Reading Article
Public date : 29, Jan 2021 (38,958 Read)
នារីគ្រប់លក្ខណ៍
|
|
|
នារីគ្រប់លក្ខណ៍
យើងជាស្រីណាកូន ត្រូវតែសុភាពរាបសាជានិច្ចដើម្បីលើកតម្កើងសង្គមរបស់យើង ដែលដូនតារបស់យើងខំរក្សាទុកជាយូរមកហើយជាប្រពៃណីដែលល្អសម្រាប់បន្សល់ឲ្យកូនស្រីប្រុសជាអ្នកថែរក្សា។ នារី ដែលប្រកបដោយលក្ខណៈ ៣១ ប្រការហៅថា ស្ត្រីគ្រប់លក្ខណ៍គឺមិនចេះអេចអូច និយាយដើមគួរ ១ ចេះគួរសមទទួលមាតាបិតា និងស្វាមី ១ ដឹងគុណ តបគុណមាតាបិតាញាតិសន្ដានទាំងសងខាង ១ មិនចេះដេកថ្ងៃ ១ មិនវង្វេងភ្លេចមុខភ្លេចក្រោយ ១ ចេះថែទាំរបស់ទ្រព្យ ១ មិនផឹកក្បត់ចិត្តស្វាមី ១ មិនចេះប្រចណ្ឌស្វាមី ១ គ្មានកលមាយា ១ មិនរំសាយសក់ឲ្យគេឃើញ ១ មានចិត្តអត់ធន់ធ្ងន់ធ្ងរ ១ មានជើងស្រាលមិនតន្រ្តំក្ដុងក្ដាំង ១ មិនឈរ ឬអង្គុយសម្ងាចកាយឲ្យគេឃើញ ១ មិនដើរកាចរាង ១ ចេះសង្រួមភ្នែកមិនក្រឡេមក្រឡឺម ១ មានដំណើរល្អមិនគ្រលែងកាយទយគូទ ១ មិនបង់បោយញាក់ស្មាគ្រលែងជើងដៃ ១ មានសម្លេងតិចច្បាស់លាស់ ១ មិនចេះឡេះឡោះលេងសើច ១ មិននិយាយផ្ដោះផ្គងចំពោះបុរស ១ មិនទម្រន់ក្នុងការងារ ធ្វើទាន់តែហើយក្នុងការងារនោះ ១ ទៅណាឆាប់ត្រឡប់មកវិញ ១ ចេះទុកដាក់អីវ៉ាន់ក្នុងពេលគួរទុកដាក់ ១ ចេះរៀបចំផ្ទះសំបែងឲ្យសមរម្យ ១ ចេះតុបតែងគ្រឿងឧបភោគ ១ ខ្លាចចិត្តស្វាមីមាតាបិតា ហើយគោរពតាមឱវាទ ១ បរិភោគចំណីអាហារក្រោយមាតាបិតានិងស្វាមី ១ ឈប់បរិភោគ មុនមាតាបិតានិងស្វាមី ១ ចូលដេកក្រោយស្វាមី ១ ភ្ញាក់មុនស្វាមី ១ មានមេត្តាករុណាចេះធ្វើបុណ្យ ទាន ១។ ស្ត្រីដែលប្រកបដោយលក្ខណៈគ្រប់ពេញលេញហៅថាស្ត្រីគ្រប់លក្ខណ៍។ លក្ខណៈស្ត្រីគ្រប់លក្ខណ៍ដូចខាងលើនេះ បើតាមសម័យបច្ចុប្បន្ននេះឃើញថា លក្ខណៈខ្លះហួសម័យទៅហើយ ប៉ុន្តែទោះបីជាយ៉ាងណាក៏ដោយ បើស្ត្រីណាប្រកបដោយលក្ខណៈដូចបាននិយាយ គោលៗក្នុងទីនេះស្ត្រីនោះគួររាប់ថាជាមនុស្សស្រីគ្រប់លក្ខណ៍បានដោយបរិបូណ៌។ ដកស្រង់ចេញពីសៀវភៅ ក្តីសង្ឃឹមអ្នកមានគុណ ដោយ៥០០០ឆ្នាំ |
