30
Thursday, 28 Mar B.E.2567  
ស្តាប់ព្រះធម៌ (mp3)
ការអានព្រះត្រៃបិដក (mp3)
ស្តាប់ជាតកនិងធម្មនិទាន (mp3)
​ការអាន​សៀវ​ភៅ​ធម៌​ (mp3)
កម្រងធម៌​សូធ្យនានា (mp3)
កម្រងបទធម៌ស្មូត្រនានា (mp3)
កម្រងកំណាព្យនានា (mp3)
កម្រងបទភ្លេងនិងចម្រៀង (mp3)
បណ្តុំសៀវភៅ (ebook)
បណ្តុំវីដេអូ (video)
Recently Listen / Read






Notification
Live Radio
Kalyanmet Radio
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
Metta Radio
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Radio Koltoteng
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Radio RVD BTMC
ទីតាំងៈ ខេត្តបន្ទាយមានជ័យ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌ (ភ្នំពេញ)
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Mongkol Panha Radio
ទីតាំងៈ កំពង់ចាម
ម៉ោងផ្សាយៈ ៤.០០ - ២២.០០
មើលច្រើនទៀត​
All Counter Clicks
Today 79,287
Today
Yesterday 164,507
This Month 6,077,088
Total ៣៨៥,៣៦៣,៧៨១
Reading Article
Public date : 06, May 2023 (26,296 Read)

សេច​ក្តី​ជ្រះ​ថ្លា​ជា​មេ​បណ្តុះ​សម្បត្តិ​លោកិយ​និង​លោក​កុត្តរ



 
រឿង​ទុត្ត​បុរស
(ចាក ធ. ខុ.)
(សេច​ក្តី​ជ្រះ​ថ្លា​ជា​មេ​បណ្តុះ​សម្បត្តិ​លោកិយ​និង​លោក​កុត្តរ)


ក្នុង​កាល​ដែល​កន្លង​ទៅ​ហើយ​ ព្រះ​សម្មា​សម្ពុទ្ធ​ព្រះ​នាម​កស្សបៈ​ មាន​ព្រះ​ខី​ណា​ស្រព​ ២០​ពាន់​អង្គ​ជា​បរិវារ ស្តេច​យាង​ទៅ​កាន់​ក្រុង​ពារាណសី មនុស្ស​ទាំង​ឡាយ​បាន​កំណត់​ធនធាន​តាម​កំលាំង​ខ្លួន ចូល​គ្នា​៨​នាក់​ខ្លះ ១០​នាក់​ខ្លះ​ថ្វាយ​អាគន្តុក​ទាន​ជា​ដើម ។

ថ្ងៃ​មួយ​ក្នុង​ទី​បំផុត​ភត្ត​កិច្ច​ព្រះ​សាស្តា​ធ្វើ​អនុមោទនា​ថា ឧបាសក​ ឧបាសិកា​ ទាំង​ឡាយ ! បុគ្គល​​មួយ​ពួក​​​ ខ្លួន​ឯង​ក៏​មិន​បាន​ឲ្យ​ ទាំង​មិន​បាន​បបួល​អ្នក​ដទៃ​ផង​ បុគ្គល​នោះ​ទៅ​កើត​ក្នុង​ទី​ណា​ៗ ភោគ​សម្បត្តិ​ក៏​គ្មាន​ បរិវារ​សម្បត្តិ​ក៏​គ្មាន ជា​អ្នក​រស់​នៅ​ដោយ​ការ​ស៊ី​វត្ថុ​ជា​សំណល់​គេ ។ បុគ្គល​មួយ​ពួក​ទៀត ឲ្យ​ទាន​ខ្លួន​ឯង​ផង បបួល​អ្នក​ដទៃ​ផង បុគ្គល​នោះ​កើត​ក្នុង​ទី​ណា​ៗ រមែង​បាន​ភោគ​សម្បត្តិ​ផង បរិវារ​សម្បត្តិ​ផង ។

បណ្ឌិត​បុរស​ម្នាក់​អង្គុយ​ស្តាប់​ធម៌​ក្បែរ​នោះ​គិត​ថា អញ​នឹង​ធ្វើ​ឲ្យ​បាន​សម្បត្តិ​ទាំង​ពីរ​យ៉ាង​នេះ ទើប​ថ្វាយ​បង្គំ​ព្រះ​សាស្តា​ទូល​ថា បពិត្រ​ព្រះ​អង្គ​ដ៏​ចំរើន ថ្ងៃ​ស្អែក​នេះ សូម​ទ្រង់​ទទួល​ភិក្ខារ (បាយ) របស់​ខ្ញុំ​ព្រះ​អង្គ ។ ព្រះ​សាស្តាត្រាស់​ថា អ្នក​ត្រូវ​ការ​ដោយ​ភិក្ខុ​ប៉ុន្មាន? បពិត្រ​ព្រះ​អង្គ​បរិវារ​ទ្រង់​មាន​ប៉ុន្មាន? មាន​២០​ពាន់​រូប ។ សូម​និមន្ត​ទាំង​អស់ ។ ព្រះ​សាស្តា​ក៏​ព្រម​ទទួល ។

បុរស​នោះ​ចូល​ទៅ​ក្នុង​ស្រុក ស្រែក​អំពាវ​នាវ​ថា បពិត្រ​លោក​អ្នក​ទាំង​ឡាយ ខ្ញុំ​បាន​និមន្ត​ព្រះ​ភិក្ខុ​សង្ឃ មាន​ព្រះ​ពុទ្ធ​ជា​ប្រធាន​មក​ទទួល​ភត្ត​ក្នុង​ថ្ងៃ​ស្អែក លោក​អ្នក​ទាំង​ឡាយ ត្រូវ​ការ​ភិក្ខុ​ប៉ុន្មាន​អង្គ សូម​ចាត់​ចែង​ទាន​ប្រគេន​តាម​គាប់​អាធ្យា​ស្រ័យ​ចុះ មនុស្ស​ទាំង​ឡាយ​ក៏​ទទួល​ថា យើង​ដល់​ភិក្ខុ​១០​អង្គ​​ ២០អង្គ​ ៣០អង្គ ១០០អង្គ ខ្លះ​ទៀត ​៥០០​អង្គ ទើប​បុរស​បណ្ឌិត​នោះ​ស្រង់​ឈ្មោះ​ចុះ​ក្នុង​បញ្ជី ។

ក្នុង​នគរ​នោះ មាន​បុរស​ម្នាក់ ដែល​ជន​ទាំង​ឡាយ​ស្គាល់​ឈ្មោះ​ថា មហាក្រ (ក្រណាស់) បណ្ឌិត​បុរស​ បាន​ឃើញ​អ្នក​មហាក្រ​នោះ​មក​ដល់​ចំពោះ​មុខ​ខ្លួន ក៏​ពោល​បបួល​ថា អ្នក​មហាក្រ​សម្លាញ់! ខ្ញុំ​បាន​និមន្ត​ព្រះ​ភិក្ខុ​សង្ឃ​មាន​ព្រះ​ពុទ្ធ​ជា​ប្រធាន មក​ទទួល​ភត្ត​នា​ថ្ងៃ​ស្អែក តើ​អ្នក​មាន​ត្រូវ​ការ​ភិក្ខុ​ប៉ុន្មាន​អង្គ? ហ៊ី​ខ្ញុំ​ក្រ​ណាស់​បាន​ច្រក​ព្រឹក​ខ្វះ​ល្ងាច បាន​ល្ងាច​ខ្វះ​ព្រឹក នឹង​ឲ្យ​ទាន​យ៉ាង​ម៉េច​បាន​ទុក​អ្នក​មាន​ទ្រព្យ​គេ​ឲ្យ​ចុះ ។

