Reading Article
Public date : 28, Jul 2019 (15,420 Read)
ការនិយាយស្ដី
|
|
|
មនុស្សគ្រប់រូបដែលកើតមកក្នុងលោក រមែងមានការទាក់ទងគ្នាដោយពាក្យនិយាយពាក្យនិយាយមានអំណាចក្រៃលែង កូនត្រូវយល់ដូចតទៅៈ
១. ពាក្យនិយាយអាចដូរផ្លាស់ហេតុអាក្រក់ ឲ្យក្លាយមកជាហេតុល្អបាន ។ ២. ពាក្យនិយាយអាចដូរផ្លាស់មនុស្សដែលមានទុក្ខឲ្យភ្លេចទុក្ខបាន ។ ៣. ពាក្យនិយាយអាចដូរផ្លាស់មនុស្សខ្ជិល ឲ្យមកជាអ្នកមានព្យាយាមបាន ។ ៤. ពាក្យនិយាយ អាចផ្លាស់ដូរផ្លាស់មនុស្សដែលកំពុងមានកង្វល់ ឲ្យជាមនុស្សស្ងប់បាន ។ ៥. ពាក្យនិយាយអាចដូរផ្លាស់មនុស្សចចេសរឹងរូសឲ្យត្រឡប់មកជាមនុស្សប្រដៅងាយបាន ។ ៦. ពាក្យនិយាយ អាចដូរផ្លាស់ មនុស្សដែលខូចសតិឲ្យមានសតិវិញបាន ។ ៧. ពាក្យនិយាយអាចធ្វើឲ្យមនុស្សឈ្លោះគ្នា ទៅជាល្អនឹងគ្នាបាន ។ ចំពោះពាក្យនិយាយនេះ រមែងមានអំណាចដូចគ្នាដែរ គឺអាចនិយាយឲ្យមនុស្សខូចប្រយោជន៍ និយាយទម្លាយនូវសេចក្តីសុខចម្រើនរបស់អ្នកដទៃបានគ្រប់យ៉ាងដូច្នេះកូនត្រូវបដិបត្តិក្នុងការនិយាយឲ្យបានហ្មត់ចត់ កូនត្រូវហាត់និយាយនៅក្នុងវាចាល្អ ៥យ៉ាងៈ ១ និយាយពាក្យពិត មិននិយាយឡេះឡោះ
២ និយាយពាក្យពិរោះ មិននិយាយញុះញង់ ៣ និយាយត្រឹមត្រូវតាមកាលៈទេសៈ ៤ និយាយឲ្យបានប្រយោជន៍ដល់អ្នកស្តាប់ ៥ និយាយដោយចិត្តមេត្តា ប្រាថ្នាឲ្យអ្នកដទៃបាននូវសេចក្តីសុខ ឬនិយាយដោយចិត្តសប្បុរស ស្មោះត្រង់មិននិយាយរបៀប ព្រួសពិសដាក់អ្នកដទៃឡើយ ។ អត្ថបទនេះដកស្រង់ចេញពីសៀវភៅៈ កូនមាសឪពុក រៀបរៀងដោយៈ អគ្គបណ្ឌិត ធម្មាចារ្យ ប៊ុត សាវង្ស វាយអត្ថបទដោយៈ កញ្ញា ជា ម៉ានិត ដោយ៥០០០ឆ្នាំ |
