ឪពុកម្ដាយគួរតែបណ្ដុះគុណធម៌ ៥ ទៀតជាគូនឹងសីល ៥ ដល់កូន

ពេលយើងនាំកូនឲ្យទៅជួបបណ្ឌិតសប្បុសញយៗ អាចជាបច្ច័យឲ្យកូនដើរតាមគន្លងល្អបាន។ យើងត្រូវដឹងថា កូនខ្លះឪពុកម្ដាយមិនស្ដាប់ទេ អ្នកដទៃទើបស្ដាប់តាមព្រោះឪពុកម្ដាយជាមនុស្សមានពៀរជាមួយកូននោះ ធ្វើឲ្យកូននោះមិនយកចិត្តទុកដាក់ដើម្បីស្ដាប់។ មនុស្សនៅក្នុងលោកយើងនេះ មិនមែនចេះតែមានពៀរជាមួយមនុស្សគ្រប់គ្នានោះទេ។ ដើម្បីកុំឲ្យកូនប្រព្រឹត្តកន្លងសីល ៥ ឪពុកម្ដាយគួរតែបណ្ដុះគុណធម៌ ៥ ទៀតជាគូនឹងសីល ៥ ដល់កូនគឺ៖

១- មេត្តា ឲ្យកូនចេះមានសេចក្ដីស្រលាញ់ចំពោះសត្វទាំងពួង។ កាលមានសេចក្ដីស្រលាញ់ចំពោះមនុស្សសត្វហើយ កូនមិនអាចទៅសម្លាប់អ្នកដទៃ ឬ សត្វឡើយ។

២- សម្មាអាជីវៈ ឲ្យកូនរកស៊ីក្នុងផ្លូវសុចរិត កុំឲ្យកេងប្រវ័ញ្ចអ្នកដទៃ បើធ្វើការងាររាជការឲ្យឈ្មោះត្រង់ចំពោះជាតិ។

៣- សទារសន្ដោសៈ ឲ្យត្រេកអរចំពោះតែប្រពន្ធឫប្ដីខ្លួនមិនត្រូវប្រព្រឹត្តខុសចំពោះកូនឬប្រពន្ធប្ដីគេ ឬមានសហាវស្មន់ឡើយ។

៤- សច្ចៈ បង្រៀនកូនឲ្យចេះនិយាយពាក្យពិតមានសច្ចៈមិននិយាយបាតដៃខ្នងដៃឡើយ។

៥- មជ្ជវិរតិ ឲ្យកូនវៀរចាកអំពើស្រវឹងពាលា ឲ្យកូនមានសតិគ្រប់គ្រាន់ ឲ្យឃើញទោសគ្រឿងស្រវឹង ជាទោសធ្វើឲ្យមនុស្សវង្វេង ភ្លេចអ្វីៗទាំងអស់។

កាលយើងបានបណ្ដុះគុណធម៌ ៥ នេះដល់កូនហើយកូននៅតែប្រព្រឹត្តអាក្រក់ទៀត យើងគួរផ្សាយនូវមេត្តាធម៌ករុណា ចំពោះកូននិងណែនាំកូនថា ឪពុកម្ដាយបានយកចិត្តទុកដាក់ចិញ្ចឹមកូនតាមគន្លងល្អហើយ ឲ្យកូនដើរតាមផ្លូវល្អកូននៅតែមិនប្រព្រឹត្តល្អទៀត ពេលកូនធ្វើខុសអ្វីមួយ ឪពុកម្ដាយមិនធានាខុសត្រូវចំពោះកូនទេ បើកូនមានគ្រួសារទៅលំបាក ក៏មិនមែនលំបាកឪពុកម្ដាយដែរ។ ចូរកូនដឹងថាឪពុកម្ដាយ បានរិះរកគ្រប់មធ្យោបាយដើម្បីកូន ហើយកូននៅតែយ៉ាងនេះ សូមកូនប្រព្រឹត្តទៅតាមអំពើដែលកូនធ្វើចុះតែទោះជាយ៉ាងណា កូនក៏នៅតែឈាមជ័ររបស់ឪពុកម្ដាយដដែល។ ឪពុកម្ដាយនឹងព្យាយាមដឹកនាំកូនឲ្យដើរផ្លូវល្អ រហូតដល់ឪពុកម្ដាយ លាចាកលោកនេះទៅ។

ម្យ៉ាងទៀត ត្រូវតែព្យាយាមឲ្យលះបង់នូវបាបធម៌ ៥ ប្រការ ឬ ហៅថា អបាយមុខ គឺ៖

១- លេងស្រី
២- លេងស្រា
៣- លេងល្បែង
៤- សេពគប់បាបមិត្ត
៥- ខ្ជិលច្រអូស

កាលយើងព្យាយាមចិញ្ចឹមកូនយ៉ាងនេះ ទើបយើងឈ្មោះថា ជាឪពុកម្ដាយល្អរបស់កូន។ ទោះជាកូនមានកំហុសអ្វីក៏មិនបន្ទោសទៅលើឪពុកម្ដាយបានឡើយ ព្រោះថា ឪពុកម្ដាយលោកព្យាយាមចិញ្ចឹមខ្លួនហើយ តែខ្លួនមិនស្ដាប់តាមពាក្យដំបូន្មានរបស់លោកទាំងពីរ ទើបយើងមានគ្រោះថ្នាក់យ៉ាងនេះ។

ដកស្រង់ចេញពីសៀវភៅ ចិញ្ចឹមកូនតាមគន្លងធម៌
ដោយ៥០០០ឆ្នាំ

Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
                )

            [1] => Array
                (
                    [shortcode_id] => 2
                    [shortcode] => [ADS2]
                    [full_code] => c
                )

        )

)

ឪពុក​ម្ដាយ​គួរ​តែ​បណ្ដុះ​គុណ​ធម៌​ ៥ ទៀត​ជា​គូ​នឹង​សីល ៥ ដល់​កូន

ឪពុកម្ដាយគួរតែបណ្ដុះគុណធម៌ ៥ ទៀតជាគូនឹងសីល ៥ ដល់កូន