បណ្ឌិត​បុរស​ជា​មនុស្ស​ឆ្លាត​ក្នុង​ការ​បបួល​ទុក​ជា​ឮ​ពាក្យ​ថា​គ្មាន​ហើយ ក៏​នៅ​តែ​មិន​ស្ងៀម​ចេះ​តែ​ពោល​បបួល​ថា អ្នក​មហាក្រ​សម្លាញ់ ជន​ច្រើន​ក្នុង​នគរ​នេះ បរិ​ភោគ​ភោជន​ល្អៗស្លៀក​ពាក់​ល្អ​ស្រស់​បស់ ដេក​លើ​ដំណេក​មាន​សេរី សោយ​សម្បត្តិ ប្លែក​តែ​សម្លាញ់​ស៊ី​ឈ្នួល​ជួល​ព័ទ្ធ​គេ​រាល់​ថ្ងៃ នៅ​ត្អូញ​ថា​ស៊ី​មិន​គ្រប់​គ្រាន់​ប្រហែល​ជា​អ្នក​មិន​ដឹង​ថា កាល​ពី​ដើម​អញ​គ្មាន​បាន​ឲ្យ​ទាន​សោះ​ទេ​ឬ? ខ្ញុំ​ក៏​មិន​ដឹង​យ៉ាង​នេះ​ដែរ ។

កាល​បើ​ដូច្នោះ​ម្តេច​អ្នក​មិន​ធ្វើ​បុណ្យ​ក្នុង​ពេល​នេះ? អ្នក​ជា​មនុស្ស​កំលោះ មាន​កំលាំង​ពលំ​គ្រប់​គ្រាន់ ស៊ី​ឈ្នួល​គេ​ហើយ​យក​កម្រៃ​នោះ​មក​ធ្វើ​បុណ្យ​មិន​គួរ​ឬ? អ្នក​មហាក្រ​ បណ្ឌិត​នោះ​និយាយ​យ៉ាង​នេះ​រឿយ​ៗ ក៏​កើត​សេចក្តី​សង្វេគ ហើយ​ព្រម​ទទួល​ភិក្ខុ​មួយ​អង្គ​ឲ្យ​ឆាន់​ក្នុង​ថ្ងៃ​ស្អែក​ទើប​ត្រឡប់​ទៅ​ផ្ទះ​ ប្រាប់​ភរិយា​ថា នែ​នាង​អ្នក​នគរ​គេ​ធ្វើ​ភត្ត​ប្រគេន​ព្រះ​សង្ឃ​ថ្ងៃ​ស្អែក​នេះ​អញ​មាន​បុរស​ម្នាក់​មក​បបួល​ថា ចូរ​អ្នក​ឲ្យ​ភត្ត​ដល់​ភិ​ក្ខុ​១​អង្គ​ទៅ​ យើង​នឹក​ចាត់​ចែង​ភត្ត​ប្រគេន​ភិក្ខុ​១​អង្គ ក្នុង​ថ្ងៃ​ស្អែក​នេះ ។

ឯ​ភរិយា​មិន​បាន​ពោល​ថា​យើង​ជា​អ្នក​ក្រ ម្តេច​ក៏​ស្តាប់​ពាក្យ​គេ? ទេ បែរ​ជា​ពោល​ថា បពិត្រ​ស្វាមី​ប្រពៃ​ណាស់​ហើយ យើង​ព្រោះ​តែ​មិន​បាន​ឲ្យ​ទាន​ពី​ជាតិ​មុន ទើប​ជាតិ​នេះ​យើង​ក្រ​រហេម​រហាម ខ្វះ​ព្រឹក​ខ្វះ​ល្ងាច​យ៉ាង​នេះ​ យើង​ទៅ​ ស៊ី​ឈ្នួល​គេ​យក​កម្រៃ​មក​ធ្វើ​ភត្ត​ប្រគេន​លោក​កុំ​ខាន ទើប​ដើរ​ទៅ​រក​ស៊ី​ឈ្នួល​គេ​ទាំង​ពីរ​នាក់​ប្តី​ប្រពន្ធ ។

មហាសេដ្ឋី​ឃើញ​អ្នក​មហាក្រ​ភ្លាម​សួរ​ថា អ្នក​មហា​ក្រ​សម្លាញ់​អ្នក​មក​ស៊ី​ឈ្នួល​ឬ? បពិត្រ​លោក មក​រក​ស៊ី​ឈ្នួល ។ អ្នក​នឹង​ធ្វើ​ការ​អ្វី​ហ្ន? បុរស​មហា​ក្រ​ប្រាប់​មហា​សេដ្ឋី​ដោយ​សំដី​ថា អ្នក​ទ័ល​ក្រ​ថា​លោក​ឲ្យ​ខ្ញុំ​ធ្វើ​ការ​អ្វី​ ខ្ញុំ​នឹង​ធ្វើ​ការ​នោះ​នោះ​តាម​បង្គាប់ ។ សេដ្ឋី​ក៏​ប្រើ​គេ​ឲ្យ​យក​កាំ​បិត​នឹង​ពូថៅ​មក​ឲ្យ​អ្នក​មហាក្រ​ដោយ​ពាក្យ​ថា ស្អែក​នេះ​យើង​ប្រគេន​ចង្ហាន់​ភិក្ខុ​ពីរ​បីរយ​អង្គ ចូរ​អ្នក​ពុះ​អុស​ចុះ​។ អ្នក​ក្រ​ចង​ក្បិន​យ៉ាង​មាំ ខ្នះ​ខ្នែង​ជា​បំផុត​ ដាក់​ពូថៅ​លើក​កាំបិត​មក​ពុះ​អុស​តាម​បង្គាប់។ សេដ្ឋី​សួរ​ថា សម្លាញ់​ម្តេច​ក៏​អ្នក​ខំ​ខ្លាំង​ម្ល៉េះ​ថ្ងៃ​នេះ? មាន​ហេតុ​យ៉ាង​ណា? បពិត្រ​លោក ស្អែក​ខ្ញុំ​ប្រគេន​ភត្ត​ដល់​ភិក្ខុ​មួយ​អង្គ​ដែរ ។​

សេដ្ឋី​គិត​ថា ឳ​អ្នក​មហាក្រ​នេះ​មាន​សទ្ធា​មុត​មាំ​ណាស់​តើ​មិន​គិន​ខ្លួន​ក្រ​លំបាក​សោះ ។ ថ្លែ​ពី​ភរិយា​សេដ្ឋី​ឃើញ​ប្រពន្ធ​អ្នក​មហាក្រ​ ក៏​សួរ​ថា ម្នាល​នាង! នាង​មក​ធ្វើ​ការ​អ្វី? ចា៎! លោក​ស្រី​ ឲ្យ​តែ​មាន​ការ​ខ្ញុំ​នឹង​ធ្វើ​ជូន​ទាំង​អស់ ។​ លោក​ស្រី​ក៏​បង្គាប់​ឲ្យ​យក​ចង្អេរ​និ​ង​អង្រែ​ជា​ដើម ចូល​ទៅ​ប្រកប​ការងារ​ក្នុង​រោង​ត្បាល់​ក្កឿង ។ នាង​នោះ​មាន​ចិត្ត​រីករាយ​ជា​មហិមា​ បុក ​បែន អុំ​ ស្ទៃ រោយ​ស្រូវ​ទាំង​ឡាយ​ហាក់​ដូច​ជា​គេ​រាំ ។

លោក​ស្រី​សួរ​ថា នាង​រីករាយ​ខ្លាំង​ម៉្លេះ មាន​ហេតុយ៉ាង​ណា? លោក​ស្រី​ ខ្ញុំ​មក​ធ្វើ​ការ​ឈ្នួល​នេះ គឺ​យក​កម្រៃ​ទៅ​ចាត់​ចែង​ភត្ត​ប្រគេន​ភិក្ខុ​មួយ​អង្គ​កក្នុង​ថ្ងៃ​ស្អែក​នេះ ។ សេដ្ឋី​បាន​ឲ្យ​អង្ករ​ស្រូច​សាលី​ ៤​នាឡិ​ជា​ឈ្នួល​៤​នាឡិ​ទៀត​ជា​រង្វាន់​នៃ​សេចក្តី​ត្រេក​អរ​ដល់​អ្នក​មហា​ក្រ​នោះ ។

