូវ​បុណ្យ​កុសល
Public date : 20, Oct 2021 (22,887 Read)
អប់រំ​ចិត្ត​ឲ្យ​ស្ងប់
Public date : 09, Jan 2022 (68,765 Read)
ឥរិយាបថ​ល្អ​ក្នុង​ទីវត្ត​អារាម
Public date : 22, Jan 2023 (26,346 Read)
គុណសម្បត្តិនាំឲ្យមានការគោរព
© Founded in June B.E.2555 by 5000-years.org (Khmer Buddhist).