ឯ​ភរិយា​សេដ្ឋី​បាន​ឲ្យ​ដប​ពេញ​ដោយ​ទឹក​ដោះ​ថ្លា​១ ភាជនៈ​ពេញ​ដោយ​ទឹក​ដោះ​ជូរ​១ គ្រឿង​ហឹរ​១ អង្ករ​ស្រូវ​សាលី​សុទ្ធ​មួយ​នាឡិ​ដល់​នាង​នោះ ។ ជន​ប្តី​ប្រពន្ធ​មាន​សេចក្តី​ត្រេក​អរ​ជា​ខ្លាំង​លាន់​មាត់​ថា យើង​បាន​ទ័យ​ធម៌​ហើយ​ទើប​ចូល​កាន់​សម្រាក​​លង់​លក់​ស្កប់​ស្កល់​ក្នុង​រាត្រី ។ វេលា​ព្រឹក​ព្រាង ក៏​ស្ទុះ​ក្រោក​ម្នី​ម្នា ឯ​ភរិយា​ពោល​ប្រាប់​ប្តី​ថា នែ! ល្មម​ទៅ​រក​បន្លែ​មក ។

អ្នក​មហា​ក្រ ដើរ​រក​មើល​ក្នុង​រាន​ផ្សារ ក៏​មិន​ឃើញ​មាន ហើយ​ដើរ​ហួស​ទៅ​កាន់​ឆ្នេរ​ស្ទឹង បេះ​បន្លែ​បណ្តើរ​ច្រៀង​បណ្តើរ​។ មាន​ព្រាន​ម្នាក់​កំពុង​បង់​សំណាញ់ ឮ​សំលេង​ច្រៀង​នោះ​គិត​ថា​នេះ​ជា​សំលេង​អ្នក​មហា​ក្រ​ទេ​តើ  ទើប​ប្រកូក​ហៅ​មក​សួរ​ថា ម្តេច​ក៏​ច្រៀង​សប្បាយ​ម្ល៉េះ​ មាន​ហេតុ​អ្វី​សម្លាញ់? ទេ! បេះ​បន្លែ​តើ ។ អើ​សម្លាញ់​បេះ​ធ្វើ​អី? យី​ព្រឹក​នេះ​ខ្ញុំ​ប្រគេន​ចង្ហាន់​លោក​មួយ​អង្គ ។ ព្រាន​ប្រមង់​ពោល​ថា​ឳ! ភិ​ក្ខុ​ណា​ឆាន់​បន្លែ​អ្នក ភិក្ខុ​នោះ​អស់​អាសវៈ​ហើយ។ ខ្ញុំ​បាន​បន្លែ​ហើយ តែ​នៅ​ខ្វះ​ត្រី អើ​ឲ្យ​ខ្ញុំ​ធ្វើ​ម៉េច​ទៀត? អើ សម្លាញ់​មក​ដោត​ត្រី​ឲ្យ​ខ្ញុំ​មួយ​ដំណោត​ល្មម​ថ្លៃ​មួយ​បាទ​ខ្លះ កន្លះ​បាទ​ខ្លះ មួយ​កហាបណៈ​ខ្លះ ។

អ្នកនគរ​ក៏​មក​ទិញ​ត្រី​ទាំង​ត្រណោត​ៗ​យក​ទៅ​ធ្វើ​ចង្ហាន់ កាល​អ្នក​មហា​ក្រ​កំពុង​ ដោត​ត្រី ភិក្ខុ​ចារ​វេលា​ក៏​មក​ដល់ ហើយ​ពោល​ប្រាប់​ព្រាន​ប្រមង់​ថា សម្លាញ់ ល្មម​ពេល​លោក​និមន្ត​មក​ហើយ ។ ព្រាន​សួរ​ថា ត្រណោត​ត្រី​អស់​ហើយ​ឬ​នៅ ? អស់​រលីង​ហើយ​សម្លាញ់ ។ អើ ត្រី​​៤ ខ្ញុំ​កប់​ទុក​ក្នុង​គំនរ​ដី​ខ្សាច់​ឯ​ណោះ​យក​ចាត់​ចែង​ធ្វើ​ចង្ហាន់​ប្រគេន​លោក​ចុះ ។

ថ្ងៃ​នោះ​ព្រះ​សាស្តា​ទ្រង់​ប្រមើ​មើល​និស្ស័យ​សត្វ​ក៏​បាន​ជ្រាប​ថា​ អ្នក​មហា​ក្រ​នឹង​ភរិយា ប្រគេន​ចង្ហាន់​ភិក្ខុ​មួយ​រូប​ថ្ងៃ​នេះ បើ​វៀរ​ពី​តតថាគត​នឹង​ឥត​បាន​ភិក្ខុ​ឡើយ ។ ធម្មតា​ព្រះ​ពុទ្ធ​ទាំង​ឡាយ​ តែង​ធ្វើ​សេចក្តី​អនុ​គ្រោះ​ចំពោះ​ជន​ក្រ។

ព្រោះ​ហេតុ​នោះ​ ទ្រង់​ធ្វើ​សរីរ​កិច្ច​ពី​ព្រឹក​ដោយ​ព្រះ​ចិន្តា​ថា តថាគត​នឹង​ធ្វើ​សេចក្តី​សង្គ្រោះ​ដល់​អ្នក​មហា​ក្រ​ ទើប​ចូល​ទៅ​ប្រថាប់​ក្នុង​គន្ធ​កុដិ ថ្លែង​ពី​អ្នក​មហា​ក្រ​កំពុង​យួរ​ត្រី​ដើរ​ទៅ​ផ្ទះ​ ក៏​ក្តៅ​រំជួល​ដល់​ពិភព​នៃ​សម្តេច​អមរិន្ទ្រាធិរាជ​ស្តេច​ក៏​ព្រះ​ចិន្តា​ថា​ អ្នក​មហា​ក្រ​នឹង​ប្រគេន​ចង្ហាន់​ដល់​ភិក្ខុ​មួយ​អង្គ ព្រះ​សាស្តា​ស្តេច​នឹង​អនុ​គ្រោះ​អ្នក​ក្រ​នេះ​ដោយ​ពិត ដូច្នេះ​គួរ​អញ​ទៅ​ជួយ​ចាត់​ចែង​ភត្ត​ថ្វាយ​ព្រះ​អង្គ ទើប​ក្លែង​ភេទ​ដើរ​មក​សុំ​ស៊ី​ឈ្នួល​ឲ្យ​អ្នក​មហា​ក្រ ដោយ​អួត​ថា ព្រះ​អង្គ​ចេះ​វិជ្ជា​ដាំ​ស្ល​សព្វ​គ្រប់​ អង្វរ​ករ​ទាល់​តែ​អ្នក​មហា​ក្រ​សុខ​ចិត្ត​ទើប​អ្នក​មហាក្រ​សួរ​ថា អ្នក​ចាត់​ចែង​ភត្ត​មួយ​ពេល​យក​ថ្លៃ​ឈ្នួល​ប៉ុន្មាន? ព្រះ​ឥន្ទ បើ​អ្នក​ប្រគេន​ភត្ត​ដល់​ភក្ខុ ខ្ញុំ​ឥត​ត្រូវ​ការ​ដោយ​ថ្លៃ​ឈ្នួល សុំ​ចែក​តែ​បុណ្យ​បាន​ហើយ ។ អ្នក​មហាក្រ​ក៏​ឲ្យ​ចូលទៅ​ក្នុង​ផ្ទះ​ចាត់​ចែង​ភត្ត ។ ឯ​ព្រះ​ឥន្ទ​ប្រាប់​ថា ល្មម​អ្នក​ទៅ​ទទួល​លោក​ហើយ ។

ឯ​អ្នក​ចាត់​ការ​បាន​បញ្ជូន​ភិក្ខុ​ទាំង​ឡាយ​តាម​ចំនួន​ក្នុង​បញ្ជី​ឲ្យ​ដល់​អ្នក​ម្ចាស់​ទាន​រាល់​ៗ​រូប។ អ្នក​មហា​ក្រ ក៏​ទៅ​ទទួល​ភិក្ខុ​នឹង​គេ​ លុះ​ទៅ​ដល់​ក៏​សួរ​អ្នក​ចាត់​ ថា​ភិក្ខុ​អង្គ​ណា​ដែល​អ្នក​ត្រូវ​ខ្ញុំ? អ្នក​ចាត់​ភ្ញាក់​ព្រើត​ ពោល​ប្រាប់​ថា ខ្ញុំ​ភ្លេច​ទៅ​ហើយ ។ អ្នក​មហា​ក្រ​ឮ​ពាក្យ​នោះ​ភ្លាម​ហាក់​ដូច​គេ​ពួយ​លំពែង​មាន​មុខ​ដ៏​មុត​ ក៏​យំ​រៀប​រាប់​ថា អ្នក​បបួល​​ខ្ញុំ​ឲ្យ​ប្រគេន​ចង្ហាន់​ដល់​ភិក្ខុ​មួយ​អង្គ ពី​ម្សិល​មិញ​ខ្ញុំ​ទៅ​ស៊ី​ឈ្នួល​គេ​ទាំង​ប្តី​ប្រពន្ធ​ព្រឹក​មិញ ដើរ​ទៅ​រក​បន្លែ​ឯ​ឆ្នេរ​ស្ទឹង​ទៀត សូម​អ្នក​ឲ្យ​ភិក្ខុ​មួយ​អង្គ​ ដល់​ខ្ញុំ​ពុំ​ខាន ។

មនុស្ស​ទាំង​ឡាយ​សួរ​ថា អ្នក​មហា​ក្រ​មាន​រឿង​រ៉ាវ​យ៉ាង​ម៉េច? ទើប​ជម្រាប​គេ​តាម​សេចក្តី​នោះ ។ មនុស្ស​ទាំង​នោះ ក៏​សួរ​បញ្ជាក់់​អ្នក​ចាត់​ទៀត​អ្នក​ចាត់​ក៏​ពោល​ថា​ពិត​មែន ពួក​មនុស្ស​ពោល​ថា អ្នក​ធ្វើ​កម្ម​ធ្ងន់​ណាស់​ ជាអ្នក​ចាត់​ចែង​ភិក្ខុ​មួយ​អង្គ​ដល់​អ្នក​មហាក្រ​កុំ​ខាន ។ អ្នក​ចាត់​ចែង​មាន​សេចក្តី​អៀន​ខ្មាស់​ជា​ពន្លឹក​ក៏​ពោល​ថា អ្នក​មហាក្រ​សម្លាញ់ កុំ​ឲ្យ​ខ្ញុំ​វិនាស​ព្រោះ​ខ្ញុំ​ភ្លេច​ឈឹង មនុស្ស​ទាំង​ឡាយ ក៏​នាំ​ភិក្ខុ​ទៅ​ផ្ទះ​គេ​អស់​ទៅ​ហើយ​ដូច្នេះ​សម្លាញ់​ទៅ​វត្ត​ពោល​ទូល​ព្រះ​សាស្តា​ថា បពិត្រ​ព្រះ​អង្គ​ដ៏​ចំរើន​ ខ្ញុំ​ព្រះ​អង្គ​ជា​អ្នក​ក្រ សូម​ទ្រង់​ធ្វើ​សេចក្តី​អនុ​គ្រោះ​ដល់​ខ្ញុំ​ព្រះ​អង្គ បើ​បុណ្យ​សម្លាញ់​មាន​គង់​តែ​បាន ព្រោះ​ព្រះ​អង្គ​ឥត​ទាន់​និមន្ត​អ្នក​ណា​ទេ ។ អ្នក​មហា​ក្រ​បាន​រត់​យ៉ាង​លឿន​សំដៅ​ទៅ​វត្ត ។

ឥស្សរជន​មាន​ស្តេច ​និ​ង​ស្តេច​កំលោះ​ ក៏​ពោល​ចំអក​ថា អ្នក​មហាក្រ ភត្ត​កាល​មិន​ទាន់​ដល់​ដោយ​ពិត ហេតុ​អ្វី​បាន​អ្នក​បង្ខំ​មក ។ អ្នក​មហាក្រ​ពោល​តប​ថា ខ្ញុំ​ដឹង​ហើយ​ថា​ភត្ត​កាល​មិន​ទាន់​ដល់​ទេ ។ តែ​ខ្ញុំ​មក​ថ្វាយ​បង្គំ​ព្រះ​សាស្តា​ទេ ហើយ​ក៏​ឈរ​ផ្អែក​ក្បាល​លើ​ធរណី​គន្ធកុដិ ថ្វាយ​បង្គំ​ដោយ​គោរព​ពោល​ថា បពិត្រ​ព្រះ​អង្គ​ដ៏​ចំរើន​ ក្នុង​នគរ​នេះ​ឥត​មាន​នរណា​ក្រ​ជាង​ខ្ញុំ​ព្រះ​អង្គ​ទេ សូម​ទ្រង់​ជា​ទី​ពឹង​របស់​ខ្ញុំ​ព្រះ​អង្គ សូម​ទ្រង់​ធ្វើ​សេចក្តី​អនុគ្រោះ​ដល់​ខ្ញុំ​ព្រះ​អង្គ ។

ព្រះ​សាស្តា​ស្តេច​បើក​ទ្វារ​កុដិ ហើយ​ប្រទាន​បាត្រ​ឲ្យ​អ្នក​មហាក្រ​នោះ​ៗ ហាក់​ដូច​ជា​បាន​សោយ​រាជ្យ ជា​ស្តេច​ចក្រ​ពត្តិ ។ ឥស្សរជន​ទាំង​ឡាយ ក៏​រមិល​មើល​មុខ​គ្នា​ទៅ​វិញ​ទៅ​មក​គ្មាន​អ្នក​ណា​មួយ​ហ៊ាន​ដណ្តើម​យក​បាត្រ ដែល​ព្រះ​សាស្តា​ប្រទាន​ឲ្យ​អ្នក​មហាក្រ​នោះ​ឡើយ ។ ឥស្សរជន​ទាំង​នោះ​ក៏​ពោល​លួងលោម​អ្នក​មហាក្រ​ថា ហៃ​អ្នក​មហាក្រ​ភឿន​ ចូរ​អ្នក​ឲ្យ​បាត្រ​ព្រះ​សាស្តា​មក​ខ្ញុំ​ៗ នឹង​ឲ្យ​ទ្រព្យ​ដល់​អ្នក​ប៉ុណ្ណេះ​សម្លាញ់​ជា​អ្នក​ក្រ​គួរ​ ទទួល​យក​ទ្រព្យ​ទៅ​វា​គ្មាន​ប្រយោជន៍​ដោយ​បាត្រ​ទេ ។ អ្នក​មហា​ក្រ​ពោល​ថា ទេ​មិន​ឲ្យ​ដាច់​ខាត​ហើយ ព្រោះ​ខ្ញុំ​ឥត​ត្រូវ​ការ​ទ្រព្យ​ទេ​ត្រូវ​ការ​តែ​ថ្វាយ​ចង្ហាន់ ដល់​ព្រះ​សាស្តា​ប៉ុណ្ណោះ ឥស្សរជន​ទាំង​អស់​គ្នា​ នឹក​អស់​សង្ឃឹម​ថា នឹង​បាន​បាត្រ​ព្រះ​សាស្តា​ក៏​ត្រឡប់​ទៅ​ផ្ទះ​វិញ នៅ​តែ​ព្រះ​រាជា​មួយ​អង្គ​គត់​ដោយ​ទ្រង់​គិត​ថា អ្នក​មហា​ក្រ​ទុក​ជា​អញ​លួង​លោម​ដោយ​ទ្រព្យ​ក៏​នៅ​តែ​មិន​ព្រម​ឲ្យ រឿង​នេះ​ពិត​ជា​គ្មាន​នរណា​មួយ​ហ៊ាន​ទទួល​យក​បាត្រ​ដែល​ព្រះ​សាស្តា​ប្រទាន​ផ្ទាល់​ព្រះ​អង្គ​ឡើយ ចាំ​មើល​ទ័យ​ធម៌​អ្នក​មហាក្រ​នេះ​យ៉ាង​ម៉េច​ទៅ អញ​នឹង​នាំ​ព្រះ​សាស្តា​ទៅ​ដំណាក់​ក្នុង​កាល​ដែល​អ្នក​មហាក្រ​ប្រគេន​ទ័យ​ធម៌​ហើយ នឹង​ប្រគេន​អាហារ​ដែល​នាយ​វិសេស​ចាត់​ចែង ដល់​ព្រះ​អង្គ ទើប​ស្តេច​យាង​ទៅ​ជា​មួយ​នឹង​ព្រះ​សាស្តា​ដែរ ។ រី​ឯ​សក្កទេវរាជ ចាត់​ចែង​វត្ថុ​ទាំង​ឡាយ​មាន​បបរ បាយ​នឹង​បន្លែ​រួច​ហើយ​ ក៏​រៀប​ចំ​អាសនះ​ដ៏​សម​គួរ​ដល់​ព្រះ​សាស្តា ហើយ​នៅ​អង្គុយ​ចាំ ។ អ្នក​មហាក្រ​និមន្ត​ព្រះ​អង្គ​ទៅ​ដល់​ផ្ទះ​ក៏​ទូល​ថា សូម​ព្រះ​អង្គ​ស្តេច​យាង​ចូល ។

គួរ​ឲ្យ​អស្ចារ្យ​ណាស់​ ផ្ទះ​គាត់​ទាប បើ​អ្នក​ណា​មិន​ឳន មិន​អាច​ចូល​ទៅ​បាន​ទេ តែ​ធម្មតា​ព្រះ​ពុទ្ធ​ទាំង​ឡាយ ព្រះ​អង្គ​មិន​ដែល​ឳន​ហើយ​ទើប​យាង​ចូល​ឡើយ ក្នុង​ពេល​ដែល​ព្រះ​អង្គ​យាង​ចូល​ទៅ មហា​ប្រឹថពី​ស្រុត​ចុះ​ទៅ​ក្រោយ​ផ្ទះ​អណ្តែត​ឡើង​លើ ។ នេះ​ជា​ផល​ដែល​ព្រះ​ពុទ្ធ​គ្រប់​ព្រះ​អង្គ​បាន​កសាង​ពី​បុរេ​ជាតិ ។ ព្រះ​សាស្តា​ស្តេច​យាង​ចូល​ទៅ​គង់​លើ​អាសនៈ​ដែ​លសក្កទេវរាជ​ក្រាល​ថា្វយ ។ ព្រះ​អង្គ​គង់​ភ្លាម ព្រះ​រាជា​ដែល​ចង់​បាន​បាត្រ​ ក៏​ពោល​ ប្រាប់​អ្នក​មហា​ក្រ​ថា ហៃ​អ្នក​មហា​ក្រ​សម្លាញ់​ កាល​យើង​សុំ​បាត្រ​អ្នក​ៗ​ មិន​ឲ្យ​សោះ​ សក្ការដូចម្តេច ដែល​អ្នក​បំរុង​ប្រគេន​ព្រះ​សាស្តា យក​មក​ខ្ញុំ​មើល​ផង ។ លំដាប់​នោះ​សក្ក​ទេវរាជ​បើក​ភាជន៍​បបរ​បាយ​បង្ហាញ​ព្រះ​រាជា ។ ក្លិន​បបរ​បាយ​នោះ​ផ្សាយ​ទៅ​គ្រប​សង្កត់​នគរ​ព្រះ​រាជា​ពោល​​ថា បពិត្រ​ព្រះ​អង្គ​ដ៏​ចំរើន​ខ្ញុំ​មក​នេះ​គិត​ថា ទ័យ​ធម៌​អ្នក​មហា​ក្រ​នេះ​មិន​ប៉ុន្មាន​ទេ បើ​អ្នក​មហា​ក្រ​នេះ​ប្រគេន​ទ័យ​ធម៌​ហើយ ខ្ញុំ​ព្រះ​អង្គនឹង​និមន្ត​ស្តេច​ទៅ​ដំណាក់​ហើយ​ថ្វាយ​អាហារ ដែល​គេ​ចាត់​ចែង​បំរុង​ខ្ញុំ​ព្រះ​ករុណា អាហារ​បែប​នេះ​ខ្ញុំ​ព្រះ​អង្គ​មិន​ធ្លាប់​ឃើញ​ទេ​បើ​ខ្ញុំ​ព្រះ​អង្គ​នៅ​ក្នុង​ទី​នេះ​អ្នក​មហា​ក្រ​មុខ​តែ​លំបាក ដូច្នេះ​សូម​ថ្វាយ​បង្គំ​ព្រះ​អង្គ​ទៅ​ហើយ ។

ឯ​សក្ក​ទេវរាជ​ទ្រង់​ចាត់​ចែង​ទាន​ថ្វាយ​ព្រះ​សាស្តា​ដោយ​គោរព លុះ​ព្រះ​អង្គ​សម្រេច​ភត្ត​កិច្ច​ហើយ ក៏​ធ្វើ​អនុមោទនា ហើយ​ស្តចេ​យាង​ត្រឡប់​ទៅ​វិញ ។ សក្កៈ​ឲ្យ​សញ្ញា​ដល់​អ្នក​មហាក្រ​ៗ​ក៏​យក​បាត្រ​ហើយ​ជូន​ដំណើរ​រហូត​ដល់​វត្ត ។ សក្កៈ​ត្រឡប់​មក​វិញ ឈរ​ក្បែរ​ទា្វ​ផ្ទះ​សំលឹង​មើល​ទៅ​ឯ​អាកាស​ស្រាប់តែ​ភ្លៀង​កែង​៧​ប្រការ​ធ្លាក់​ចុះ​មក​បំពេញ​ភាជនៈ​នឹង​ផ្ទះ​ទាំង​មូល​ឲ្យ​ពេញ​រក​តែ​ទី​ទំនេរ​ក៏​គ្មាន ទើប​ប្រពន្ធ​អ្នក​មហាក្រ​ដឹក​ដៃ​កូន​រត់​ចេញ​ទៅ​ក្រៅ​ផ្ទះ ។

អ្នក​មហា​ក្រ​ត្រឡប់​មក​វិញ ឃើញ​កូន​ប្រពន្ធ​នៅ​ខាង​ក្រៅ​ផ្ទះ ក៏​សួរ​ថា ក្នុង​ផ្ទះ​កើត​ហេតុ​យ៉ាង​ម៉េច? បពិត្រ​ស្វាមី​ផ្ទះ​យើង​ពេញ​ដោយ​កែវ​៧​ប្រការ​រក​តែ​ទី​ទំនេរ​ក៏​គ្មាន ។ អ្នក​មហាក្រ​គិត​ថា នេះ​ជា​ផល​នៃ​ទាន​ដែល​អញ​ឲ្យ​ហើយ​ក្នុង​ថ្ងៃ​នេះ ទើប​ដើរ​ទៅ​ដំណាក់​ថ្វាយ​បង្គំ​ព្រះ​រាជា​ៗ​ត្រាស់​សួរ​ថា អ្នក​មាន​ការ​អ្វី?

បពិត្រ​ព្រះ​សម្មតិទេព ផ្ទះ​ទូល​បង្គំ​ពេញ​លេញ​ដោយ​កែវ​៧​ប្រការ សូម​ទ្រង់​ទទួល​ទ្រព្យ​នោះ ។ ព្រះ​រាជា​គិត​ថា ឳ! ទាន​ដែល​បុគ្គល​បាន​ថ្វាយ​ដល់​ព្រះ​ពុទ្ធ​ទាំង​ឡាយ​រមែង​សម្រេច​ប្រយោជន៍​ភ្លាម​ៗ​មែន ទើប​ត្រាស់​សួរ​ថា​ អ្នក​យក​អ្វី​ទៅ​ដាក់? ក្រាប​ទូល​យក​រទេះ​ទៅ​មួយ​ពាន់​ទើប​ល្មម ព្រះ​រាជា​ក៏​បញ្ជូន​រទេះ​មួយ​ពាន់​ឲ្យ​ទៅ​ដឹក​ទ្រព្យ​យក​មក​ចាក់​គរ​ក្នុង​ព្រះ​លាន គំនរ​នោះ​កំពស់​ដើម​ត្នោត ។ ទើប​ត្រាស់​ប្រជុំ​អ្នក​ក្រុង​សួរ​ថា​ ក្នុង​នគរ​នេះ មាន​នរណា​មាន​ទ្រព្យ​ប៉ុណ្ណេះ​ដែរ​ ក្រាប​ទូល​គ្មាន​ទេ ។

ទ្រង់​ប្រទាន​ដំណែង​ ជា​សេដ្ឋី​ព្រោះ​មាន​សម្បត្តិ​ច្រើន​លើស​គេ​ឯង ក្នុង​នគរ​ជា​មួយ​គ្នា ដល់​អ្នក​មហា​ក្រ​នោះ​ឲ្យ​ក្លាយ​ទៅ​ជា​អ្នក​មាន​ធំ ។ ទើប​ទ្រង់​ប្រទាន​ដី​ភូមិ​នោះ​ឲ្យ​ស្មើ កំណប់​ទ្រព្យ​ទាំង​ឡាយ​ក៏​ផុះ​ឡើង ។​ អ្នក​មាន​ធំ​ក៏​នាំ​រឿង​នោះ​ទៅ​ទូល​ព្រះ​រាជា​ៗ ត្រាស់​ថា​កំណប់​នេះ​កើត​ឡើង​ដោយ​បុណ្យ​របស់​អ្នក​ទេ​តើ ចូរ​អ្នក​ថែ​រក្សា​ទុក​ចុះ អ្នក​មាន​ធំ​ឲ្យ​គេ​សង់​ផ្ទះ​រួច​ហើយ ក៏​ចាត់​ចែង​ទាន​ថ្វាយ​ដល់​ព្រះ​សង្ឃ​មាន​ ព្រះ​ពុទ្ធ​ជា​ប្រធាន​អស់​៧​ថ្ងៃ​ នឹង​ធ្វើ​បុញ្ញ​កម្ម​ផ្សេងៗ​ទៀត​ជា​ច្រើន លុះ​អស់​អាយុ​ក៏​បាន​ទៅ​កើត​ក្នុង​ទេវលោក​ សោយ​សម្បត្តិ​អស់​មួយ​ពុទ្ធន្តរ ទើប​ច្យុត​ចាក​ទី​នោះ អ្នក​មក​ចាប់​បដិសន្ធិ​ក្នុង​ផ្ទៃ​នៃ​ធីតា​សេដ្ឋី ជា​ឧបដ្ខាក​ព្រះ​សារីបុត្តត្ថេរ​នា​ក្រុង​សាវត្ថី ក្នុង​ពុទ្ធប្បាទ​នេះ ។

តាំង​ពី​ទារក​នេះ ចុះ​ចាប់​បដិសន្ធិ​កាល​ក្នុង​ផ្ទៃ​មាតា​កាល​ណា ជន​អ្នក​នៅ​ក្នុង​ផ្ទះ​នោះ ជា​ជន​លីលា​ក្តី ល្ងី​ល្ងើ​ក្តី គរ​ក្តី​ឆ្កួត​ក្តី ក៏​ក្លាយ​ទៅ​ជា​បណ្ឌិត​​ទាំង​អស់​គ្នា លុះ​គ្រប់​ទស​មាសា ក៏​ប្រសូត្រ​បុត្រ​ៗ​នោះ មាន​ឈ្មោះ​ប្រាកដ​ថា បណ្ឌិត​ទារក ។ ពេល​ទារក​នោះ​កើត​មក​ក៏​បណ្តាល​ឲ្យ​ទឹក​ចិត្ត​ម្តាយ​គិត​ឃើញ​ថា នឹង​បណ្តោយ​តាម​អធ្យា​ស្រ័យ​របស់​បុត្រ​ដោយ​ពិត ។ កាល​កុមារ​អាយុ​បាន​៧​ឆ្នាំ ក៏​សុំ​មាតា​ទៅ​បួស​ក្នុង​ សំណាក់​ព្រះ​សារី​បុត្ត ។ មាតា​ក៏​បបួល​ញាតិ​ចាត់​ចែង​គ្រឿង​សម្ភារៈ នាំ​កុមារ​ទៅ​កាន់​សំណាក់​ព្រះ​សារីបុត្ត ហើយ​ប្រគេន​កុមារ​ទៅ​លោក​ទូល​ថា សូម​លោក​ម្ចាស់​បំបួស​កុមារ​នេះ​ឲ្យ​ទាន​ផង​ចុះ ។

ព្រះ​ថេរៈក៏​ប្រាប់​រឿង​បព្វ​ជ្ជា​កម្ម​ថា ជា​ការ​លំបាក​ប្រព្រឹត្ត​ឲ្យ​បាន​បែប​បទ តែ​កុមារ​ពោល​ថា ខ្ញុំ​ព្រះ​ករុណា​អាច​ធ្វើ​តាម​ឳវាទ​របស់​លោក​ម្ចាស់​បាន ។ ព្រះ​ថេរ​ឲ្យ​កាត់​សក់​ហើយ ប្រាប់​តប​បញ្ចកកម្មដ្ឋាន ទើប​បំបួស​ពេល​នោះ ។ ឯ​មាតាបិតា​សាម​ណេរ​នោះ​នៅ​ប្រគេន​ទាន​ដោយ​រស​ត្រី​ឆ្អិន​ដល់​ព្រះ​ភិក្ខុ​សង្ឃ មាន​ព្រះ​ពុទ្ធ ជា​ប្រធាន អស់​៧​ថ្ងៃ​ទើប​វិល​ទៅ​ផ្ទះ​វិញ ។

ថ្ងៃ​ទី​៨ ព្រះ​ថេរៈ​នាំ​សាមណេរ​ទៅ​បិណ្ឌ​បាត លុះ​និមន្ត​ទៅ​ក៏​បាន​ឃើញ​ប្រឡាយ​ ឃើញ​ជាង​ចាំង ឃើញ​ជាង​កូន​សរ ហើយ​សួរ​ព្រះ​ថេរះ​ៗ ក៏​ពោល​ប្រាប់​តាម​ដំណើរ ទើប​ឲ្យ​សាមណេរ​មក​ដល់​វត្ត ក៏​បើក​ទ្វារ​ចូល​ទៅ​ធ្វើសាមណ​ធម៌ សម្ងំ​អភិរម្យ​នៅ​ក្នុង​កុដិ​តែ​ឯក​ឯង។

ពេល​នោះ​ព្រះ​សាស្តា រមិល​មើល​និស្ស័យ​សត្វ​ក៏​បាន​ដឹង​ថា សាមណេរ​បណ្ឌិត​នេះ​នឹង​បាន​សម្រេច​អរហត្ត​ក្នុង​ពេល​ដែល​តថាគត​សួរ​ប្រស្នា​ចំពោះ​សារី​បុត្ត ទើប​យាង​ទៅ​ចាំ​ព្រះ​សារី​បុត្ត​នៅ​ខាង​ក្រៅ​កុដិ​នោះ លុះ​ព្រះ​ថេរះ​និមន្ត​មក​ដល់ ទ្រង់​សួរ​៤​ប្រស្នា​ថា​ម្នាល​សារីបុត្ត​អាហារ​នាំ​មក​នូវ​អ្វី ? ក្រាប​ទូល​នូវ​ផស្សៈ ។ វេទនា​នាំ​មក​នូវ​អ្វី? នាំ​មក​នូវ​រូប ។ រូប​នាំ​មក​នូវ​អ្វី ? នាំ​មក​នូវ​ផស្សៈ ។ លុះ​ចប់​ប្រស្នា សាម​ណេរ​នៅ​ក្នុង​កុដិ​ក៏​បាន​សម្រេច​អរហត្ត​ក្នុង​ព្រះ​ជន្ម​៧​វស្សា​នឹង បួស​បាន​៨​ថ្ងៃ ប្រៀប​ដូច​ជា​ផ្កា​ឈូក​រីក​ស្រស់​បស់​ដូច្នោះ​ឯង ។

អត្ថបទ​នេះ​ដក​ស្រង់​ចេញ​ពី​សៀភៅៈ ប្រជុំជាតក            
វាយ​អត្ថបទ​ដោយៈ កញ្ញា ជា ម៉ានិត

ដោយ៥០០០ឆ្នាំ

 

Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
Articles you may like
Public date : 04, May 2020 (46,335 Read)
តយោធម្មជាតក
Public date : 05, Jan 2023 (21,931 Read)
រឿងស្វាទេវទត្ត
Public date : 01, May 2022 (20,543 Read)
រឿងអតិចារិណិត្ថី
Public date : 22, Dec 2022 (16,814 Read)
រឿងនាងថូនទាសី
Public date : 26, Aug 2019 (28,132 Read)
រឿងនាងគព្ភិនី
Public date : 27, Jul 2019 (19,261 Read)
រឿង​នាង​បទុម​វតី
Public date : 22, Dec 2022 (30,855 Read)
ធម្មនិយាមនៃព្រះពុទ្ធ
Public date : 12, Mar 2024 (6,550 Read)
កិន្នរាទេវិវត្ថុ
Public date : 24, Nov 2020 (82,629 Read)
រឿង​មល្លិកាទេវី
© Founded in June B.E.2555 by 5000-years.org (Khmer Buddhist).
CPU Usage: 3.34
បិទ
ទ្រទ្រង់ការផ្សាយ៥០០០ឆ្នាំ ABA 000 185 807
   ✿  សូមលោកអ្នកករុណាជួយទ្រទ្រង់ដំណើរការផ្សាយ៥០០០ឆ្នាំ  ដើម្បីយើងមានលទ្ធភាពពង្រីកនិងរក្សាបន្តការផ្សាយ ។  សូមបរិច្ចាគទានមក ឧបាសក ស្រុង ចាន់ណា Srong Channa ( 012 887 987 | 081 81 5000 )  ជាម្ចាស់គេហទំព័រ៥០០០ឆ្នាំ   តាមរយ ៖ ១. ផ្ញើតាម វីង acc: 0012 68 69  ឬផ្ញើមកលេខ 081 815 000 ២. គណនី ABA 000 185 807 Acleda 0001 01 222863 13 ឬ Acleda Unity 012 887 987   ✿ ✿ ✿ នាមអ្នកមានឧបការៈចំពោះការផ្សាយ៥០០០ឆ្នាំ ជាប្រចាំ ៖  ✿  លោកជំទាវ ឧបាសិកា សុង ធីតា ជួយជាប្រចាំខែ 2023✿  ឧបាសិកា កាំង ហ្គិចណៃ 2023 ✿  ឧបាសក ធី សុរ៉ិល ឧបាសិកា គង់ ជីវី ព្រមទាំងបុត្រាទាំងពីរ ✿  ឧបាសិកា អ៊ា-ហុី ឆេងអាយ (ស្វីស) 2023✿  ឧបាសិកា គង់-អ៊ា គីមហេង(ជាកូនស្រី, រស់នៅប្រទេសស្វីស) 2023✿  ឧបាសិកា សុង ចន្ថា និង លោក អ៉ីវ វិសាល ព្រមទាំងក្រុមគ្រួសារទាំងមូលមានដូចជាៈ 2023 ✿  ( ឧបាសក ទា សុង និងឧបាសិកា ង៉ោ ចាន់ខេង ✿  លោក សុង ណារិទ្ធ ✿  លោកស្រី ស៊ូ លីណៃ និង លោកស្រី រិទ្ធ សុវណ្ណាវី  ✿  លោក វិទ្ធ គឹមហុង ✿  លោក សាល វិសិដ្ឋ អ្នកស្រី តៃ ជឹហៀង ✿  លោក សាល វិស្សុត និង លោក​ស្រី ថាង ជឹង​ជិន ✿  លោក លឹម សេង ឧបាសិកា ឡេង ចាន់​ហួរ​ ✿  កញ្ញា លឹម​ រីណេត និង លោក លឹម គឹម​អាន ✿  លោក សុង សេង ​និង លោកស្រី សុក ផាន់ណា​ ✿  លោកស្រី សុង ដា​លីន និង លោកស្រី សុង​ ដា​ណេ​  ✿  លោក​ ទា​ គីម​ហរ​ អ្នក​ស្រី ង៉ោ ពៅ ✿  កញ្ញា ទា​ គុយ​ហួរ​ កញ្ញា ទា លីហួរ ✿  កញ្ញា ទា ភិច​ហួរ ) ✿  ឧបាសក ទេព ឆារាវ៉ាន់ 2023 ✿ ឧបាសិកា វង់ ផល្លា នៅញ៉ូហ្ស៊ីឡែន 2023  ✿ ឧបាសិកា ណៃ ឡាង និងក្រុមគ្រួសារកូនចៅ មានដូចជាៈ (ឧបាសិកា ណៃ ឡាយ និង ជឹង ចាយហេង  ✿  ជឹង ហ្គេចរ៉ុង និង ស្វាមីព្រមទាំងបុត្រ  ✿ ជឹង ហ្គេចគាង និង ស្វាមីព្រមទាំងបុត្រ ✿   ជឹង ងួនឃាង និងកូន  ✿  ជឹង ងួនសេង និងភរិយាបុត្រ ✿  ជឹង ងួនហ៊ាង និងភរិយាបុត្រ)  2022 ✿  ឧបាសិកា ទេព សុគីម 2022 ✿  ឧបាសក ឌុក សារូ 2022 ✿  ឧបាសិកា សួស សំអូន និងកូនស្រី ឧបាសិកា ឡុងសុវណ្ណារី 2022 ✿  លោកជំទាវ ចាន់ លាង និង ឧកញ៉ា សុខ សុខា 2022 ✿  ឧបាសិកា ទីម សុគន្ធ 2022 ✿   ឧបាសក ពេជ្រ សារ៉ាន់ និង ឧបាសិកា ស៊ុយ យូអាន 2022 ✿  ឧបាសក សារុន វ៉ុន & ឧបាសិកា ទូច នីតា ព្រមទាំងអ្នកម្តាយ កូនចៅ កោះហាវ៉ៃ (អាមេរិក) 2022 ✿  ឧបាសិកា ចាំង ដាលី (ម្ចាស់រោងពុម្ពគីមឡុង)​ 2022 ✿  លោកវេជ្ជបណ្ឌិត ម៉ៅ សុខ 2022 ✿  ឧបាសក ង៉ាន់ សិរីវុធ និងភរិយា 2022 ✿  ឧបាសិកា គង់ សារឿង និង ឧបាសក រស់ សារ៉េន  ព្រមទាំងកូនចៅ 2022 ✿  ឧបាសិកា ហុក ណារី និងស្វាមី 2022 ✿  ឧបាសិកា ហុង គីមស៊ែ 2022 ✿  ឧបាសិកា រស់ ជិន 2022 ✿  Mr. Maden Yim and Mrs Saran Seng  ✿  ភិក្ខុ សេង រិទ្ធី 2022 ✿  ឧបាសិកា រស់ វី 2022 ✿  ឧបាសិកា ប៉ុម សារុន 2022 ✿  ឧបាសិកា សន ម៉ិច 2022 ✿  ឃុន លី នៅបារាំង 2022 ✿  ឧបាសិកា នា អ៊ន់ (កូនលោកយាយ ផេង មួយ) ព្រមទាំងកូនចៅ 2022 ✿  ឧបាសិកា លាង វួច  2022 ✿  ឧបាសិកា ពេជ្រ ប៊ិនបុប្ផា ហៅឧបាសិកា មុទិតា និងស្វាមី ព្រមទាំងបុត្រ  2022 ✿  ឧបាសិកា សុជាតា ធូ  2022 ✿  ឧបាសិកា ស្រី បូរ៉ាន់ 2022 ✿  ក្រុមវេន ឧបាសិកា សួន កូលាប ✿  ឧបាសិកា ស៊ីម ឃី 2022 ✿  ឧបាសិកា ចាប ស៊ីនហេង 2022 ✿  ឧបាសិកា ងួន សាន 2022 ✿  ឧបាសក ដាក ឃុន  ឧបាសិកា អ៊ុង ផល ព្រមទាំងកូនចៅ 2023 ✿  ឧបាសិកា ឈង ម៉ាក់នី ឧបាសក រស់ សំណាង និងកូនចៅ  2022 ✿  ឧបាសក ឈង សុីវណ្ណថា ឧបាសិកា តឺក សុខឆេង និងកូន 2022 ✿  ឧបាសិកា អុឹង រិទ្ធារី និង ឧបាសក ប៊ូ ហោនាង ព្រមទាំងបុត្រធីតា  2022 ✿  ឧបាសិកា ទីន ឈីវ (Tiv Chhin)  2022 ✿  ឧបាសិកា បាក់​ ថេងគាង ​2022 ✿  ឧបាសិកា ទូច ផានី និង ស្វាមី Leslie ព្រមទាំងបុត្រ  2022 ✿  ឧបាសិកា ពេជ្រ យ៉ែម ព្រមទាំងបុត្រធីតា  2022 ✿  ឧបាសក តែ ប៊ុនគង់ និង ឧបាសិកា ថោង បូនី ព្រមទាំងបុត្រធីតា  2022 ✿  ឧបាសិកា តាន់ ភីជូ ព្រមទាំងបុត្រធីតា  2022 ✿  ឧបាសក យេម សំណាង និង ឧបាសិកា យេម ឡរ៉ា ព្រមទាំងបុត្រ  2022 ✿  ឧបាសក លី ឃី នឹង ឧបាសិកា  នីតា ស្រឿង ឃី  ព្រមទាំងបុត្រធីតា  2022 ✿  ឧបាសិកា យ៉ក់ សុីម៉ូរ៉ា ព្រមទាំងបុត្រធីតា  2022 ✿  ឧបាសិកា មុី ចាន់រ៉ាវី ព្រមទាំងបុត្រធីតា  2022 ✿  ឧបាសិកា សេក ឆ វី ព្រមទាំងបុត្រធីតា  2022 ✿  ឧបាសិកា តូវ នារីផល ព្រមទាំងបុត្រធីតា  2022 ✿  ឧបាសក ឌៀប ថៃវ៉ាន់ 2022 ✿  ឧបាសក ទី ផេង និងភរិយា 2022 ✿  ឧបាសិកា ឆែ គាង 2022 ✿  ឧបាសិកា ទេព ច័ន្ទវណ្ណដា និង ឧបាសិកា ទេព ច័ន្ទសោភា  2022 ✿  ឧបាសក សោម រតនៈ និងភរិយា ព្រមទាំងបុត្រ  2022 ✿  ឧបាសិកា ច័ន្ទ បុប្ផាណា និងក្រុមគ្រួសារ 2022 ✿  ឧបាសិកា សំ សុកុណាលី និងស្វាមី ព្រមទាំងបុត្រ  2022 ✿  លោកម្ចាស់ ឆាយ សុវណ្ណ នៅអាមេរិក 2022 ✿  ឧបាសិកា យ៉ុង វុត្ថារី 2022 ✿  លោក ចាប គឹមឆេង និងភរិយា សុខ ផានី ព្រមទាំងក្រុមគ្រួសារ 2022 ✿  ឧបាសក ហ៊ីង-ចម្រើន និង​ឧបាសិកា សោម-គន្ធា 2022 ✿  ឩបាសក មុយ គៀង និង ឩបាសិកា ឡោ សុខឃៀន ព្រមទាំងកូនចៅ  2022 ✿  ឧបាសិកា ម៉ម ផល្លី និង ស្វាមី ព្រមទាំងបុត្រី ឆេង សុជាតា 2022 ✿  លោក អ៊ឹង ឆៃស្រ៊ុន និងភរិយា ឡុង សុភាព ព្រមទាំង​បុត្រ 2022 ✿  ក្រុមសាមគ្គីសង្ឃភត្តទ្រទ្រង់ព្រះសង្ឃ 2023 ✿   ឧបាសិកា លី យក់ខេន និងកូនចៅ 2022 ✿   ឧបាសិកា អូយ មិនា និង ឧបាសិកា គាត ដន 2022 ✿  ឧបាសិកា ខេង ច័ន្ទលីណា 2022 ✿  ឧបាសិកា ជូ ឆេងហោ 2022 ✿  ឧបាសក ប៉ក់ សូត្រ ឧបាសិកា លឹម ណៃហៀង ឧបាសិកា ប៉ក់ សុភាព ព្រមទាំង​កូនចៅ  2022 ✿  ឧបាសិកា ពាញ ម៉ាល័យ និង ឧបាសិកា អែប ផាន់ស៊ី  ✿  ឧបាសិកា ស្រី ខ្មែរ  ✿  ឧបាសក ស្តើង ជា និងឧបាសិកា គ្រួច រាសី  ✿  ឧបាសក ឧបាសក ឡាំ លីម៉េង ✿  ឧបាសក ឆុំ សាវឿន  ✿  ឧបាសិកា ហេ ហ៊ន ព្រមទាំងកូនចៅ ចៅទួត និងមិត្តព្រះធម៌ និងឧបាសក កែវ រស្មី និងឧបាសិកា នាង សុខា ព្រមទាំងកូនចៅ ✿  ឧបាសក ទិត្យ ជ្រៀ នឹង ឧបាសិកា គុយ ស្រេង ព្រមទាំងកូនចៅ ✿  ឧបាសិកា សំ ចន្ថា និងក្រុមគ្រួសារ ✿  ឧបាសក ធៀម ទូច និង ឧបាសិកា ហែម ផល្លី 2022 ✿  ឧបាសក មុយ គៀង និងឧបាសិកា ឡោ សុខឃៀន ព្រមទាំងកូនចៅ ✿  អ្នកស្រី វ៉ាន់ សុភា ✿  ឧបាសិកា ឃី សុគន្ធី ✿  ឧបាសក ហេង ឡុង  ✿  ឧបាសិកា កែវ សារិទ្ធ 2022 ✿  ឧបាសិកា រាជ ការ៉ានីនាថ 2022 ✿  ឧបាសិកា សេង ដារ៉ារ៉ូហ្សា ✿  ឧបាសិកា ម៉ារី កែវមុនី ✿  ឧបាសក ហេង សុភា  ✿  ឧបាសក ផត សុខម នៅអាមេរិក  ✿  ឧបាសិកា ភូ នាវ ព្រមទាំងកូនចៅ ✿  ក្រុម ឧបាសិកា ស្រ៊ុន កែវ  និង ឧបាសិកា សុខ សាឡី ព្រមទាំងកូនចៅ និង ឧបាសិកា អាត់ សុវណ្ណ និង  ឧបាសក សុខ ហេងមាន 2022 ✿  លោកតា ផុន យ៉ុង និង លោកយាយ ប៊ូ ប៉ិច ✿  ឧបាសិកា មុត មាណវី ✿  ឧបាសក ទិត្យ ជ្រៀ ឧបាសិកា គុយ ស្រេង ព្រមទាំងកូនចៅ ✿  តាន់ កុសល  ជឹង ហ្គិចគាង ✿  ចាយ ហេង & ណៃ ឡាង ✿  សុខ សុភ័ក្រ ជឹង ហ្គិចរ៉ុង ✿  ឧបាសក កាន់ គង់ ឧបាសិកា ជីវ យួម ព្រមទាំងបុត្រនិង ចៅ ។  សូមអរព្រះគុណ និង សូមអរគុណ ។...       ✿  ✿  ✿